Aisaia 5:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ia oraghtɨ, kɨ uan namakar kɨ ifongezim bagh onger akar kam bangam. Nan onger akar kam, kɨ uan namakamɨn wainɨn azenim geghari. Nan namakam, mɨghsɨam gisɨn itir nguazir mam iti, dagheba an deragha aghui, ezɨ a nguazir kamɨn wainɨn azenimɨn ingari.

Aisaia 5:1 ပူးပေါင်းရင်းမြစ်များ

Mak Osirizir Akar Aghuim 12:1

Ezɨ Iesus akar isɨn zuibar Judan gumazir dapanibav gei, “Gumazir mam wainɨn azenim oparigha an dɨvazim aghui. Egha wainɨn ovɨziba mɨrmɨramin itarim gɨkuigha, pɨn ikɨ wainɨn azenimɨn ganamin dɨpenimɨn ingari. Egha a wainɨn azenim isa wainɨn azenimɨn ganamin gumazir mabagh anɨngi. (Eghtɨ me gɨn wain taba uam a ikaragham.) Egha saghon igharagha ghu.

Luk Osirizir Akar Aghuim 20:9

Egha Iesus mɨgɨa ghua ua akar isɨn zuir kamɨn gumazamizibav gei, “Gumazir mam wainɨn azenim oparigha, egha azenimɨn garir gumazir mabar dafarim garɨgha ghaze, me gɨn a givezam. Egha a ghua dughiar ruarimɨn saghon iti.

Jon Osirizir Akar Aghuim 15:1

Ezɨ Iesus ua kamaghɨn mɨgei, “Kɨ uabɨ kɨ guizbangɨra wainɨn ikarɨzimɨn mɨn iti. Ezɨ nan Afeziam a wainɨn azenimɨn ghuavim.

Matyu 21:33

Egha Iesus gumazir dapaniba ua kamaghɨn me mɨgei, “Ia akar isɨn zuir igharazir kam baragh. Gumazir mam wainɨn azenimɨn ingarigha, an dɨvazim aghui. Egha wainɨn ovɨziba mɨrmɨramin itarim gɨkuigha azenir dɨpenimɨn ingari, eghtɨ ingangarir gumaziba an ikɨ azenimɨn ganam. Egha azenir kam isa gumazir mabar agharim gatɨgha ghaze, me gɨn wainɨn dɨpataba uam a ikaragham. Egha dɨkavigha nguibar saghon itimɨn ghu.

Jeremaia 2:21

Kɨ nguazir kamɨn ia atɨ, mati gumazim uan azenimɨn wainɨn ikarɨzir aghuir mam ginabagha anekara, eghtɨ a gɨn bɨva ovɨzir bar aghuiba ikiam. Ezɨ manmaghɨn amizɨ ia datɨrɨghɨn iragha ruarimɨn wainɨn ikarɨzir atiamɨn mɨn oto?

Onger Akaba 80:8

Nɨ uan gumazamiziba wainɨn ikarɨzimɨn mɨn Isipɨn me asigha me inigha ize. Nɨ Kantrin Igharazibar Gumazamiziba batuegha, men nguazibar uan gumazamiziba, wainɨn ikarɨzimɨn mɨn me arke.

Solomon 2:16

Nan roroar gumazir kɨ bar ifongezim, kɨ an amuim, ezɨ a nan pam, mati a uan memeba inigha akɨmarir aghuibar tongɨn ghuzɨ, da graziba api moghɨn, a na ko ikiasa bar akonge.

Solomon 6:3

Nan roroar gumazir kɨ bar ifongezim, kɨ an amuim, ezɨ a nan pam, mati a uan memeba inigha akɨmarir aghuibar tongɨn ghuzɨ, da graziba api.

Solomon 5:16

A nan torima, kɨ an isɨngtɨzim isi. An mɨkarzim bar moghɨra na gamima, kɨ bar a gifonge. O ia Jerusalemɨn amiziba, kɨ ifongezir gumazir kam, a nan roroar aghuim, an ganganim kamaghɨn gari.

Onger Akaba 45:1

Mɨgɨrɨgɨar aghuir avɨrir maba nan nɨghnɨzimɨn izi. Kɨ onger akar kam osirightɨ me atrivim bagh a dɨponam. Nan mɨzem mati fɨnfɨnim, a gumazir akɨnafariba osira fofozimɨn mɨn ikia onger akar kam osiri.

Onger Akaba 101:1

O Ikiavɨra Itir God, kɨ arazir aghuim ko apangkuvir arazim gɨnɨghnɨghɨva ighiam bangam. Bar guizbangɨra, kɨ nɨ baghvɨra ighiar kam bangam.

Onger Akaba 60:5

Nɨ bar ifongezir darazi bar deravɨra ikiasa, nɨ uan agharir guvir gavgavimɨn en suiragh en akuragh. Nɨ en azangsɨzim baragh!

Jeremaia 12:10

“Kantrin Igharazibar Gumazamizibar gumazir dapanir avɨriba iza, nan wainɨn azenir dirim gasɨghasɨki. Me azenir dirir kam dɨkezɨ, a danganir mɨdiarimɨn mɨn iti. Ezɨ gumazamiziba uam an itir puvatɨ.

Esekiel 15:2

“O nguazir kamɨn gumazim, nɨ manmaghɨn nɨghnɨsi, wainɨn ikarɨzim, a ti derazir puvatɨ. Wainɨn ikarɨzimɨn agharim, ruarir arɨzimɨn temebar agharibar tongɨn manmaghɨn deragh aghung, dagh afiragham? Ti puvatɨ.

Hosea 10:1

Israelia bizir avɨrim ikia, mati wainɨn ikarɨzir aghuim puvɨra be. Men bizir aghuiba bar avɨrasemegha iti. Kamaghɨn amizɨ, me asem bagha ofa gamir dakoziba ko dagɨar guarir akɨnir avɨribar ingara, egha bar deravɨra dagɨar guarir akɨnir kabar kurti.

Godɨn Araziba 8:7

“Ikiavɨra Itir God, ian God, ian akua kantrin bar aghuir kam bagha zui. Nguazir kam, a faner ekiaba ko mozir dɨpaba itima, dɨpar maba nguazimɨn apengan ivemara, egha danganir zariba ko mɨghsɨar dozibar otiva afora dar izaghiri.

Godɨn Araziba 8:10

Egh bizir ia damasa ifongeziba, ia bar ada iniam. Egh ia Ikiavɨra Itir God, ian God, kantrin aghuir a ia ganɨngizir kam bagh an ziam fɨ a mɨnabam.”

Esekiel 19:10

Nɨn amebam mati wainɨn ikarɨzir me dɨpar mɨriamɨn dɨkarazim. Egha a dɨpar avɨriba iti, kamaghɨn amizɨ, an agharir avɨriba ikia puvɨra be.