Aisaia 5:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Iavzika, ia dɨpenir avɨriba ko nguazibagh iveza egha uari baghavɨra dar poziba mɨkɨri darasi, ia bar ikuvigham. Kɨran oveghangɨn ia nguaziba ko biziba bar da inightɨ, igharaz darazi dapiamin danganibagh asagham. Eghtɨ ia uarira nguazir kamɨn ikiam.

Aisaia 5:8 ပူးပေါင်းရင်းမြစ်များ

Maika 2:2

Ia gumazamizibar azenibar gara dagh ifuegha purama da isi darasi. Egha ia men dɨpenibar gara dagh aguava pura da isi. Ia ifavaribagh amuva, gumazamizibar nguaziba ko, biziba ko, dɨpenibar okei darasi.

Matyu 23:13

Egha Iesus ua kamaghɨn mɨgei, “Ia Judan Arazibagh fozir gumaziba ko Farisiba, Iavzika, ia bar ikuvigham! Ia ifavaribagh amir gumaziba! Ia God Bizibagh Ativamin Dughiamɨn tiam asarazɨ, gumazamiziba azenan iti. Egha ia uaghan aven mangan aghua. Ezɨ gumazamiziba aven mangasava amima ia men tuaviba apɨri.

Esekiel 33:24

O nguazir kamɨn gumazim, Israelɨn nguazimɨn itir danganir ikuvizibar ikiavɨra itir gumazamiziba ghaze, Abraham a gumazir vamɨra, ezɨ nguazir kam bar moghɨra an anam. Ezɨ e bar avɨrasemegha ghaze, ti guizbangɨra, God nguazir kam e ganɨngi.

Esekiel 11:15

“O nguazir kamɨn gumazim, nɨ ko nɨn aveghbuaba, nɨn namakaba, nɨ ko kalabusɨn itiba, me Israelɨn ikɨzim, ia bar moghɨra, Jerusalemɨn itir gumazamiziba ia gɨnɨghnɨgha ghaze, ‘Ikiavɨra Itir God, me batoghezɨ me ghua bar nguibar saghuiamɨn itimɨn iti. Guizbangɨra, a nguazir kam isa e ganɨngizɨ, a guizbangɨra en nguazimra.’

Jopɨn Akɨnafarim 15:28

Ezɨ nguibar ekiar me datɨrɨghɨn itiba ikuvigham, eghtɨ men dɨpeniba dɨpɨrighiregh ikuvightɨ, me dar ikɨvɨra ikiam.

Amos 1:13

“Ia oragh! Ikiavɨra Itir God Akar Gavgavir kam ia ganɨga ghaze, Amonian kantrin gumazamiziba, arazir kurabagh amua ghuavɨra iti. Me ua nguazitaba iniasa mɨsosi, egha Gileatɨn Distrighɨn itir amizir naviba adaiba, me men naviba abɨzi da bɨaghiri. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Jopɨn Akɨnafarim 20:21

Bizir me gara ifongeziba, me pura da isi, mati gumazim dagher aghuim apava bar anegɨfa, ezɨ muziarir tam ua itir puvatɨ. Egha me dabirabir aghuim itima, men biziba deraghavɨram otifi. Eghtɨ dughiar aghuir kam dughiar ovezimɨn ikegh ua gɨvagham.

Aghuzir Akaba 15:27

Gumazim dagɨabar gara navim dɨkava egha arazir igharagha garir kurabar amuasa, kamaghɨn a uan adarazi osɨmtɨzim me ganɨngi. Ezɨ gumazitam, gumazir igharaziba arazir kurabar amuasa anepezepera dagɨaba a danɨngasa, ezɨ gumazir kam ghaze, “Puvatɨ, kɨ ian dagɨar kaba inian aghua,” kamaghɨn gumazir kam deraghvɨra ikɨvɨra ikiam.

Maika 2:1

Ia gumazir dɨmagaribar akui puvatɨgha, arazir kurabar amuasa nɨghnɨgha itiba, amɨnim tirazɨ arazir kurar kam damuamin tuavim otozɨ, ia zuamɨrama a gami. Ia kamaghɨn amir gumazamiziba iavzika! Ia bar ikuvigham.

Habakuk 2:6

Eghtɨ gumazamizir men apengan itiba, me dɨbovir akabar men garir gumazibav kɨmam. Me kamaghɨn me mɨkɨm suam, “Iavzika! Ia gumazir igharaz darazir biziba okeiba, ia bar ikuvigham. Ia manadɨzoghɨn arazir gumaziba pura ian biziba inizɨ, ia men avɨghtɨ me zuamɨra uam ada ikarvaghamin arazir kam ataghɨragham?”