Aisaia 48:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ “Bizir kaba, kɨ datɨrɨghɨn dar ingari, kɨ fomɨra dar ingarizir puvatɨ. Ia faragha zuir dughiamɨn, ia da baragha dagh fozir puvatɨ. Kɨ datɨrɨghɨn mɨkɨmtɨ, bizir bar igiaba otivam, bizir fomɨram otivizir puvatɨziba. Eghtɨ ia kamaghɨn mɨkɨman kogham, ‘E bizir kabagh fogha gɨfa.’ Guizbangɨra, ia fomɨra bizir kaba bar dagh fozir puvatɨ.

Aisaia 48:7 ပူးပေါင်းရင်းမြစ်များ

Aisaia 48:6

“Bizir kɨ fomɨram otivasa mɨkemeziba, da otivigha gɨvazɨ ia dar gani. Ezɨ ia datɨrɨghɨn kamaghɨn mɨkɨm suam, ‘Ekiam, a guizbangɨra mɨgei.’ Egh kɨ datɨrɨghɨn bizir igiar otivamibar gun ia mɨkɨmam, kar bizir mueghav itir kɨ fomɨra ia mɨkemezir puvatɨziba, ia tɨghar da baragham.

Aisaia 48:8

Kɨ kamaghɨn fo, kɨ ian ingara ia gamizɨ, ia gumazamizir ikɨzir vamɨran otozir dughiamɨn ikegha, iza datɨrɨghɨn, ia akaba munasa da barazir puvatɨzir adarasi. Egha kɨ fo, ia ifavarir gumazamiziba. Kamaghɨn amizɨ, kɨ bizir kabar gun ia mɨkemezir puvatɨzɨ, ia dagh fozir puvatɨ.

Jopɨn Akɨnafarim 32:13

Ia kamaghɨn uarira uariv kɨman kogham, e nɨghnɨzir aghuim buria egha a inigha gɨfa. E God ateghtɨ anarɨra Jopɨn mɨgɨrɨgɨaba ikarvagham. E gumazir kɨniba a ikaraghan kogham.

Aisaia 49:7

Ikiavɨra Itir God, Israelian Akurvazir Gumazim, men Godɨn Bar Zuezim, a ghaze, Gumazir kam, Kantrin Igharazibar Gumazamiziba gara ifongezir puvatɨzim. Kantrin Igharazibar Gumazamiziba an gara ghaze, a bizir bar kuram. Egha kantribar atriviba a gamizɨ, a men ingangarir gumazir kɨnimɨn mɨn iti. Egha Ikiavɨra Itir God datɨrɨghɨn kamaghɨn gumazir kam mɨgei, “Kɨ Ikiavɨra Itir God, Israelian Godɨn Bar Zuezim, kɨ uan ingangarim damuasa nɨ amɨsefe. Egha kɨ uan akar dɨkɨrɨziba abɨzir puvatɨ. Kamaghɨn amizɨ, atriviba nɨn gan, egh mɨtivigh nɨn ziam fam. Eghtɨ gumazir aruaba nguazim girɨgh fuaghɨva, ziar ekiam, nɨ danɨngam.”