Aisaia 5:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ia isabagh amua, wain apava, gitaba ko buabav sogha, marvibagh ivia, ighiar guar avɨribagh ami. Egha ia arazir kaba bar dagh fo. Egha Ikiavɨra Itir God amir biziba, ia fofozim dar itir puvatɨ.

Aisaia 5:12 ပူးပေါင်းရင်းမြစ်များ

Onger Akaba 28:5

Ikiavɨra Itir God me bagha amizir ingangarir ekiaba me dagh nɨghnɨzir puvatɨgha ghaze, a uan dafarimningɨn bizir ekiatam gamizir puvatɨ. Kamaghɨn, a me gasɨghasɨgh bar me kuavaremegham.

Jopɨn Akɨnafarim 34:27

A fo, me akɨrim ragha a gasaragha, an Akar Gavgavibar gɨn mangan aghua. Kamaghɨn amizɨ, a me gasɨghasɨsi.

Jut Osirizir Akɨnafarim 1:12

Ia uarigh ifongezir isar dughiabar, gumazamizir kaba izava Godɨn damazimɨn arazir mɨzɨrɨzir kurabagh ami. Me damasa aghumsɨzir puvatɨ, egha kamaghɨn nɨghnɨzir puvatɨ, e isar ekiamɨn iti. Egha me uarira uarigh nɨghnɨsi. Me mati amozim puvatɨzir ghuariabar mɨn, amɨnim dagh ivaima, da tintinibar zui. Egha me mati temem uan dughiamɨn ber puvatɨ. Egha me mati temem mɨsigha gɨvazɨ gumaziba an povim asiaghatɨ. Me gumazamizir bar ovengeziba.

Daniel 5:23

Nɨ uabɨ uan ziam fasa nɨghnɨgha, Ekiar Uan Nguibamɨn Itim, nɨ nan ziam dɨkabɨra. Egha uan ingangarir gumazibav kemezɨ me kavɨn nɨn afeziam Godɨn Dɨpenimɨn iniziba inigha ize. Egha nɨ uan gumazir ekiaba ko uan amuiba ko nɨn amuir doziba ko, ia bar kavɨn kabar wainɨn dɨpaba api. Egha ia marvir guar me gol ko, silva ko, bras ko, ain ko, temeba ko, dagɨamɨn ingarizibar ziaba fe. Ezɨ marvir guar kaba me garir puvatɨgha mɨgɨrɨgɨaba barazir puvatɨgha bizitam gɨfozir puvatɨ. God uabɨra nɨn ikɨrɨmɨrim ko nɨ amir biziba bar dar gara dagh atifa. Ezɨ nɨ an ziam fer puvatɨ.

Luk Osirizir Akar Aghuim 16:19

Iesus ua kamaghɨn mɨgei, “Dughiar mamɨn, gumazir dagɨaba avɨrasemezir mam iti. Egha a korotiar bar aghuir aghevim arugha dagher aghuiba ikia zurara isabagh amua da apa mamaghɨra iti.

Aisaia 22:13

Egh ia gan! Ia azir arazibagh amir puvatɨ. Ia akazim gamua bar akuegha iti. Egha ia sipsipba ko bulmakaubav sogha, isar dafam gamua, egha wainɨn dɨpaba api. Egha ia kamaghɨn mɨgei, “E fo, e gurumɨn ovengam, kamaghɨn amizɨ, ia izɨ e damɨ wainɨn dɨpabar amam.”

Aisaia 5:19

Ia kamaghɨn mɨgɨa ghaze, “E kamaghɨn orasi, Israelian Godɨn Bar Zuezim, a bizitamɨn e damusɨ egh a zuamɨram a damuam. Egh e kamaghɨn ganigh, an nɨghnɨzim gɨfogham.”

Jenesis 31:27

Nɨ manmaghsuavɨra na mɨkɨman aghuagha modogha nɨmɨram arav ghu? Nɨ izasa na mɨkemezɨ, kɨ uan adaraziv kemezɨ me ia bagha buaba ko gitabav soghezɨ ia bar akueghavɨra izeghai.

1 Korin 14:7

Ia bizir kam gɨnɨghnɨgh. Bizir arareir aghuiba, mati marvim o gita, da gumazamizibar mɨn duaba itir puvatɨ. Da deraghvɨra arangan koghɨva, deraghvɨra uan ingangarim damuan kogham. Kamaghɨn e manmaghɨn fogh suam, me ighiar manam gami?

1 Samuel 12:24

Ia bizir bar ekiar Ikiavɨra Itir God ian akurvagha ia gamizibagh nɨghnigh, egh zurara an atiating an apengan ikɨ. Ia uan navir averiabar aven guizbangɨra an gɨn mangɨ an ziam fɨva, an ingangarim damusɨ gavgafigh.

2 Samuel 19:35

Nɨ oragh, kɨ 80plan azeniba iti, egha deragha bizir aghuiba ko kurabagh fozir puvatɨ. Kɨ dagheba ko dɨpabar amɨva deragh dar isɨngtɨziba baraghan kogham, manam derazɨ manam ikufi. Nan kuarimning uaghan ikufi, eghtɨ gumazamiziba ighiabar amutɨ, kɨ me onger ighiaba baraghan kogham. Kamagh amizɨ, kɨ tizim bagh nɨn gɨn mangɨva osɨmtɨzim nɨ danɨngam? Ti puvatɨgham.

Aisaia 24:8

Me ua bar akuegha, dia uan tambarinbav mɨsozir puvatɨ. Ezɨ me bar akongezir arazir isam gamim a uam otozir puvatɨ. Ezɨ ighiar me gitan guar avɨribav soghava amim, a bar gɨfa.

Aisaia 29:1

Ikiavɨra Itir God, kamaghɨn mɨgɨa ghaze, “O Ariel, Ariel, nɨ nguibar ekiar Atrivim Devit fomɨra ikezim, Jerusalem, noka! Nɨ bar ikuvigham. Nɨ datɨrɨghɨn nan ofa gamir dakozimɨn mɨn iti. Kɨ garima, azeniba zurara iza zuima, nɨ uan isar ekiabar arazibar gɨn ghuavɨra iti. Egh nɨ gɨn bar ikuvigham.

Aisaia 56:12

Me uari akuvazir dughiamɨn, me vaghvagha kamaghɨn uariv gɨa ghaze, ‘Aria, ia izɨ, kɨ wainɨn dɨpam inigh, e anemɨ mangɨ e uan ifongiaba agɨvaka. Egh e, gurumzaraghan uam uari akuvagh bar an dafam damuam.’ ”

Esekiel 26:13

Eghtɨ kɨ ian onger akaba ko, gitabav sozir arazim bar ada agɨvagham.