Aisaia 51:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Egha nɨrara, gumazamiziba fɨrighɨrɨgh daru mangasa ongarir konim gamizɨma, a mɨsɨngizɨ tuavim oto.

Aisaia 51:10 ပူးပေါင်းရင်းမြစ်များ

Aisaia 43:16

Ikiavɨra Itir God ghaze, “Kɨ fomɨra ongarir bar ekiam tongɨram anebigha tuavim atɨ.

Aisaia 50:2

“Egha kɨ iza ia bagha rui gari, ezɨ manmaghɨn amizɨ gumazitam itir puvatɨ? Egha kɨ ian deir dughiamɨn, ia tizim bagha nan dɨmdiam ikarvaghan aghua? Ia ti ghaze, kɨ ua ia inian gavgaviba puvatɨ. Ia ghaze, kɨ ian akurvaghamin gavgaviba puvatɨ. Kɨ mɨkɨmtɨ, ongarim bar dakegham. Kɨ mɨkɨmtɨma, faner ekiaba bar dakegh gigir kɨnibar otivigham. Eghtɨ dar osiriba arɨmɨghiregh kuram.

Ua Me Ini 15:13

Nɨ bar uan gumazamiziba men apangkuvigha men akuragha me inigha, men faragha ghua me inigha zui. Nɨ uan gavgavimɨn men darorimɨn faragha ghua, danganir aghuarir nɨ uabɨ itimra, nɨ men akua a bagha zui.

Aisaia 42:15

Kɨ mɨghsɨaba bar dagh asɨghasigh, egh temeba ko grazibar amightɨ, da mɨsigham. Egh kɨ faner ekiaba ko dɨpar akarebar amightɨ, da bar dakegham.

Onger Akaba 74:13

Nɨ uan gavgavimra ongarir ekiam tongɨram anebɨki. Egha maburan osirir ongarimɨn itibar dapaniba abɨghizɨ da ariaghire.

Onger Akaba 77:19

Nɨ ongarir torimɨn arua zuima, tuavir aruim, ongarir konimɨn iti. Ezɨ nɨn diaritam tuavir kamɨn itima, gumazitam an ganizir puvatɨ.

Onger Akaba 106:9

An Akar Gavgavim Ongarir Aghevim ganɨngi, ezɨ a dakegha mɨsɨngi. Ezɨ a gumazamiziba inigha ongarir torir kamɨn apengan itir nguazimɨn tuavir dakɨrtɨzimɨn zui.

Onger Akaba 106:10

A gumazamizir kabar apanibar dafaribar ua me ini. A men akuragha men apanibar gavgavim dɨkabɨra, ezɨ me me gasɨghasɨghizir puvatɨ.

Aisaia 11:15

Ikiavɨra Itir God, Ongarir Aghevim damightɨ a bar dakegham. Egh amɨnir fefer bar puvɨra ivaim damightɨ a izam, eghtɨ amɨnir kam, Yufretisɨn Fanem damightɨ a dakɨ mangɨ suvigham. Egh a 7plan dɨpar eghuravibar emɨr mangam. Kamaghɨn amizɨ, dughiar kamɨn tuavim, tuavir ekiamɨn mɨn bar ekevegh aruegham, eghtɨ gumazamiziba Asiria ategh daru izɨtɨ, men dagarir asuaba tong kumkumighan kogham. Tuavim Israelia bagha kuiaghirɨzɨ me Isip ategha izezɨ moghɨn, bizir kam uaghan kamaghɨram otivam.

Aisaia 35:8

Eghtɨ tuavir ekiam kagh ikɨtɨ, me kamaghɨn a dɨpon suam, kar “God Ua Baghavɨra Inabazir Tuavim.” Eghtɨ Godɨn damazimɨn arazir kurabagh amir gumazitam an daruan kogham, kar Godɨn gumazamizibar tuavimra. Eghtɨ gumazamizir nɨghnɨzir aghuiba itiba ko gumazamizir nɨghnɨzir aghuiba oteveziba, me an atam akuighan kogham, me a gɨfogh an mangam.

Aisaia 35:9

Laionɨn tam ko, asɨzir kurar mɨsozitam tuavir kamɨn mangan kogham. Asɨzir anɨngazir taba tuavir ekiar kam daruan kogham. Gumazamizir Ikiavɨra Itir God akuragha ua inizibara, tuavir kamɨn daruam.

Aisaia 62:12

Me gumazamizir kaba kamaghɨn me dɨponam, ‘God Baghavɨra Itir Gumazamiziba’ ko, ‘Ikiavɨra Itir God, ua Inizir Gumazamiziba.’ Egh me kamaghɨn ian nguibam dɨponam, ‘Nguibar God Bar Ifongezim’ ko, ‘Nguibar Ekiar God ua Izegha Itim.’ ”

Aisaia 63:9

Egha me mɨzaziba ko osɨmtɨziba aterir dughiamɨn, Ekiam uaghan me ko mɨzaziba ko osɨmtɨziba ateri. God uabɨ, ensel o abuir gumazimɨn mɨn otogha ua me ini. Bar fomɨra an ifongiam ko apangkuvim men ikiavɨra iti, kamaghɨn amizɨ, a dughiar bar ruarimɨn me atera bar deravɨra men gari. Bizir kam bagha, a men akurvasi.

Sekaraia 10:11

Kɨ me inightɨ me uamategh uan nguibamɨn izam, eghtɨ Isipia ko, Asiriaba ongarir ekiamɨn mɨn men tuavim apɨrightɨ, kɨ me abɨnigham. Kamaghɨra, kɨ Isipian gavgavim agɨvagh, egh uaghan Nailɨn Fanem damightɨ a mɨsigham. Eghtɨ Asirian gavgavim uaghan gɨvagham.

Ua Me Ini 14:29

Ongarim dɨvazim mɨn, vong ko vongɨn akuvagha itima, Israelia nguazir dakɨrtɨzimɨn zui.

Aisaia 35:10

Gumazamizir Ikiavɨra Itir God men akuragha ua iniziba, me ua izɨ, Saionɨn Mɨghsɨamɨn bagh izɨva, bar akongegh ongɨ, tiariba akarɨva tuavir kamɨn izam. Egh me dabirabir bar aghuim ikɨtɨ, bar akongezir arazir kam a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh, ua men ikian kogham.

Maika 7:15

Ikiavɨra Itir God akam ikaragha ghaze: “Kɨ faragha Isipɨn ia inigh azenan izasa dɨgavir kuram gamir araziba, kɨ datɨrɨghɨn uam ada ian akagham.