Aisaia 47:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Israelian Godɨn Bar Zuezim, a en Akurvazir Gumazim. An ziam, Ikiavɨra Itir Godɨn Gavgaviba Bar Itim.

Aisaia 47:4 ပူးပေါင်းရင်းမြစ်များ

Aisaia 44:6

Ikiavɨra Itir God, a Israelian atrivim, a men Akurvazir Gumazim, a Ikiavɨra Itir Godɨn Gavgaviba Bar Itim, A kamaghɨn mɨgei, “Kɨ Ikiavɨra Itir God, kɨrara kɨ bar faraghavɨra ikia, egh bar gɨn ikɨva abuan ikɨvɨra ikiam. Ezɨ godɨn tam ua itir puvatɨ. Kɨrara, kɨ God.

Aisaia 49:26

Egh kɨ nɨn apanibar amutɨ, me uarira uariv sogh uarigh asɨghasigham, mati gumazim uan namakabar tuzibar amam. Me pamtem uarira uariv sogham, mati gumazim uan namakabar ghuziba apa bar ongani. Eghtɨ nguazir kamɨn gumazamiziba bar bizir kɨ amizir kamɨn ganigh, me kamaghɨn fogh suam, Kɨ uabɨra, kɨ Ikiavɨra Itir God. Kɨ gumazir uamategha uan gumazamiziba isim. Kɨ ian Akurvazir Gumazim. Kɨ Jekopɨn adarazir Godɨn Gavgaviba Bar Itim.”

Aisaia 43:14

Ikiavɨra Itir God, a Israelian Godɨn Bar Zuezim, ian Akurvazir Gumazim, a ghaze, “Kɨ ian akurvaghsɨ mɨdorozir gumaziba amadaghtɨ, me izɨ Babilonia ko mɨsogham. Eghtɨ Babilonia arɨ mangɨ, uan kurir me bar akongezibar mavanegh, uan nguibam ategh bar arɨ mangegham.

Aisaia 41:14

Ikiavɨra Itir God ghaze: “O Israelia, ia avɨrasemezir puvatɨgha gavgaviba puvatɨ. Kɨ ian akurvagham. Kɨ Israelian Godɨn Bar Zuezim, ian Akurvazir Gumazim.

Jeremaia 31:11

Kɨ Ikiavɨra Itir God, kɨ apanir gavgavibar agharimɨn, ua Jekopɨn gumazamiziba, inigham.

Aisaia 54:5

“Gumazir nɨn ingarizim, a nɨn pamɨn mɨn iti. An ziam kara, Ikiavɨra Itir Godɨn Gavgaviba Bar Itim, a Israelian Godɨn Bar Zuezim, a nɨn Akurvazir Gumazim, a nguaziba bar dagh ativagha dar garir God.

Aisaia 43:3

Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim. Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ ian danganim inisɨ apanibar agharim datɨgh ia givezeghtɨ, ia fɨrighɨrɨgham.

Onger Akaba 19:14

O Ikiavɨra Itir God, nan ifongiam kamakɨn, nɨ nan mɨgɨrɨgɨaba ko nan navir averiamɨn aven itir nɨghnɨzibagh fogh dagh ifuegham. O Ikiavɨra Itir God, nɨ nan dagɨar ekiamɨn mɨn itima, kɨ nɨn aven uabɨ modi. Nɨ nan Akurvazir Gumazimra!

Amos 4:13

Ia oragh! Godɨn mɨghsɨabar ingarizim, an amɨnibagh amima, da otiva ivai. Egha a uan nɨghnɨziba isa gumazamizibar akakazima, me dagh fo. Anarɨra amɨnirbɨrim damightɨ an angazangarim otoghamin gavgavim iti. A mɨghsɨabagh isɨn arua nguazir kamɨn danganiba bar dagh ativagha dar gari. An ziam, Ikiavɨra Itir God, a Godɨn Gavgaviba Bar Itim.

Aisaia 43:15

Kɨ Ikiavɨra Itir God, Israelian Godɨn Bar Zuezim. Kɨ ian ingarigha ia gamizɨ, ia gumazamizir ikɨzir vamɨran iti, ezɨ kɨ ian atrivimɨn iti.”

Aisaia 51:15

“Kɨ Ikiavɨra Itir God, ian Ekiam. Kɨ ongarim gamima, ongarim dɨpɨra iza nɨgɨnir dafam gami. Nan ziamra kara, Ikiavɨra Itir Godɨn Gavgaviba Bar Itim.