Aisaia 48:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Kɨ kamaghɨn fo, kɨ ian ingara ia gamizɨ, ia gumazamizir ikɨzir vamɨran otozir dughiamɨn ikegha, iza datɨrɨghɨn, ia akaba munasa da barazir puvatɨzir adarasi. Egha kɨ fo, ia ifavarir gumazamiziba. Kamaghɨn amizɨ, kɨ bizir kabar gun ia mɨkemezir puvatɨzɨ, ia dagh fozir puvatɨ.

Aisaia 48:8 ပူးပေါင်းရင်းမြစ်များ

Onger Akaba 58:3

Gumazir arazir kurabagh amiba, me mangamin tuavim ataki. Men amebaba me batezir dughiamɨn ikegha iza datɨrɨkɨn, me ifaravɨra iti.

Malakai 2:11

Fomɨra Israelia ko Judaba, me Godɨn akamɨn gɨn mangasa akar mam akɨri. Ezɨ puvatɨ, me anebigha uam arazir bar kurar mam gami. Arazir kurar kam me kantrin aven nguibabar bar a gamua, egha uaghan Jerusalemɨn a gami. Men gumazir maba, asebar ziaba fer adarazir amiziba isa dar iti. Ezɨ men arazir kam, Ikiavɨra Itir Godɨn Dɨpenir a bar ifongezim gamizɨ, a bar an damazimɨn mɨze.

Hosea 5:7

Bar guizbangɨra, me Ikiavɨra Itir God ategha gɨfa, mati amizim uan pam ataki, egha tintinimɨn gumaziba koma akua men boriba bate. Ezɨ men boriba kamaghɨn fozir puvatɨ, Godra guizɨn men afeziam. Kɨran oveghangɨn iakɨnir igiamɨn dughiamɨn, apaniba izɨ, me gasɨghasɨgh men nguazim saram asɨghasigham.

Jeremaia 6:10

Ezɨ kɨ Ikiavɨra Itir Godɨn akam ikaragha ghaze: “Kɨ ikiangsɨzim me danɨng me mɨkɨmtɨ, tina men tongɨn na baregham? Me kuarir toriba puvatɨ. Men naviba gavgavizɨ me nɨn akam baraghan aghua. Me nɨn akam mɨgɨa ghaze, a bizir kuram, egha a gifongezir puvatɨ.

Efesus 2:3

Fomɨra e bar moghɨra men mɨn ami, egha uan navir ghurimɨn ifongiamɨn gɨn zui. E uan inivafɨzir agorogem ko uan nɨghnɨzir kurabar gɨn zui. Dughiar kamɨn e nguazimɨn itir gumazamizibar mɨn amima, kamaghɨn God bar en arazir kuraba bagh ivezir kuram e danɨngasa nɨghnɨzim gami.

Jeremaia 5:11

Guizbangɨra, Israelia ko Judabar gumazamiziba, me akɨrim ragha bar na gasaragha gɨfa. Kɨ Ikiavɨra Itir God, kɨ mɨkemegha gɨfa.”

Jeremaia 3:20

Ezɨ puvatɨ. Ia Israelia, ia na tegha gɨvagha, mati amizim pamɨn ikiava anetegha par igharazimɨn iti. Kɨ Ikiavɨra Itir God, kɨ mɨkemegha gɨfa.”

Aisaia 50:5

Ikiavɨra Itir God, en Ekiam, uan akam baraghasa nan kuarimning kuizɨ, kɨ an akam batoghezir puvatɨ. Egha kɨ akɨrim ragha a gasarazir puvatɨ.

Aisaia 48:4

Kɨ kamaghɨn bar fo, ian dapaniba mati dagɨaba ko ain, ezɨ ia nan akabar gɨntɨzir puvatɨ. Kamaghɨn amizɨ, kɨ fomɨra bizir gɨn otivamibar akar kam akuni, egha kɨ zuamɨra dagh amizɨ, da otifi.

Aisaia 46:8

“Ia gumazir arazir kurabagh amiba, ia akar kɨ akurir kam, ia bar deravɨram a gɨnɨghnɨgh.

Aisaia 26:11

O Ikiavɨra Itir God, nɨ gumazamizir kurabagh asɨghasɨghasa uan agharim ghufegha gɨfa. Ezɨ me an ganizir puvatɨ. Egh nɨ me ateghtɨ, me an gan fogh suam, nɨ uan gumazamizibar akurvaghasa bar ifonge. Eghtɨ gumazir kurar kaba bar aghumsigham. Eghtɨ nɨ uan apaniba bagha atɨzir avir kam, bar me dapongtɨ me isigh.

Aisaia 21:2

Ezɨ God bizir bar kurar mam nan aka, kɨ irebamɨn mɨn garir bizimɨn, an gani. Kɨ orazi, Ikiavɨra Itir God kamaghɨn mɨgei: “Babilonia, me gumazamizibagh ifara paza me gami darasi. Egha me arazir kam gamima a ghua bar ekefe. Kamaghɨn amizɨ, ia kantri Elamɨn itir mɨdorozir gumaziba, ia izɨ Babilonia mɨsogh. Eghtɨ ia Midian kantrin mɨdorozir gumaziba, ia izɨ nguibar ekiar kam an ekɨarugh. Kɨ osɨmtɨzir Babilonia gumazamizir igharazibagh anɨdiba agɨvagham.”

