Aisaia 5:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Iavzika, ia bar ikuvigham. Ia ghaze, arazir kuram a dera, ezɨ arazir aghuim a ikufi. Egha ia ghaze, mɨtarmem an angazangarim, ezɨ angazangarim a mɨtarmem. Egha ia ghaze bizir akatorimɨn ikia mɨsozim a isɨngi, ezɨ bizir akatorimɨn ikia isɨngizim, a mɨsosi. Ia bar ikuvigham.

Aisaia 5:20 ပူးပေါင်းရင်းမြစ်များ

Aghuzir Akaba 17:15

Ikiavɨra Itir God, kotɨn arazir kamning bar aningɨn aghua: pura gumazimɨn arazir kuraba ataghɨrazir arazim ko, gumazir arazir kurabagh amir puvatɨziba, pura me gasɨghasɨzir arazim.

Luk Osirizir Akar Aghuim 16:15

Ezɨ a kamaghɨn me mɨgei, “Ia gumazamizibar damazibar bizibagh amua ghaze ia dera. Ezɨ God ian nɨghnɨzibagh fo. Ezɨ bizir gumazamiziba gari men damazibar bar deraziba, da Godɨn damazimɨn bar ikufi.”

Malakai 2:17

Ia mɨgɨrɨgɨar guar avɨribagh amizɨma, Ikiavɨra Itir God ian mɨgɨrɨgɨar kaba bar dar amɨra. Ia kamaghɨn azangsɨsi, “E mɨgɨrɨgɨar manabagh amizɨ, Ikiavɨra Itir God en amɨra?” Ia kamaghɨn mɨgei, “Ikiavɨra Itir God gumazir arazir kurabagh amibav gɨa ghaze, Me dera, ezɨ a me gifonge.” Egha ia tintinibar kamaghɨn mɨgei, “Gumazamiziba ghaze, God arazir aghuibaram amua gumazamizibar araziba akɨri. Ezɨ e an garima, a guizɨn arazir katam gamizir puvatɨ.” Kamaghɨn amizɨ, a ian mɨgɨrɨgɨar kaba bar dar aghua.

Jopɨn Akɨnafarim 17:12

Kɨ mɨtarmemɨn ikiavɨra itima, nan namakaba ghaze, ‘Puvatɨ, nɨ angazangarimɨn iti.’ Me ghaze, ‘Nɨ osɨman markɨ. Amɨnim tiasava ami.’ Ezɨ kɨ gari mɨtarmer ekiam ikiavɨra iti.

2 Pita 2:1

Ezɨ fomɨra Godɨn akam inigha izir gumazir ifavarir maba, me Israelian gumazamizibar tongɨn iti. Ezɨ kamaghɨra ifavarir tisaba uaghan ian tongɨn ikiam. Egh me nɨmɨra ia gifar, Godɨn bizitaba ian sure damuam. Egh me mongɨva akar ifavaribar amutɨ, da ian tongɨn otivam, kar akar ian nɨghnɨzir gavgavim gasɨghasɨziba. Ekiam ua me ini, eghtɨ me uamategh akɨrim ragh, Ekiam gasaragham. Me kamaghɨn damutɨ, God zuamɨra me gasɨghasigham.

Amos 5:7

Iavzika, ia gumazir kotiabagh ifariba ko gumazir arazir aghuiba dɨkabɨriba, ia bar ikuvigham!

Malakai 3:15

E gumazir uari fa akaba batozibar gari, me bar akuegha deraghavɨra iti. Ezɨ gumazir arazir kurabagh amiba, me bizir aghuir avɨriba iti. Ezɨ gumazir arazir kuraba Godɨn akakaghasa dagh amiba, me ghaze, God ti me gasɨghasɨgham, ti puvatɨgham? Ezɨ God me gasɨghasɨghizir pu. Bar puvatɨ.’ ”

Aisaia 24:9

Me wainɨn dɨpaba apir dughiamɨn, me ua ighiabagh amir puvatɨ. Men osɨmtɨziba me gamima, dɨpar onganim ua men akatoribar isɨngizir puvatɨ.

Aisaia 30:10

Egha me kamaghɨn Godɨn ganganir gumaziba ko an irebamɨn mɨn garir bizibar garir gumazibav gei, “Ia ua irebamɨn mɨn garir bizibar ganan markɨ. Egh ia uan akabar kumigh. Ia uam arazir aghuiba ko arazir zuezibar gɨn mangɨsɨ e mɨkɨman markɨ. E oraghasa ifongezir akar e apezeperibaram e mɨkɨm, kar bizir aghuir otivan koghamiba.

Habakuk 1:4

Gumazamiziba Moses Osirizir Arazibar gɨntɨzir puvatɨgha ghaze, nɨn Arazir kaba pura biziba. Ezɨ jasba zurara kotɨn aven nɨn guizɨn Arazibar gɨn zuir puvatɨ. Gumazamizir arazir kurabagh amiba, me gumazir arazir aghuibagh amiziba dɨkabɨra, egha zurara nɨn guizɨn araziba adavadafi.

Ua Me Ini 23:7

Nɨ mɨgɨrɨgɨar ifavaribar gumazim gasɨva a isɨ kotiam darɨghan markɨ. Egh gumazir aghuarim arazir kuratam damighan koghtɨ, ia isɨ kotiam datɨghɨva, nɨ puram a mɨsueghtɨ an aremeghan markɨ. Guizbangɨra, gumazir arazir kurar kam gamim, an osɨmtɨzim ikɨvɨra ikɨtɨ kɨ a isɨ kotiam datɨghtɨ, an ovengam.

Godɨn Araziba 25:1

“Dughiar tabar Israelɨn gumazitamning adarim uaningɨn ikɨtɨ, jas aning tuisɨgh fogh suam, aningɨn mav osɨmtɨzim iti, ezɨ mav puvatɨ.

Aghuzir Akaba 4:17

Arazir kuram ko arazir gumazir igharaziba paza me gamim, aning mati men daghem ko dɨpar me apimning.

Aisaia 29:21

Egh arazir kamra uaghan, gumazir pura ifara igharaz darazi isa kot garɨziba, ko gumazir osɨmtɨzibagh amibar akurvagha akar ifavaribagh amiba, ko gumazir kotiam adavadavightɨ, eghtɨ gumazir Godɨn damazimɨn deraziba kotiamɨn me gafiraghan kogham, gumazir kaba, me bar moghɨra bar ikuvigham.

Aisaia 32:5

Eghtɨ arazir ziar ekiam isa gumazir arazir kurabagh amiba ko, gumazir onganibagh amibagh anɨdim, a bar gɨvagham.

Esekiel 13:19

Ia nan gumazamizibagh ifara ghaze, ia ziar ekiam na ganɨdi. Ezɨ puvatɨ, ia nan ziam abɨravɨra iti. Ia akuzir arazim gamua gumazamizir mabav sozi me ariaghiri, egha marazir akurvasi. Gumazir kɨ ovengan ifongezir puvatɨziba, ia me mɨsozi me ariaghiri, egha kɨ ovengasa ifongezir gumazamiziba ia deragha me gami. Ezɨ gumazamiziba ian arazir kam bagha bar ifongegha bretɨn oteviba ko balin muziaribar ia givezima, ia arazir kurar kabagh ami.

Maika 3:2

Ia arazir aghuir kamɨn aghuagha arazir kuram bagha bar ifonge. Ian arazir kaba mati, ia nan gumazamizir angamɨra itibar iniba aghora da mɨsi. Egha men agharibar itir tuziba aghora da mɨsefi.