Aisaia 52:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² O Jerusalem, noka! Nɨ datɨrɨghɨn kalabuziamɨn iti, egh nɨ dɨkavigh uan mɨkarzimɨn nguaziba apɨsigh. O Saion, senɨn nɨn fɨrim gikeziba, nɨ da adangigh mangɨ, uan atrivir dabirabim daperagh.

Aisaia 52:2 ပူးပေါင်းရင်းမြစ်များ

Luk Osirizir Akar Aghuim 4:18

“God Akar Aghuim onganarazibagh amir gumazamizibav kɨnasa na mɨsevegha, borem nan dapanim ginge, kamaghɨn amizɨ, Ekiamɨn Duam nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir damazir kuraba ua ganam. Eghtɨ kalabusɨn itir gumazamiziba ko gumazir osɨmtɨzibar apengan itiba, kɨ me bagh kalabusɨn tiar akam kuightɨ, me kalabus ategh fɨrighɨregh mangam. Kɨ kamaghɨn me mɨkɨmam, Ekiam gumazamizibagh ifongezir dughiam, an otogha gɨfa.”

Jeremaia 51:50

Eghtɨ ia Israelia, Babilonia ia gasɨghasɨghizir puvatɨzir darasi, ia zuamɨra Babilon ategh arɨ mangegh. Guizbangɨra, ia uan nguibamɨn saghon ikɨ, egh ia Ikiavɨra Itir God gɨnɨghnɨgh. Egh ia Jerusalem bakɨnɨghnɨghan markɨ.

Jeremaia 51:45

“Ia nan gumazamiziba, ia Babilon ategh aregh. Ia vaghvagh aregh deraghvɨra ikiam. Kɨ Ikiavɨra Itir God, kɨ puv Babilonian anɨngaghe. Kamaghɨn, kɨ ti ia ko me saram asɨghasɨgham. Kamaghɨn, ia zuamɨra arɨ mangegh.

Aisaia 61:1

Ikiavɨra Itir God, akar aghuim gumazamizibav kɨnasa na mɨsevegha, borem nan dapanim ginge, kamaghɨn amizɨ, Ikiavɨra Itir God, en Ekiamɨn Duam, a nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir osɨmtɨzibar apengan itiba, men osɨmtɨziba gɨvagham, eghtɨ kalabusɨn itir gumazamiziba, me bagh kalabusɨn tiar akam kuightɨ, me kalabus ategh fɨrighɨregh mangam.

Aisaia 51:14

Kalabusɨn ikia osɨmtɨziba aterir darasi, me mozimɨn aven kalabusɨn ikɨ arɨmɨghireghan kogham. Puvatɨ. Me zuamɨra kalabus ategh azenan izegh pura ikiam. Egh me damamin dagher avɨriba ikiam.

Akar Mogomem 18:4

Ezɨ kɨ Godɨn Nguibamɨn otivir tiarir igharazir mam barazi, a kamaghɨn mɨgei: “Ia nan gumazamiziba, ia nguibar kam ategh azenan izɨ. Egh an amir arazir kuraba uaghan dar amuan markɨ. God an arazir kurabar ikarvaghamin dughiam, ia uaghan an aven ikian markɨ!

Sekaraia 2:6

Ikiavɨra Itir God uan gumazamiziba kamaghɨn me mɨgei, “Ia izɨ! Ia izɨ! Kɨ fomɨra tintinibar ia aghamsɨghizɨ, ia nguazir kamɨn danganiba bar dar ghue. Ezɨ datɨrɨghɨn, ia kalabusɨn itiba, ia Babilonɨn nguibar ekiam ategh arɨ ua Saionɨn izɨ. Ia dɨkavigh zuamɨra izɨ!”

Luk Osirizir Akar Aghuim 21:24

Eghtɨ mɨdorozir gumaziba mɨsozir sababar tarazigh inivtɨ me arɨghirɨtɨ, me tarazi suighɨva, me amangɨtɨma me nguibar Israelɨn azenan itibar mangam. Eghtɨ Kantrin Igharazibar Gumazamiziba bar pazɨva Jerusalem damu mangɨ dughiar me Jerusalemɨn ganamin dughiam gɨvagham.”

Aisaia 29:4

Eghtɨ nɨ bar moghɨra degeghirɨghtɨ, nguazim nɨ avaragham. Eghtɨ nɨ bar nɨmɨra, nɨmɨra mɨkɨmam, mati ariaghirezir gumazamizibar duaba nguazimɨn aven ikia mɨgei. Egha mati, tiarir mam nguazimɨn mɨnemniabar tongɨn ikia, aghumra sighsirakabav geima, tiarir bar muziarim an ikegha azenan izi.”