Onger Akaba 51:5

Kɨ uan amebamɨn navir averiamɨn aven ikiavɨra itima, arazir kuraba nan iti. Arazir kurar kaba nan mɨkarzimɨn ikiavɨra itima nan amebam na bate.

Onger Akaba 40:6

Asɨzir e mɨsogha nɨ bagha ofa gamiba ko, bizir aghuir e ofan mɨn isa nɨ ganɨdiba, nɨ dar aghua. Asɨzir e nɨ bagha avimɨn tuazɨ bar isigha mɨghɨriziba ko, arazir kuraba gɨn amangamin ofaba, nɨ dar aghua. Nɨn ifongiamra kara, nɨ nan nɨghnɨzim kuightɨ, kɨ nɨn akaba baragh dagh fogh dar gɨn mangam.

Hosea 6:7

“Gumazamizir kaba, bar faraghavɨra otozir gumazim Adamɨn mɨn ikia, Akar Dɨkɨrɨzir Gavgavir kɨ me ko amizim abɨki. Me zuamɨra akɨrim ragha na gasara.

Jeremaia 5:21

Ia gumazamizir nɨghnɨzir aghuiba ko foziba puvatɨziba. Ia damaziba ikia, bizibar garir puvatɨ. Egha ia kuariba ikia, biziba barazir puvatɨ. Ia datɨrɨghɨn kuariba arigh deraghvɨra nan akaba baragh.

Aisaia 33:1

Ia kantrin igharazibagh asɨghasɨzi darasi, iavzika! Ia bar ikuvigham. Bar guizbangɨra, ia datɨrɨghɨn ikuvizir puvatɨ. Ezɨ ia kantrin igharazibagh asɨghasɨghamin dughiam, a gɨfa, eghtɨ ia uari ikuvigham. Ia igharaz darazigh ifarava, uan akar dɨkɨrɨziba abigha me isa apanibar agharim garɨsi. Bar guizbangɨra, tarazi datɨrɨghɨn ia gifarazir puvatɨ. Eghtɨ ia igharaz darazigh ifaramin dughiam, a gɨvagham. Eghtɨ igharaz darazi ia gifar, ia isɨ apanibar dafarim darɨgham.

Aisaia 42:25

A en apanibar amamangatɨzɨ, me iza e ko mɨsosi. Ezɨ tuavir kamɨn, a uan anɨngagharim isa e Israelia, e gingezɨ, an e avara. An anɨngagharim avimɨn mɨn bar en isi. E arazir kamɨn gara, egha deragha fozir puvatɨgha, bizitam gamir puvatɨ.

Aisaia 47:11

Dughiar bar kuram nɨ batogham, eghtɨ nɨ akavsiamɨn gavgavimɨn a gitavɨraghan kogham. Osɨmtɨzir dafam zuamɨra nɨ batogham, eghtɨ nɨ an tuavim apɨramin bizitam damuan kogham. Bizir bar kurar nɨ nɨghnɨzi da nɨ bativan koghamiba, da nɨ batogh bar nɨ gasɨghasigham.

Aisaia 48:7

“Bizir kaba, kɨ datɨrɨghɨn dar ingari, kɨ fomɨra dar ingarizir puvatɨ. Ia faragha zuir dughiamɨn, ia da baragha dagh fozir puvatɨ. Kɨ datɨrɨghɨn mɨkɨmtɨ, bizir bar igiaba otivam, bizir fomɨram otivizir puvatɨziba. Eghtɨ ia kamaghɨn mɨkɨman kogham, ‘E bizir kabagh fogha gɨfa.’ Guizbangɨra, ia fomɨra bizir kaba bar dagh fozir puvatɨ.

Aisaia 57:4

Ia gumazir akaba barazir puvatɨziba ko ifavarir gumazamizibar boriba, ia dɨbovir akar kuramɨn tina mɨgei? Ia akaba ikɨzɨrɨgha, mɨzeba onga tina garɨsi? Kɨ fo, ia arazir kurar kaba nararam ami.

Hosea 7:9

Israelia kantrin igharaziba ko pozir arazir kam, a men gavgavim abɨragha gɨfa, ezɨ me bizir kam gɨfozir puvatɨ. Me mati gumazir ghurir apanim, ua gavgaviba puvatɨ, egha me uaghan bizir kam gɨfozir puvatɨ.

Godɨn Araziba 31:16

Egha Ikiavɨra Itir God, kamaghɨn Moses mɨgei, “Nɨ oragh! Kɨran oveghangɨn, nɨ mangɨ uan inazir afeziaba ko dakuam. Eghtɨ gɨn gumazamizir kaba, akɨrim ragh na gasaragh tintinibar nguazir me mangamin kamɨn ikɨzir igharazibar asebar gɨn mangegham. Me mati poroghamiba uari ataghɨragha tintinibar akui mokɨn. Kamaghɨn, me Akar Dɨkɨrɨzir Gavgavir kɨ me koma amizir kam, me anebigham.

Godɨn Araziba 31:18

Me arazir kurar kam damuva, na ategh asebar ziaba fam. Eghtɨ men arazir kurar kam bangɨn, kɨ dughiar kamɨn uan guam bar men modogh, men akurvaghsɨ tong nɨghnɨghan kogham.