Aisaia 5:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ Eghtɨ dughiar kamɨn, mɨdorozir gumaziba izɨ Judan kantri gasɨghasɨgham, egh me bar pamtemɨn dɨm nɨgɨnir dafam damuam, mati ongarim dɨpɨra iza ongarir dadarim gɨra tɨngazi. Eghtɨ gumazitam ian kantrin kamɨn gantɨ, a bar ikuvightɨ, ghuariar pɨziba aruemɨn angazangarim apazaghtɨ, kantrin kamɨn danganiba bar mɨtarmegham.

Aisaia 5:30 ပူးပေါင်းရင်းမြစ်များ

Aisaia 8:22

vɨn nguazimɨn gan, egh me bar bizir aghuitamɨn ganighan kogham. Bar puvatɨ. Me osɨmtɨziba ko dughiar kuramra danganiba bar da gan ikiam, mati amɨnirbɨrim bar me avara. Egh me osɨmtɨzim gitavɨragh arɨmangamin tuaviba puvatɨgham.

Joel 2:10

Me zuima nguazim mati mɨkɨmkɨzim a gɨnobazɨ a ivazvasi, ezɨ overiam mati God a gɨnobazɨ a nɨdi. Ezɨ aruem ko iakɨnim mɨtarmangizɨ, mɨkoveziba ua isir puvatɨ.

Akar Mogomem 6:12

Ezɨ Sipsipɨn Nguzim akɨnafarimɨn kendelɨn grisɨn namba 6 adangi, ezɨ kɨ ua garima mɨkɨmkɨzir dafam nguazimɨn oto. Ezɨ aruem isiragha gari puvatɨzɨ, overiam ko nguazim mɨtatangi. Ezɨ iakɨnim bar aghevegha ghuzimɨn mɨn gari.

Matyu 24:29

Egha Iesus ua kamaghɨn mɨgei, “Osɨmtɨzir ekiar kaba otivigh gɨvaghtɨ: “ ‘Aruem mɨtategham, eghtɨ iakɨnim isiraghan kogham, eghtɨ mɨkoveziba overiamɨn asighiram, overiamɨn itir bizir gavgaviba bar uarira uari sɨvaghsɨvagh, uan danganiba ataghɨragham.’

Jeremaia 6:23

O Saion, nɨ mati guivir dirim! Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra gan ikiam.”

Aisaia 13:10

Dughiar kamɨn, mɨkoveziba bar dar angazangarim mungegham. Egh aruem otoghtɨ, an angazangarim mɨtarmegham, eghtɨ iakɨnimɨn angazangarim puvatɨgham.

Amos 8:9

Dughiar kam otoghtɨ, kɨ aruem damightɨma, ana aruer arɨzimɨn mɨtategham, Amɨnir bɨrim aruer arɨzimɨn, nguazir kamɨn itir gumazamiziba batogham. Kɨ Ikiavɨra Itir Godɨn Ekiam, kɨ kamaghɨn mɨkeme.

Jeremaia 50:42

O Babilon, nɨ mati guivir dirim. Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra ikiam. O Babilon, nɨ mati guivir dirim.

Fofozir Gumazim 12:2

Eghtɨ dughiar kamɨn ian damaziba ikuvightɨma, ia kamaghɨn nɨghnɨgh suam, aruem ko iakɨnim ko mɨkoveziba deragha isir puvatɨ. Ezɨ amozir ghuariam ua iza danganir vamɨran iti.

Aisaia 13:4

Ia mɨghsɨabagh isɨn nɨgɨnir dafar kam baragh, kar gumazir bar avɨribar nɨgɨnim. Kantrin avɨribar mɨdorozir gumaziba iza uari akufa. Ikiavɨra Itir Godɨn Gavgaviba Bar Itim, mɨsoghasa uan mɨdorozir gumaziba akufa.

Aisaia 17:12

Ia nɨgɨnir ekiar kam baragh! Kar kantrin avɨribar mɨdorozir gumaziba uari akuvir nɨgɨnim. Men nɨgɨnim mati, ongarim pamtem iza dadarimɨn dɨpɨraghira tɨngazi.

Aisaia 30:6

Ekiam, a Negevɨn danganimɨn, sautɨn amadaghan itir gumazamiziba puvatɨzir danganimɨn itir asɨzir atiaba, akar kam me ganɨngi. A kamaghɨn mɨgei: “Judan gumazir aruaba sautɨn amadaghan itir gumazamiziba puvatɨzir danganir kam garui. Kar gumazamiziba osɨmtɨziba bativamin danganir kurar mam. Laionɨn amebaba ko apuriba ko, kuruzir gumazamizibagh iviba ko, kuruzir kurar mɨghegha zuiba ko, asɨzir atiar kuraba danganir kamɨn iti. Ezɨ gumazir aruar kaba ingangarir dafam gamua, bizir bar aghuir ivezim bar pɨn koziba isa, donkiba ko kamelbagh isɨn arigha ghua, kantrin men akurvaghan koghamiba bagha da atera zui.

Aisaia 59:9

Ezɨ gumazamiziba kamaghɨn mɨgei: “O God, e datɨrɨghɨn fo, e arazir kurar kam gami, ezɨ bizir kam bagha nɨ uan guizɨn arazim en akazir puvatɨ. Ezɨ nɨn arazir aghuim, e batozir puvatɨ. E mati, gumazamiziba mɨtarmemɨn iti moghɨn iti. Egha e dughiar aghuim e bativasa, e bar ifuegha a mɨzua iti, mati aruemɨn angazangarim anang e gisiragham. Ezɨ puvatɨ. E mɨtarmer dafamɨn tongɨn arua, egha osɨmtɨzir igharagha garir avɨriba batifi.

Jeremaia 13:16

Ia datɨrɨghɨn Godɨn akurvazimɨn angazangarim bagha garavɨra iti. Eghtɨ gɨn Ikiavɨra Itir God, angazangarir kam giraghtɨ, a mɨtarmer bar ekiamɨn otogham. Guizbangɨra, dughiar kuram otogham, mati Ikiavɨra Itir God ian nguibaba mɨtarmem dar anightɨ, ia mɨghsɨabar pɨn daruva asaghpor tintinibar iregham. Kamaghɨn, arazir kam faragha otivamin dughiamɨn, ia zuamɨra ziar ekiam isɨ Ikiavɨra Itir God, ian God, a danɨng.

Jeremaia 30:5

“Kɨ Ikiavɨra Itir God, kɨ kamaghɨn mɨkeme: E orazima, gumazamiziba navir amɨrizimɨn itir puvatɨgha, bar atiatia dɨgavir kuram gamua bar puvɨram azi.

Esekiel 26:3

“Kamaghɨn amizɨ, datɨrɨghɨn, kɨ Ikiavɨra Itir Godɨn Ekiam ghaze: “O Tairia, ia oragh, kɨ ian apanim. Kɨ kantrin avɨribar gumazibar aku ia mɨsoghsɨ izam, eghtɨ me ongarim dɨkava izi moghɨn izam.

Amos 5:18

Ia bar moghɨra kamaghɨn ifonge, Ikiavɨra Itir God Izamin Dughiar Ekiam, a bar zuamɨrama otogham. Iavzika! Ia bizir aghuir manamra dughiar kamɨn an gantɨ an otivam? Ia ti ghaze, dughiar kamɨn amɨnim ti ian tiragham. Bar puvatɨ. Amɨnir bɨrim a ikɨ kamaghɨra ikiam.