Aisaia 48:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ “Ia nan boroghɨra izɨ nan akam baragh! Fomɨra iza datɨrɨghɨn, kɨ mogomer danganitamɨn ikia otivamin bizibar gun mɨgeir puvatɨ. Bar puvatɨ. Bizir kaba tɨghar otivamin dughiamɨn, kɨ faragha ikia dar garima da otifi.” Kamaghɨn amizɨ, Ikiavɨra Itir God, nan Ekiam, uan Duam na ganɨga na amadazɨma, kɨ an Duamɨn gavgavim sara izi.

Aisaia 48:16 ပူးပေါင်းရင်းမြစ်များ

Jon Osirizir Akar Aghuim 18:20

Ezɨ Iesus kamaghɨn an akam ikaragha ghaze, “Kɨ gumazamiziba azenara me mɨkeme. Egha kɨ zurara God ko mɨgeir dɨpeniba ko Godɨn Dɨpenimɨn aven gumazamizibar sure gami. Kar danganir Judaba bar uari akuviba. Kɨ modogha akatam mɨkemezir puvatɨ.

Jon Osirizir Akar Aghuim 3:34

Gumazir God amadazir kam, God uan Duam isa bar a ganɨngi. Kamaghɨn amizɨ, a Godɨn akam akuri.

Aisaia 45:19

Kɨ saghon ghugha mɨtatemɨn modogha uan akam akurir puvatɨ. Kɨ uan gumazamiziba, Jekopɨn ovavir boriba, kɨ kamaghɨn me mɨkemezir puvatɨ, ‘Ia pura mangɨ gumazamiziba puvatɨzir danganibar na buri.’ Kamaghɨn puvatɨ. Kɨ Ikiavɨra Itir God, kɨ guizɨn akam akuri, ezɨ nan akaba da guizbangɨra zui.”

Luk Osirizir Akar Aghuim 4:18

“God Akar Aghuim onganarazibagh amir gumazamizibav kɨnasa na mɨsevegha, borem nan dapanim ginge, kamaghɨn amizɨ, Ekiamɨn Duam nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir damazir kuraba ua ganam. Eghtɨ kalabusɨn itir gumazamiziba ko gumazir osɨmtɨzibar apengan itiba, kɨ me bagh kalabusɨn tiar akam kuightɨ, me kalabus ategh fɨrighɨregh mangam. Kɨ kamaghɨn me mɨkɨmam, Ekiam gumazamizibagh ifongezir dughiam, an otogha gɨfa.”

Aisaia 41:1

God kamaghɨn mɨgei: Ia kantrin roghɨra itimɨn gumazamiziba ko, saghon itir arighatɨzibar gumazamiziba, ia uan akaba dukumigh nan akam baragh. Ia bar deravɨra nɨghnigh kotɨn izɨ uan akaba tuisɨghamin dughiamɨn dav kɨm. E uari akuvagh akaba tuisɨgh dar gan egh fogh suam, tinan akam a guizbangɨra.

Aisaia 34:1

Ia nguazir kamɨn itir kantriba bar dar gumazamiziba, ia izɨ. Ia ikɨziba bar izɨ uari akuvagh akar kam baragh. Nguazim ko an itir biziba bar moghɨra, ia uaghan kuariba arigh deraghvɨram oragh.

Aisaia 43:13

Datɨrɨghɨn ko dughiabar zurara, kɨ guizɨn Godɨn ikiam. Kɨ gumazamizitabar suiraghtɨ me nan agharimɨn ikɨtɨ, tina nan gavgavim iriagh, nan agharimɨn me batuegham? Bar puvatɨgham. Egh kɨ ingangaritam damutɨ, gumazitam nan ingangarim tɨvaghan kogham.”

Aisaia 57:3

Ekiam kamaghɨn mɨgei, “Ia gumazamizir arazir kurar guar avɨribagh amiba, ia kukunir amizibar boriba, ia gumazamizir poroghamiba uari bakɨava uari isava akuir arazim gamir gumazamizibar boriba, ia tuavimɨn amizibar boriba, ia kagh izɨ.