Aisaia 48:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ A kamaghɨn ia mɨgei, “Bar fomɨra, kɨ gɨn otivamin bizibar akam akuni. Egha kɨ zuamɨra dagh amizɨ, da otifi.

Aisaia 48:3 ပူးပေါင်းရင်းမြစ်များ

Aisaia 42:9

Ia ganigh! Bizir kɨ fomɨra otivasa mɨkemeziba, da datɨrɨghɨn otivigha gɨfa. Kɨ bizir igharazir tɨghar otivamibar gun ia mɨkɨmam. Eghtɨ ia dagh foghvɨra ikɨtɨ, da gɨn otivam.”

Aisaia 41:22

“Ia faragha, bizir gɨn otivamibar gun mɨkeme. Egh datɨrɨghɨn akar kaba kot geghan, egh bizir kabar mɨngariba abɨgh e mɨkɨmtɨ, e deraghvɨra da tuisɨgh dagh fofogh suam, da guizbangɨra otoz, ti puvatɨ. Egh ia gɨn otivamin bizibar gun mɨkɨm.

Josua 21:45

Ikiavɨra Itir God, fomɨra akar dɨkɨrɨziba Israelia ganɨngi, egha a deravɨra dagh amizɨ, da guizbangɨram otifi.

Aisaia 45:21

Ia gumazamiziba bar moghɨra izɨ kotɨn aven uari bagh mɨkɨm. Ia fofoghsɨ uarira uarir azangsɨgh suam, godɨn manamra a fomɨra bizir datɨrɨghɨn otivasa mɨkemeziba, da datɨrɨghɨn guizbangɨrama otifi? Kɨrara, kɨ God, kɨ bizir kabav kemezɨ, da datɨrɨghɨn otifi. Ezɨ ua godba puvatɨ. Kɨ Godɨn arazir aghuibaram amim, egha kɨ ian Akurvazir Gumazim. Ezɨ ua godba puvatɨ, kɨrara kɨ God.

Aisaia 43:9

Kantrin Igharazibar Gumazamiziba uari akuvagha iza kotɨn damazimɨn tuivigha gɨfa. Men tinara gɨn otivamin bizibar gun mɨkɨmam? Ezɨ men tongɨn gumazir manam faragha bizibar gun mɨkemezɨ, da datɨrɨghɨn otifi? Tinara kotɨn aven tugh suam, an aser mam barazima, a bizir gɨn otivamibar gun mɨkeme, ezɨ da datɨrɨghɨn guizbangɨram otifi? Bar puvatɨ.”

Aisaia 37:7

Ia oragh. Kɨ uan Duamɨn gavgavimɨn, Asirian atrivim damightɨ an okam nɨghnɨgham. Egh a mɨgɨrɨgɨar kɨnim baregh pura uamategh arɨ uan kantrin mangɨgham. An Asirian kantrin ikɨvɨra ikɨtɨ, kɨ gumazitabar amightɨ, me a mɨsueghtɨ an aremegham.’ ”

Aisaia 37:29

Nɨn anɨngagharir nan itir akaba ko, nɨ uabɨra uabɨ feir arazim, kɨ bar dagh fo. Ezɨ kɨ datɨrɨghɨn akezim isɨ nɨn atinim darugh, egh ainɨn otevir me hosɨn akam gazuim, isɨ nɨn akam darugham. Egh nɨ amɨkɨrɨgh, tuavir nɨ uan nguibamɨn ikegha izezim uam an mangɨgham.’ ”

Aisaia 29:5

Ezɨ apanir iza nɨ mɨsozir kaba, me nguazir mɨnemniamɨn mɨn bar avɨraseme. Men gumazir ekiar kuraba bar avɨrasemegham, mati me witɨn ovɨzibar amasa, dav sozima, dar mɨseviba pura tintinibar mɨzi moghɨn, me bar avɨrasemegham. Ezɨ bar zuamɨra,

Aisaia 30:13

Kamaghɨn amizɨ, ia arazir kuram gamigha gɨfa, ezɨ arazir kurar kam bar ia gasɨghasigham, mati bɨbɨzir muziarim dɨvazir ruarimɨn ghuamɨn ikia bar ekefi, egha kɨran oveghangɨn dɨpɨrasava ami. Egh dɨvazim dɨpɨrigh zuamɨra irɨgham.

Aisaia 41:27

Kɨ uabɨ faraghavɨra, bizir kaba otivasa kɨ dar gun Saion mɨkeme. Ezɨ datɨrɨghɨn ia garima, ada otivigha gɨfa. Kɨ datɨrɨghɨn Jerusalemɨn akar aghuim akunasa abuir gumazir mam amadagha gɨfa.