Aisaia 48:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ “Kɨ bar ia basemegha bar ia agɨvasava ami. Egha kɨ zurara uan ziar ekiam gɨnɨghnɨgha, ia bagha uan anɨngagharim dɨkabɨri. Kamaghɨn amizɨ, kɨ ia gasɨghasɨghan kogham. Eghtɨ gumazamizir igharaziba nan ziam fam.

Aisaia 48:9 ပူးပေါင်းရင်းမြစ်များ

Aisaia 37:35

Kɨ uan ingangarir gumazim Devit, a ko dɨkɨrɨzir akam ko, uan ziar ekiam gɨnɨghnɨgh, egh bizir kamning bangɨn, kɨ nguibar ekiar kamɨn ganɨva an akurvagham.’ ”

Onger Akaba 143:11

O Ikiavɨra Itir God, nɨ uan ziar ekiam bangɨn, nɨ akam akɨrizɨ moghɨn nɨ uam na inigh. Nɨ arazir aghuibaram ami. Kamaghɨn, nɨ nan osɨmtɨzir na bativibar aven uam na inigh.

Onger Akaba 106:8

God uan ziar ekiam bangɨn, uan gavgavir ekiam akakaghasa ua men akura.

Onger Akaba 79:9

O God, nɨ Godɨn En Akurvazim. Nɨ uan ziar ekiam bagh nɨghnigh en akuragh uam e inigh, en arazir kuraba gɨn amadagh.

Onger Akaba 78:38

Ezɨ a men apangkuvighavɨra ikia, men arazir kuraba gɨn amadagha, me gasɨghasɨzir puvatɨ. A dughiar avɨribar uan adarim amɨnivagha men akazir puvatɨ.

Esekiel 20:44

O Israelɨn ikɨzim, kɨ uan ziar aghuim bangɨn deragha ia gami. Kɨ ian arazir kurabar ivezir kuram isa ia ganɨngizir puvatɨ. Eghtɨ ia kamaghɨn fogh suam, kɨ Ikiavɨra Itir God. “Kɨ Ikiavɨra Itir Godɨn Ekiam, kɨ mɨkemegha gɨfa.”

Esekiel 20:22

Ezɨ puvatɨ, kɨ kamaghɨn amizir puvatɨ. Kantrin Igharazibar Gumazamiziba nan garima, kɨ Israelia Isipɨn kantrin aven me inigha azenan ize. Kamaghɨn amizɨ, dughiar kamɨn kɨ uan ziar ekiam bangɨn, mɨzazir kuram Israelia ganɨngizir puvatɨ.

Esekiel 20:14

Ezɨ puvatɨ, kɨ kamaghɨn amizir puvatɨ. Kantrin Igharazibar Gumazamiziba nan garima, kɨ Israelia Isipɨn kantrin aven me inigha azenan ize. Kamaghɨn amizɨ, dughiar kamɨn kɨ uan ziar ekiam bangɨn, mɨzazir kuram Israelia ganɨngizir puvatɨ.

Jeremaia 14:7

Ezɨ nan gumazamiziba kamaghɨn na ko mɨgɨa dɨa ghaze, “Bar guizbangɨra, e akɨrim ragha nɨ gasaragha gɨvagha, arazir kurar avɨrim gami. Ezɨ en arazir kurar kaba e isa kotiam gatɨ. Ezɨ Ikiavɨra Itir God, nɨ uan ziar ekiam gɨnɨghnɨgh, en apangkufigh.

Aisaia 48:11

Kɨ uan ziar ekiam gɨnɨghnɨgha arazir kamɨn ia gami. Gumazamiziba nan ziam gasɨghasɨgh a dɨkabɨn, ziar ekiam igharaz darazir anɨngan kɨ aghua. Bar guizbangɨra, me ziar ekiam narara danɨngam.”

Aisaia 43:25

Kɨrara, kɨ God, kɨ uan ziar ekiam baghavɨra nɨghnɨsi, kamaghɨn kɨ ian arazir kuraba bar da gɨn amada. Egh kɨ ua ian arazir kurar kabagh nɨghnɨghan kogham.

Aisaia 30:18

Guizbangɨra, Ikiavɨra Itir God, a Godɨn guizɨn arazibagh amim. Kamaghɨn amizɨ, a ian apangkuvighasa ifongiar bar ekiam iti. A uan apangkuvim ian akakaghasa ia mɨzua iti. Gumazamizir nɨghnɨzir gavgavim an ikiava, uarir akurvaghasa a mɨzua itiba, me bar akuegham.

Onger Akaba 25:11

O Ikiavɨra Itir God, nan arazir kuraba bar avɨraseme. Kamaghɨn, nɨ uan ziam bagh uan akar dɨkɨrɨzimɨn gɨn mangɨ, nan arazir kuraba gɨn amadagh.

1 Samuel 12:22

Bar guizbangɨra, Ikiavɨra Itir Godɨn ifongiamra, a ia ginabazɨ ia an gumazamizibar otifi. A uan ziar ekiam gɨnɨghnɨgh, egh akɨrim ragh ia gasaraghan kogham.

Esekiel 20:9

Ezɨ puvatɨ, kɨ kamagh amizir puvatɨ. Kɨ kamaghɨn damighɨva, uabɨ uan ziam abɨri moghɨn damuam. Dughiar kamɨn, Israelia Kantrin Igharazibar Gumazamizibar tongɨn itima, kɨ men damazibar uabɨ isa Israelian akagha Akar Dɨkɨrɨzir Gavgavim Israelia koma a gamigha ghaze, kɨ Isipɨn kantrin aven me inigh azenan mangam. Kamaghɨn amizɨ, dughiar kamɨn kɨ uan ziar ekiam bangɨn, mɨzazir kuram Israelia ganɨngizir puvatɨ.

Aghuzir Akaba 19:11

Gumazir nɨghnɨzir aghuim itim, a zuamɨra adarim damighan kogham. An arazir faraghavɨra amimra kara, a gumazir igharaziba a gamir arazir kurabagh nɨghnɨzir puvatɨ.

Josua 7:9

Eghtɨ Kenanian gumaziba ko nguibar kamɨn itir gumazamiziba bar bizir kamɨn mɨgɨrɨgɨam baragham. Egh me ti e ekɨarugh bar e mɨsueghtɨ e arɨmɨghiregh, nguazir kamɨn ziaba ua puvatɨgham. Egh me ti nɨ dɨpova nɨn ziar ekiam abɨragham. Nɨ uan ziar ekiam bagh nɨghnigh bizir tizim damuam?”

Aisaia 65:8

Egha Ikiavɨra Itir God kamaghɨn mɨgei, “Gumazitam wainɨn ikarɨzir ovɨzir kurar avɨriba itiba makunsɨ damutɨ, gumazir igharazim suam, ‘Nɨ tong orarkegh. Kɨ wainɨn ovɨzir aghuir mabar garima, da an iti. E da inigh wainɨn aghui tabar amigh, dar amɨ bar akongegham.’ Kamaghɨra, kɨ Ikiavɨra Itir God, kɨ fo, Israelia nan ingangarir gumazamiziba, ezɨ kɨ me baghavɨra ikia, bar moghɨra me gasɨghasɨghan kogham.

Esekiel 36:21

Ezɨ kɨ fo, Israelia ghuezir danganiba bar, kantrin kabar gumazamizibar tongɨn nan ziar bar zuezim dɨpovava a gasɨghasɨgha ghaze, a pura ziar kɨnim. Ezɨ kɨ uan ziam bagha oseme.