Aisaia 47:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ezɨ noka, arazir kamning zuamɨra nɨ bativam. Dughiar kamra nɨn pam aremegham, eghtɨ nɨn boriba uaghan bar moghɨram arɨghiregham. Nɨ ti kamaghɨn nɨghnɨsi, nɨ imeziba ko akavsiar gavgavir avɨriba iti, ezɨ bizir kaba nɨn akuraghan kogham. Bar puvatɨgham. Nɨ bar dughiar kuram batogham.

Aisaia 47:9 ပူးပေါင်းရင်းမြစ်များ

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Onger Akaba 73:19

Me bar moghɨra ikuvamin arazir kam, a bar zuamɨra me batogham. Eghtɨ me ovengamin arazir kam bar moghɨra men ikuvigham.

Nahum 3:4

O Ninive, nɨ mati tuavimɨn amizim, kamaghɨn amizɨ, God ivezir kuram nɨ ganɨdi. Nɨn ganganim bar derazɨ, nɨ kantrin igharazibagh etui, mati tuavimɨn amizim akavsiaba ko, imezibagh amua gumazibagh etui. Kantrin Igharazibar Gumazamiziba nɨ bagha ghua tuavimɨn amizimɨn mɨn nɨ ko, arazir kurabagh ami. Egha me nɨn kalabuziar gumazamizibar mɨn iti.

Akar Mogomem 22:15

Eghtɨ gumazamizir arazir bar kurar mɨzɨrɨzibagh amiba ko, akuzibagh amua egha imezibagh amir gumaziba ko, gumazamizir uari bakɨa akuiba ko, gumazamizibav sozi me ariaghirir gumaziba ko, gumazamizir asebar ziaba feba ko, gumazamizir bar ifavarir arazim gifongegha a gamiba, gumazamizir kaba bar moghɨra Godɨn nguibar kamɨn azenan ikiam.

Akar Mogomem 21:8

Eghtɨ gumazamizir atiatia ua gɨrakɨrangɨn zuiba ko, nɨghnɨzir gavgavim ataghiziba ko, gumazamizir arazir bar kurar mɨzɨrɨzibagh amiba ko, gumazir gumazamizibav sozi me ariaghɨriba ko, gumazamiziba uari ko akua amir araziba ko, akuzibagh amua egha imezibagh amir gumaziba ko, asebar ziaba feba ko, gumazamizir ifavariba, me bar uan nguibamɨn mangam. Kar danganir avim ko salfan dagɨar avir bar puvɨra isim. Kar ovever namba 2.”

Daniel 5:7

Ezɨ a kukunir gumaziba, ko imezibagh amir gumaziba, ko akavsiar ifavaribagh amir gumaziba, tav a bagh me inigh izasa a pamten dei. Me izegha gɨvazɨma, atrivim kamaghɨn me mɨgei, “Gumazitam akar kam dɨponegh an mɨngarimɨn gun na mɨkemeghtɨ, kɨ atrivimɨn korotiar aghevim a danightɨ aneghuam. Egh kɨ golɨn sen an fɨrimɨn daghtɨ, a ziar ekiam iniam. Eghtɨ kɨ a damightɨ a namba 3ɨn gavmanɨn gumazimɨn ikiam.”

Daniel 4:7

Ezɨ irebar mɨngaribagh fogha dar gun mɨgeir gumaziba ko, kukunir gumaziba ko, imezibagh amir gumaziba ko, akavsiabagh amir gumaziba, me bar ize. Kɨ irebamɨn gun me mɨgeima, me irebamɨn mɨngarimɨn gun na mɨkɨman ibura.

Daniel 2:2

Kamaghɨn amizɨ, irebar mɨngaribagh fogha dar gun mɨgeir gumaziba ko, kukunir gumaziba ko, imezibagh amir gumaziba ko, akavsiar ifavaribagh amir gumaziba, me bagha akam amada. Eghtɨ me izɨ an irebamɨn mɨngarimɨn gun mɨkɨmam. Egha me iza atrivimɨn guamɨn tuivizɨ,

Jeremaia 51:29

Ikiavɨra Itir God Babilon gasɨghasɨghasa mɨkemegha gɨfa, egh a damightɨ a danganir kɨnimɨn otogham, eghtɨ gumazitam ua an ikian kogham. Eghtɨ Ikiavɨra Itir God ingangarir kam damuamin dughiamɨn, mɨkɨmkɨzir dafam nguazim bativɨra ikiam, mati gumazim mɨzazir bar kuram isima mɨkarzim a gasi.

Rutɨn Eghaghanim 1:20

Ezɨ Naomi ghaze, “Ia ‘Naomi,’ na darɨghan markɨ. Ziar kam kamakɨn, amizir navir aghuim itim. Puvatɨ. Godɨn Gavgaviba Bar Itim navir osɨmtɨzim na ganɨngi. Ezɨ ia ‘Mara,’ na darɨgh, ziar kam kamakɨn, amizir navir kuram itim, mati dagher mɨsozim pamten an akam mɨsosi.

Aisaia 13:16

Eghtɨ apaniba, borir iririviba, men amebabar aghariba da me amɨkɨva, eghtɨ amebaba ko afeziaba ganvɨra ikɨtɨ, me boriba isɨ dagɨaba itir nguazim gapɨztɨ, me arɨmɨghiram. Eghtɨ apaniba men dɨpenibagh asɨghasɨgh, men biziba okɨmɨva, men amuibar suigh, me abɨn arazir kurabar me damuam.

Aisaia 21:9

Egha kɨ datɨrɨghɨn gumazibar garima, gumazim karis gaperazɨ hoziar pumuning a gekuigha izi, ezɨ maba kamaghɨra aning tɨva izi.” Egha gumazir kam ua kamaghɨn mɨgei: “Babilon ikuvigha gɨfa, a ikuvigha gɨfa. Ezɨ men asebar marvir guaba nguazim giregha bar mɨsaraghire.”

Aisaia 47:11

Dughiar bar kuram nɨ batogham, eghtɨ nɨ akavsiamɨn gavgavimɨn a gitavɨraghan kogham. Osɨmtɨzir dafam zuamɨra nɨ batogham, eghtɨ nɨ an tuavim apɨramin bizitam damuan kogham. Bizir bar kurar nɨ nɨghnɨzi da nɨ bativan koghamiba, da nɨ batogh bar nɨ gasɨghasigham.

Jeremaia 15:9

Ezɨ amizir borir 7pla batezim, an boriba bar arɨmɨghireghtɨ, amebar kamɨn navir averiam bar ikuvigh, mati mɨnemɨn mɨn isikuam, eghtɨ an kuarmɨzim mati asɨzir agharim an guraghtɨ, an angam aremeghsɨ damuam. Amebar kamɨn dughiar aghuim, ua dughiar bar kuramɨn otoghtɨ, a bar aghumsigham. Mati an aruer arɨzimɨn itima, aruem zuamɨra iraghugha gɨfa. Kamaghɨra, Judan ikiavɨra itir varazira, kɨ apaniba amangightɨ, me izɨ me mɨsueghtɨ me arɨmɨghiregham. Kɨ Ikiavɨra Itir God, kɨ mɨkemegha gɨfa.”

Daniel 5:30

Ezɨ dɨmagarir kamra, Midian kantrin gumaziba iza Babilonɨn Atrivim Belsasarɨn mɨsoghezɨ ana areme.