Aisaia 51:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ O Ikiavɨra Itir God, nɨ osegh dɨkafigh! Nɨ fomɨram amizɨ moghɨn, dɨkavigh uan gavgavir ekiam sara izɨ en akuragh. Nɨrara, nɨ Rahap a bɨra, ongarimɨn itir kuruzir aser dafar kam, egha nɨ bar aneghoragharɨghizɨ, a bar mɨzumzuiaribar ire.

Aisaia 51:9 ပူးပေါင်းရင်းမြစ်များ

Aisaia 52:1

O Saion, nɨ dɨkavigh tugh gavgavigh! O Jerusalem, nɨ God baghavɨra itir nguibar ekiam! Nɨ kurkazir bar aghuiba uabɨn kurkegh ganganir bar aghuim damuam. Guizbangɨra, Ekiam gɨfozir puvatɨziba, me gumazir uan mɨkarzir mogomer iniba aghorezir puvatɨziba, ko Godɨn damazimɨn zuezir puvatɨziba, me uam nɨn aven izan kogham.

Aisaia 27:1

Eghtɨ dughiar kamɨn, Ikiavɨra Itir God uan gavgavir bar ekiam akakagham. A izɨ ongarimɨn itir kuruzir aser dafar kam Leviatan, ivezir kuram isɨ a danɨngɨva a gasɨghasɨgham. A uan mɨdorozir sabar ekiar gavgavir bar ghumizim inigh, kuruzir bar puvɨra daghdagha tintinibar aragharuir kam atughtɨ an aremegham.

Onger Akaba 89:10

Nɨ Isip, asɨzir atiar ekiamɨn mɨn, an gavgavim abɨragha bar a gasɨghasɨki. Nɨ uan gavgavir ekiar kamɨn, uan apaniba bar me abɨnizɨ me tintinibar are.

Aisaia 30:7

Isipɨn kantri, kantrin igharazibar akurvaghasa mɨgɨava, a men akurvazir puvatɨ. Kamaghɨn amizɨ, kɨ datɨrɨghɨn ziar igiar kam a gatɨ, ‘Maburan Kuruzir Aser Puram Aperaghav Itim.’ ”

Esekiel 29:3

Nɨ kamaghɨn a mɨkɨm suam: “Kɨ Ikiavɨra Itir Godɨn Ekiam, kɨ kamaghɨn Isipɨn atrivimɨn mɨgɨa ghaze, Kɨ nɨn apanim gami. Nɨ mati, goar bar dafar Isipɨn dɨpabar itim. Nɨ ghaze, Nailɨn Fanem, nɨ ua bagha an ingarizɨ a nɨn bizimra.

Aisaia 51:17

O Jerusalemia, ia dɨkafigh. Ia dɨkavigh uamategh tugh gavgafigh. Ikiavɨra Itir Godɨn anɨngagharim, mati wainɨn kap a ia ganɨngi, egha a ia gamizɨ, ia bar anepava anegɨvagha, bar ongani.

Onger Akaba 44:1

O God, e uan kuarir toribar orazi, en inazir afeziaba bizir ekiar nɨ men dughiamɨn fomɨra me bagha amizibar e geghani.

Jopɨn Akɨnafarim 26:12

God uan gavgavir ekiamɨn ongarim gamizɨ, a pura nɨmɨra iti. A uan nɨghnɨzir aghuimɨn, ongarimɨn itir kuruzir aser ekiam Rahapɨn gavgavim dɨkabɨra.

Onger Akaba 7:6

O Ikiavɨra Itir God, nɨ anɨngaghegh dɨkavighasa kɨ ifonge. Apaniba bar anɨngaghegha na mɨsosi, nɨ izɨ nan akuragh. O nan God, nɨ gumazibar araziba tuisɨghamin dughiam amɨsefe, kamaghɨn nɨ dɨkavigh izɨ nan akuragh.

Habakuk 3:13

Nɨ tizim bagha arazir kabagh ami? Guizbangɨra, nɨ uan gumazamiziba ko, atrivir nɨ mɨsevezimɨn akurvaghasa ifonge, egha nɨ arazir kabagh ami. Egha nɨ gumazir kurabar gumazir dapanim mɨsuegha, bar an adarazi gasɨghasɨki, mati gumazim dɨpenir siriamɨn ikegha anekaragharigha, bar izaghira an dɨpenir akɨnibar tu. (Ighiam gamua an suiam atugha avughsegha ua ighiam gami.)

