Aisaia 51:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ia kogh pɨn overiamɨn ganɨva, egh vɨn nguazimɨn gan! Overiar kam, mɨgharimɨn mɨn mangɨgh gɨvagham, eghtɨ nguazim, inimɨn mɨn bɨghiregh gɨvagham. Eghtɨ gumazamiziba, itibar mɨn pura tintinibar bar arɨghiregham. Ezɨ nan arazir gumazamizibar akurvagha ua me isim, a zurara ikɨ gɨvaghan kogham.

Aisaia 51:6 ပူးပေါင်းရင်းမြစ်များ

Matyu 24:35

Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”

Aisaia 34:4

Aruem ko, iakɨnim ko mɨkoveziba bar moghɨra kuarigh iregh gɨvagham. Eghtɨ overiam mati akɨnafarim me a irigha a nomke. Mɨkoveziba ko bizir overiamɨn ikia isiba, mati wainɨn ikarɨzibar dafarir mɨdiariba ko fighɨn temebar ovɨzir mɨdiariba, mɨsigha ira nguazim girezɨ moghɨn nguazim giram.

Aisaia 51:8

Barareba inim apa bar anegɨvazɨ moghɨn, me bar gɨvagham. Eghtɨ nan arazir gumazamizibar akurvagha ua me isim, gɨvaghan kogham. Bar puvatɨ. A zurara ikɨ mamaghɨra ikiam.”

Aisaia 13:13

Dughiar kamɨn, kɨ Ikiavɨra Itir Godɨn Gavgaviba Bar Itim, uan anɨngagharir bar dafam sara izam. Egh kɨ overiam ko nguazim damightɨ, aning nɨgham, eghtɨ nguazim isɨvagh uan danganim ategham.”

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Aisaia 40:26

Ia pɨn overiamɨn gan! Tinara mɨkoveziba ko overiamɨn itir bizibar ingarizɨ, da otifi? Bizir kaba, Godɨn mɨdorozir gumazibar mɨn iti. A ziaba dagh arɨgha dar pone. An adar dɨbobonim gɨfogha, vaghvagha dar ziabagh fo. A gavgaviba bar iti, kamaghɨn amizɨ, bizir pɨn itir katam ovengan kogham.

Godɨn Araziba 4:19

Ia ti overiamɨn itir bizir kabar gari, aruem, iakɨnim ko mɨkoveziba. Ia uari bagh ganigh, bizir kaba ian navir averiabagh ekutɨ, ia teviba apɨr dar ziaba fam. Ikiavɨra Itir God, ian God, ikɨzir igharazibar amamangatɨzɨ me bizir kabar ziaba fe. Eghtɨ ia kamaghɨn damuan kogham.

Daniel 9:24

“Nɨ 70plan dughiabar, 7plan azeniba akuvagh kamaghɨra damu mangɨ 490ɨn azenibar otogham. Kar dughiar God inabazim, a nɨn gumazamiziba ko nɨn nguibam Jerusalem, a uamategh men arazir kuraba akɨrigh da avegham. A gumazamizibar arazir kuraba bar ada agɨvaghtɨ, me arazir aghuim damu mamaghɨra ikiam. Eghtɨ Godɨn Dɨpenim uam a baghvɨra ikiam. Eghtɨ a bizir kabar amutɨ, akam inigha izir gumazibar akaba ko irebaba guizbangɨram otivam.

Hibru 9:15

Kraisɨn ghuzim e gamizɨma e Godɨn damazimɨn bar zue. Egha an aremegha gumazamizibagh ivezegha men arazir kurar me Akar Dɨkɨrɨzir Gavgavir faragha ikezimɨn dughiamɨn amiziba, da gɨn amada. Kamaghɨn, Iesus Akar Dɨkɨrɨzir Gavgavir Igiar kam gavgavim a ganɨga egha an abuir gumazimɨn iti. Kamaghɨn amizɨ, gumazamizir Godɨn dɨmdiam baregha an gɨn zuiba, me God fomɨra uan boribar anɨngasa mɨkemezir ikɨrɨmɨrir kam iniam. God kamaghɨn akam akɨra ghaze, me zurazurara ikɨvɨra ikiam.