Aisaia 3:26

Egh me nɨn biziba bar da inigham. Nɨ mati amizim, me bar an korotiaba suezɨ, a pura bibiamra nguazim gaperaghav iti moghɨn ikiam. Eghtɨ nɨn gumazamiziba nɨn gantɨ, bizir kaba nɨ bativtɨ, men naviba bightɨ me bar puv aziam.

Aisaia 51:23

Eghtɨ kɨ itarir kam isɨ gumazir paza nɨ gamibar agharim datɨgham. Me fomɨra akar gavgavim nɨ ganɨga ghaze, nɨ nguazim girɨghɨv ikɨtɨ, me nɨ dɨkɨ, nɨn akɨragharim gisɨn daru, mati me nguazir kɨnim gisɨn arui.”

Aisaia 49:21

Eghtɨ nɨ kamaghɨn uabɨra uabɨ mɨkɨmam, ‘Tinara borir kaba bar na ganɨngi? Nan boriba ovengezɨ, kɨ ua boriba batan kogham. Apaniba na kalabus darɨghasa na inigha ghu. Tinara borir kaba bategha dar gari da ghuava ekefe? Kɨ fo, kɨ uabɨra iti, ezɨ borir kaba bar managhɨra ize?’ ”

Jeremaia 51:6

Ia Israelia ko Judaba, ia arɨmangegh deraghvɨra ikiam. Puvatɨghtɨ, ia Babilonian tongɨn ikɨ, men osɨmtɨzim bangɨn me ko ikuvigham. Datɨrɨghɨn Ikiavɨra Itir God, Babilonɨn arazir kuraba bagh ivezir kuram a danɨngamin dughiam. Kamaghɨn amizɨ, ia zuamɨra Babilon ategh mangɨ.

Aisaia 9:4

Gumazamiziba bar akongezir bizim, a kamakɨn: Nɨ fomɨra Midianɨn kantrin gavgaviba apɨragharɨghizɨ moghɨn, datɨrɨghɨn men apanibar gavgaviba apɨragharigha gɨfa. Guizbangɨra, apaniba faragha nɨn gumazamizibagh ativagha, me gamima, me mati bulmakaun mam, gumazim ter ararim isa an tuem gatɨgha, ingangarim zuamɨram a damuasa, a gaghora a mɨsosi. Ezɨ nɨ apanibar aghoriba ko ter arariba apɨragharɨghizɨ, me ua nɨn gumazamiziba paza me gamir puvatɨ.

Aisaia 10:27

Asiriaba datɨrɨghɨn ia gativagha ia gasɨghasɨsi, mati gumazim ter otevim, bulmakaun fɨrim gatɨgha, an abɨrima, a ingangarim gami. Datɨrɨghɨn Asiriaba bar deraghavɨram apiazɨ, ia paza iti. Ezɨ men arazir kam na gamima, nan navim puvɨra nan isi. Kamaghɨn, kɨ gɨn izamin dughiar kamɨn, kɨ Asiriabar gavgavim agɨvaghtɨ, me uam osɨmtɨziba ia danɨngan kogham.”

Aisaia 14:25

Asiriaba nan nguazimɨn iza, nan gumazamizibagh amizɨ, me osɨmtɨzir bar ekiam ateri. Asiriaba pamtemɨn Israelia abɨrima, me puvɨra ingari, mati bulmakaun mam, gumazim ter ararim an tuem gatɨgha, anebɨrima, a ingari. Eghtɨ Asiriaba, Israelian nguazir mɨghsɨabar ikɨvɨra ikɨtɨ, kɨ me dɨkabɨn bar me rɨghɨrigham. Egh osɨmtɨzir ekiar Israelia aterir kam, kɨ bar anegɨvagham.”

Aisaia 60:1

Ikiavɨra Itir God kamaghɨn mɨgɨa ghaze, “O Jerusalem, kɨ Ikiavɨra Itir God, nan gavgavir ekiam otogha angazangarimɨn mɨn nɨ gisira. Nan ziar ekiam otogha, mati amɨnim tirazɨ aruem anadi. Kamaghɨn amizɨ, nɨ dɨkavigh aruemɨn mɨn isiragh.

Esekiel 34:27

Eghtɨ men azenibar itir temeba ovɨziba ikiam. Eghtɨ azenibar dagheba otivam. Kɨ kantrin apanir nan gumazamiziba isa kalabuziabar mɨn me atɨzim, kɨ kantrin kamɨn dafarimɨn ua me inigh izam. Eghtɨ me bar moghɨra uan nguazibar deravɨra dapiagh ikiam. Egh dughiar kamɨn me fogh suam, kɨ Ikiavɨra Itir God.