Aisaia 62:8

Ikiavɨra Itir God akar dɨkɨrɨzim gami, ezɨ an gavgavir ekiamɨn, an akar dɨkɨrigha mɨkemezim, guizbangɨram otogham. Ikiavɨra Itir God kamaghɨn Jerusalemɨn mɨgei, “Kɨ uamategh apaniba ateghtɨma me izɨ, nɨn gumazamizibar witba ko bizir me ingangarir dafam gamuava opariziba inian kogham. Kɨ ua Kantrin Igharazibar Gumazamiziba ateghtɨ, me izɨ nɨn gumazamiziba ingarizir wainɨn dɨpaba inian kogham. Puvatɨgham.

Onger Akaba 87:4

God ghaze, “Kɨ gumazamizir nan akam baragha an gɨn zuiba mengamin dughiamɨn, kɨ uaghan Isipɨn kantrin gumazamiziba ko, Babilonɨn kantrin gumazamiziba ko, Filistian ikɨzim ko, Tairɨn nguibamɨn gumazamiziba ko, Itiopian kantrin gumazamiziba, kɨ uaghan bar me mengam. Me uaghan Jerusalemɨn adarasi.

Onger Akaba 44:23

O Ekiam, nɨ manmaghɨn amigha akuavɨra iti? Nɨ osegh dɨkafigh. Nɨ akɨrim ragh e gasaraghvɨra ikian markɨ.

Akar Mogomem 12:9

Ezɨ Maikelɨn enselba kuruzir ekiam akunizɨ a izaghira irɨ. Kar kuruzir fomɨra itim, me Satan a garɨsi egha uaghan an ziar mam, “Gumazir Akam Gumazamizibagh asim.” A gumazir nguazimɨn itir gumazamizibagh ifarim, a datɨrɨghɨn uan enselba ko iza nguazim girɨ.

Akar Mogomem 11:17

Egha ghaze: “Ekiam, nɨ Godɨn Gavgaviba Bar Itim. Nɨ bar fomɨra ikia egha iza datɨrɨghɨn uaghan iti. Nɨ uan gavgavir ekiam inigha egha datɨrɨghɨn atrivimɨn iti. Kamaghɨn amizɨ, e nɨ mɨnabi.

Luk Osirizir Akar Aghuim 1:51

A uan dafarimɨn bizir bar gavgavibagh ami. Gumazamizir uarira uan ziaba feba, a men agɨrazɨ me are.

Aisaia 53:1

Ezɨ gumazamiziba akam ikaragha ghaze, “Tinara datɨrɨghɨn, e orazir akaba nɨghnɨzir gavgavim adar iti? Terara, Ikiavɨra Itir God, uan ingangarir gavgaviba isa men akazɨ, me dar gani?

Aisaia 51:5

Kɨ men akuragh ua me iniamin dughiam, a roghɨra izegha gɨfa. Kɨ arazir aghuimɨn gɨn mangɨ, uan gavgavimra kantriba bar dar ganam. Saghon itir arighatɨzibar gumazamiziba, nɨghnɨzir gavgavim nan gavgavimɨn ikɨ, egh uarir akurvaghsɨ, na mɨzuam ikiam.

Onger Akaba 78:65

Ekiam akuavia osegha, mati gumazir igiam wainɨn dɨpam amegha gavgavigha tintinibar dia mɨgei.

Onger Akaba 21:13

O Ikiavɨra Itir God, nɨ dɨkavigh uan gavgavim sara izɨtɨ, e ighiaba bangɨ nɨn gavgavir ekiam fam.

Gumazir Dapaniba 6:13

Ezɨ Gideon a ikaragha ghaze, “O gumazir ekiam, kɨ bizitam bagh nɨn azangasa. Ikiavɨra Itir God, e ko itima, ezɨ bizir kaba manmaghsua e batifi? Ezɨ bizir aghuir a en inazir afeziabagh amizir kaba, da managhɨra iti? E dar garir puvatɨ. Ikiavɨra Itir God, ti e inigha Isip ategha azenan izes ti? Egha datɨrɨghɨn Ikiavɨra Itir God, e ategha e isa Midianian agharibagh arɨki.”