Aisaia 50:9

Ia gan! Ikiavɨra Itir God, nan Ekiam, a uabɨra nan akurvasi. Ezɨ ua tina na mɨkɨm suam, kɨ arazir kuram iti? Puvatɨ. Akaba na gasi darasi, me mati korotiaba barareba da api, da okozokoregha bar ikuvizɨ moghɨn, me bar moghɨra ikuvigham.

Aisaia 45:17

Ezɨ Ikiavɨra Itir God, Israelian akuragha gɨfa. Egh a me damightɨ, me zurara deraghvɨra ikɨ mamaghɨra ikiam. Egh okam nɨghnɨghan kogh, aghumsɨghan kogham.

Hibru 9:12

Ezɨ Krais bulmakaun apurim ko memen ghuzitam inigha egha Bar Anogoroghezir Danganimɨn aven ghuzir pu. Puvatɨ. A uabɨ uan ghuzim isa ofa gamigha dughiar vamɨran danganir kamɨn aven ghu. Egha en akurazɨ, e ikɨrɨmɨrir aghuarir zurara itim ini.

2 Tesalonika 2:16

E kamaghɨn God ko mɨgɨa ghaze, en Ekiam Krais Iesus ko God en Afeziam bar e gifonge. Egha en apangkuvigha en navibagh amima, da deragh, mamaghɨra ikiam. Egha en akurvazima en nɨghnɨzir gavgavim ikiava God mɨzuai, eghtɨ an arazir aghuimɨn e damuam.

Jon Osirizir Akar Aghuim 5:24

“Kɨ guizbangɨra ia mɨgei, gumazim nan akam baragha, egha nɨghnɨzir gavgavim Afeziar na amadazimɨn ikiava, egha a zurara itir ikɨrɨmɨrir aghuarim iti. A kotiaba puvatɨ. An ovevem ategha, datɨrɨghɨn an angamɨra iti.

Hibru 5:9

Egha a uan ingangarir a damuamiba, a bar da gɨfa. Ezɨ God anemɨsevegha ghaze, “Nɨ Ofa Gamir Gumazibar Dapanimɨn ikiam, egh Melkisedekɨn mɨn ikiam.” Ezɨ a gumazamizir an akam baragha an gɨn zuiba, a men Akurvazir Gumazimɨn oto. Egh a men akurvaghtɨ me deravɨra ikɨ mamaghɨra ikiam.

Onger Akaba 103:17

Ezɨ gumazamizir Ikiavɨra Itir Godɨn apengan ikia an atiatiba, a zurazurara men apangkufi. Egh men ovavir borir gɨn otivamiba, a uaghan deragh me damuvɨra ikiam.

Aisaia 33:6

Egh ia Ikiavɨra Itir Godɨn gumazamiziba, a zurara deragh ian ganɨva, ia damutɨ ian dabirabim deragh gavgavigh ikiam. Egh a bizir aghuiba ia danɨngtɨ ia deraghvɨra ikiam. A nɨghnɨzir aghuiba ko, fofozir avɨriba ko, arazir an atiatiava an apengan itiba, da bizir bar aghuibar mɨn, an ada isa ia ganɨdi.

Aisaia 54:10

Kɨ Ikiavɨra Itir Godɨn bar ia gifongezim, kɨ ghaze, mɨghsɨaba ko akɨriba ti sɨvaghsɨvagh mangɨ bar gɨvagham, eghtɨ nan apangkuvir arazir ian itim, a gavgavigh ikɨ mamaghɨra ikiam. Kɨ fomɨra ia ko Akar Dɨkɨrɨzir Gavgavim, e uari inigh deragh ikiasa a gamigha gɨfa. Eghtɨ kɨ Akar Dɨkɨrɨzir Gavgavir kam abighan kogham.”

Onger Akaba 111:3

Bizir an amiba, e dar gara an ziar ekiam fa egha fo, an atrivir gavgavir ekiam a bar dera. An arazir aghuir kam zurara ikɨvɨra ikɨ mamaghɨra ikiam.

Aisaia 54:9

“Kɨ fomɨra Noa ko akam akɨra ghaze, kɨ nguazim gasɨghasɨghsɨ uam aperiam damightɨ, an otivan kogham. Kamaghɨra, kɨ guizbangɨra nɨ mɨgɨa ghaze, kɨ fomɨra Noa ko akam akɨrizɨ moghɨn, kɨ uam nɨ ko akam akɨra ghaze, kɨ nɨn anɨngaghegh, nɨ batueghan kogham.