Aisaia 52:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ Ikiavɨra Itir God kamaghɨn mɨgei, “Gumazitam na givezezir puvatɨgha, nan gumazamiziba inigha ghuzɨ, me an ingangarir gumazamizir kɨnibar otifi. Puvatɨ. Kamaghɨn amizɨ, kɨ ua me inisɨ, me givezan kogham. Puvatɨ. Kɨ pura ua me iniam.

Aisaia 52:3 ပူးပေါင်းရင်းမြစ်များ

Aisaia 45:13

Kɨrara Atrivim Sairus gamizɨ, a nan ingangarir aghuibagh ami. Tuavir a mangamiba, kɨ dar kɨrightɨ, a nan nguibam Jerusalem uam an ingaram. Egh a nan gumazamiziba kalabusɨn ua me fɨrigh, me ateghtɨ me mangam. Gumazir a givezamiba puvatɨgham, a pura ingaram. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

1 Pita 1:18

Ezɨ ia fo, ia uan ovavibar arazir kuraba isa dagh amuava dar gɨn zui. Arazir kaba, da dagheba puvatɨ. Ezɨ God ia givezegha ian arazir kuraba gɨn amada. God ia givezezir dughiamɨn, a nguazir kamɨn bizir ikuvitam anɨngizir puvatɨ, mati silva ko gol. Puvatɨ.

Onger Akaba 44:12

Nɨ uan gumazamiziba isa gumazir igharaziba pura ingangarir gumazir kɨnibar ikiasa me amangizɨ, gumazir kaba dagɨar ekiatamɨn me givezezir puvatɨ.

Jeremaia 15:13

Ia nguibar kamɨn ikia arazir kurar bar avɨribagh ami. Eghtɨ kɨ bizir kam ikarvaghamin ivezimɨn mɨn, ian dagɨaba ko bizir aghuiba isɨ, pura apanir kabar anɨngam.

Aisaia 50:1

Egha Ikiavɨra Itir God kamaghɨn Israelian gumazamizibav gei: “Jerusalemɨn nguibar ekiam, mati ian amebam. Ia ti ghaze, gumazim uan amuim batuegha bar anemadazɨ a ghuzɨ moghɨn, kɨ akɨrim ragha bar a gasara, a? Egh ia mamaghɨn nɨghnɨghtɨ, akɨnafarir poroghamiba uari ataghɨrazimɨn akam, a managh iti? Egha kɨ uaghan gumazitamɨn bizitam inizir puvatɨgha, uam a ikarazir puvatɨ. Ezɨ ia tizim bagha kamaghɨn nɨghnɨgha ghaze, ia nan boriba, kɨ uan ikarvazim akɨrmɨghsɨ, dagɨaba bagh pura ingangarir gumazir kɨnibar mɨn gumazir igharazibar ingarsɨ, ia amadagham? Kamaghɨn puvatɨ. Ian arazir kurar avɨribara na gamima, kɨ ian anɨngaghegha, akɨrim ragha Jerusalem gasaragha, a isa gumazir igharazibar agharim gatɨ.

Aisaia 1:27

Ikiavɨra Itir God, kotiamɨn aven uan guizɨn arazimɨn gɨn mangɨ Jerusalemɨn araziba bar deravɨram da tuisɨgh, egh gɨn uam a iniam. Arazir aghuir kamra, a ua Jerusalemɨn gumazamiziba iniam. Kar gumazamizir navibagh iragha uan arazir kuraba ataghiziba.

Aisaia 62:12

Me gumazamizir kaba kamaghɨn me dɨponam, ‘God Baghavɨra Itir Gumazamiziba’ ko, ‘Ikiavɨra Itir God, ua Inizir Gumazamiziba.’ Egh me kamaghɨn ian nguibam dɨponam, ‘Nguibar God Bar Ifongezim’ ko, ‘Nguibar Ekiar God ua Izegha Itim.’ ”

Aisaia 63:4

Kɨ uan navir averiamɨn aven uan gumazamizibar apaniba ikarvagh, me gasɨghasɨghamin dughiam gɨnɨghnɨghavɨra iti. Ezɨ datɨrɨghɨn dughiar kɨ ua gumazamiziba iniamim otogha gɨfa.

Esekiel 16:31

Tuaviba bar, gumaziba uari akuvir danganibar nɨ asebar marvir guabar ziaba fasa danganibar ingarava tintinimɨn gumaziba koma akuir arazim gami. Egha nɨ tuavimɨn amizir igharazibar mɨn amir pu. Bar puvatɨ. Me dagɨaba iniasa arazir kam gami. Ezɨ nɨ arazir kam gamua dagɨaba inian aghua. Nɨ uan ifongiam agɨvasa pura me koma akui.

Esekiel 34:27

Eghtɨ men azenibar itir temeba ovɨziba ikiam. Eghtɨ azenibar dagheba otivam. Kɨ kantrin apanir nan gumazamiziba isa kalabuziabar mɨn me atɨzim, kɨ kantrin kamɨn dafarimɨn ua me inigh izam. Eghtɨ me bar moghɨra uan nguazibar deravɨra dapiagh ikiam. Egh dughiar kamɨn me fogh suam, kɨ Ikiavɨra Itir God.

Ofa Gami 25:54

Eghtɨ me arazir kabar gɨn mangɨ, ua gumazir kam givezan kogham. Eghtɨ azenir biziba ua da ikarvaghamim otoghtɨ, gumazir a givezezim aneteghtɨ, a fɨrighɨrɨgh mangɨva uan amuim ko boriba sara deraghvɨra ikiam.

Onger Akaba 44:13

Nɨ kamaghɨn e gamizɨ, en boroghɨn itir darasi, dɨbovir akabar e mɨgɨa en ingaravati.