Aisaia 5:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Kɨ orazi, Ikiavɨra Itir Godɨn Gavgaviba Bar Itim kamaghɨn mɨgei: “Bar guizbangɨra, dɨpenir bar dirir dafar kabanagh, da ikuvigham, eghtɨ gumazitaba dar ikian kogham.

Aisaia 5:9 ပူးပေါင်းရင်းမြစ်များ

Matyu 23:38

Ia oragh! Ian nguibam, God anetaki, ezɨ a nguibar soriam gava.

Amos 5:11

Ia onganarazibagh amir gumazamiziba dɨkabɨra men biziba pura dagh ekuava, men dagheba okei. Ia dagɨar gavgavibar dɨpenir aghuibar ingari, egh ia dɨpenir katamɨn ikeghan kogham. Ia wainɨn azenir aghuiba opari, egh ia azenir kabar wainɨn dɨpatabar ameghan kogham.

Amos 3:7

Bar guizbangɨra, Ikiavɨra Itir Godɨn Ekiam damuasava amir biziba, a faragh uan ingangarir gumazibav kemegham, kar an akam inigha izir gumaziba, egh gɨn a mɨkemezɨ moghɨra dar amuam.

Aisaia 22:14

Ikiavɨra Itir Godɨn Gavgaviba Bar Itim, a uabɨ na batogha mɨgɨrɨgɨar kam nan kuarim gatɨ, “Kɨ ian arazir kurar kam gɨn amadaghan kogh, mamaghɨra ikɨ mangɨ ia aremeghtɨmra gɨvagham.” Kar Ikiavɨra Itir God, Godɨn Gavgaviba Bar Itim, a nan Ekiam, an akam.

Matyu 22:7

“Kamaghɨn amizɨ, atrivim puv atari, egha uan mɨdorozir gumaziba amada. Ezɨ me ghua an ingangarir gumazibav soghezir gumaziba, me mɨsogha bar me agɨvaghava, men nguibar ekiam gaborozɨ a isi.

Amos 6:11

Ia oragh! Ikiavɨra Itir God mɨkɨmtɨ, dɨpenir ekiaba ko, doziba sara bar dɨpɨrighɨrɨ akuar muziaribar otivigham.

Aisaia 27:10

Nguibar ekiar kam fomɨra dɨvazir bar gavgavim iti, egha datɨrɨghɨn a bar ikuvigha iti. A datɨrɨghɨn pura nguibar dadar kɨnim mɨn itima, gumazitaba uam an itir puvatɨ. Egha bulmakaubar nguibamɨn mɨn otozɨ, da iza uari akuva ikia, dadaba ko tevsevibar dafariba apava, kagh avughsa iti.

Aisaia 5:6

Kɨ nguazim damightɨ ruarim a batoghtɨ dɨkoniba itir ikarɨziba azenir kamɨn avegham. Kɨ wainɨn azenimɨn ogher kuraba asian kogh, egh ikarɨzibar aghariba aghoran kogham. Kɨ uaghan ghuariabav kemeghtɨ, da amozimɨn tɨvaghtɨ a wainɨn azenir kam gizan kogham.”

2 Eghaghaniba 36:21

Israelia fomɨra uan nguazimɨn ikia, egha 7plan azenibar vaghvagha dar aven azenir vamɨra avughsazim nguazim ganɨngizir puvatɨ. Kamaghɨn amizɨ, Ikiavɨra Itir God faragha Jeremaian akam garugha mɨkemezir akam, guizbangɨram otivasa, Israelia ghua 70plan azenibar Babilonɨn kalabuziabar mɨn iti. Ezɨ men nguazim puram avughsa iti.

Jems 5:4

Ia deravɨra oragh, ingangarir gumazamiziba ian azenibar dagheba isi, ezɨ ia me gifaragha men ivezir mabar anogoroke. Ezɨ ingangarir gumazamizir kaba me uan ivezibagh nɨghnɨgha, Godɨn dɨa ghaze, a ian arazir kuraba ikarvagham. Ezɨ ingangarir gumazamizibar dɨmdiam, Ekiar Gavgaviba Bar Itim, a baraki.

Jopɨn Akɨnafarim 15:28

Ezɨ nguibar ekiar me datɨrɨghɨn itiba ikuvigham, eghtɨ men dɨpeniba dɨpɨrighiregh ikuvightɨ, me dar ikɨvɨra ikiam.

Jopɨn Akɨnafarim 20:21

Bizir me gara ifongeziba, me pura da isi, mati gumazim dagher aghuim apava bar anegɨfa, ezɨ muziarir tam ua itir puvatɨ. Egha me dabirabir aghuim itima, men biziba deraghavɨram otifi. Eghtɨ dughiar aghuir kam dughiar ovezimɨn ikegh ua gɨvagham.

Aghuzir Akaba 15:27

Gumazim dagɨabar gara navim dɨkava egha arazir igharagha garir kurabar amuasa, kamaghɨn a uan adarazi osɨmtɨzim me ganɨngi. Ezɨ gumazitam, gumazir igharaziba arazir kurabar amuasa anepezepera dagɨaba a danɨngasa, ezɨ gumazir kam ghaze, “Puvatɨ, kɨ ian dagɨar kaba inian aghua,” kamaghɨn gumazir kam deraghvɨra ikɨvɨra ikiam.