Godɨn Araziba 4:34

Ikiavɨra Itir God, ian God, Isipɨn kantrin ia inigha egha ian akua iza ia gamizɨ, ia an gumazamizibar otifi. Egha ian damazimɨn a uan gavgavir ekiamɨn ingangarir ekiar avɨribagh ami. An arɨmariar ekiar avɨribagh amizɨ, da Isipɨn kantrin otivizɨ, a puv me mɨsuagharɨki. Egha a mirakelbagh amuava, bizir igharagha garir ekiar Isipia damutɨ me bar puvɨram atiatingamin avɨribagh ami. Ti godɨn ifavarir igharazi tam, bizir an amizir kamagh garir tabar amigham, o? Bar puvatɨgham.

Jon Osirizir Akar Aghuim 12:38

God kamaghsua, an akam inigha izir gumazim Aisaian akam guizbangɨra otogham. Aisaia kamaghɨn mɨkeme: “Ekiam, tina en akam nɨghnɨzir gavgavim an iti? Terara, Ekiam, uan ingangarir gavgaviba isa men akazɨ, me dar gani?”

Onger Akaba 59:4

Guizbangɨra, kɨ osɨmtɨziba puvatɨ. Ezɨ me na mɨsoghasa ivemara ghua uan danganibar ikia, na bagha gara iti. Nɨ uan danganim ategh dɨkavigh izɨ nan gan nan akuragh.

Ua Me Ini 6:6

“Nɨ nan akam isɨ Israelia me danɨng, ‘Kɨ uabɨ, kɨ Ikiavɨra Itir God. Kɨ Isipian dafarim da ia iniva osɨmtɨzir me ia garɨziba da ia inigh, egh ia damightɨ ia fɨrighɨregham. Egh kɨ uan gavgavimɨn ivezir kuram me danɨng, egh ian akuragh ua ia iniam.

Jopɨn Akɨnafarim 9:13

God uan anɨngagharimɨn suizi puvatɨ. Rahap uan roroaba ko, a me gamizir arazim nɨ an gani. God apanir kaba dɨkabɨrazɨ, me an apengan iti.

Onger Akaba 77:5

Kɨ dughiar fomɨra ghueziba ko, azenir fomɨra ghuezibagh nɨghnɨsi.

Aisaia 52:10

Ikiavɨra Itir God uan gavgavim, kantribar gumazamiziba an ganasa, anekagha gɨfa. Eghtɨ a uan gumazamizibar akuragha ua me inizir gavgavir ekiam, nguazir kamɨn gumazamiziba bar an ganam.

Sekaraia 2:13

O gumazamiziba, ia pura ikɨva oragh! Ikiavɨra Itir God dɨkavigha uan Nguibam ategha e bagha izasava ami. Kamaghɨn amizɨ, e bar moghɨra uan akabar kumigh nɨmɨra ikɨva a mɨzuamam.

Sekaraia 10:11

Kɨ me inightɨ me uamategh uan nguibamɨn izam, eghtɨ Isipia ko, Asiriaba ongarir ekiamɨn mɨn men tuavim apɨrightɨ, kɨ me abɨnigham. Kamaghɨra, kɨ Isipian gavgavim agɨvagh, egh uaghan Nailɨn Fanem damightɨ a mɨsigham. Eghtɨ Asirian gavgavim uaghan gɨvagham.

Onger Akaba 44:2

Nɨ uabɨ uan gavgavimɨn ikɨzir igharazibar gumazamizibar nguazimɨn me batuegha, uan gumazamiziba isa nguazir kamɨn me arɨghizɨ me gavgavigha iti. Nɨ ivezir kuram isa Kantrin Igharazibar Gumazamizibagh anɨngi. Egha en inazir afeziabagh amizɨ, me deravɨra ikia borir bar avɨriba bate.

Onger Akaba 44:24

Nɨ manmaghsua uan guam bar en modo? Egha apaniba pazavɨra e gamir araziba ko mɨzazir e isir kabar garir puvatɨ? Nɨ en osɨmtɨzim bakɨnɨghnɨghan markɨ!

Onger Akaba 89:11

Overiam ko nguazim, aning nɨna. Nɨ nguazimɨn ingarizɨma biziba bar an iti.

Maika 7:15

Ikiavɨra Itir God akam ikaragha ghaze: “Kɨ faragha Isipɨn ia inigh azenan izasa dɨgavir kuram gamir araziba, kɨ datɨrɨghɨn uam ada ian akagham.

Aposel 7:7

Eghtɨ kɨ osɨmtɨzir ekiam isɨ paza me damuamin gumazir kabar anɨngam. Eghtɨ gɨn me kantrin kam ategh azenan izegh, danganir kamɨn nan ziam fam.’