Aisaia 45:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ “Nan ingangarir gumazim Jekop, an adarazi Israelia, me gumazamizir kɨ ua baghavɨra mɨseveziba, kɨ men akurvaghasa nɨn diazɨ nɨ ize. Nɨ guizbangɨra na gɨfozir puvatɨ, ezɨ kɨ nɨn ziam dɨborogha nɨn diagha ziar ekiam nɨ ganɨngi.

Aisaia 45:4 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 11:7

Ezɨ manmakɨn? Israelia Godɨn damazimɨn deraghamin bizim bagha pamtem ingara, egha a inizir puvatɨ. Ezɨ Israelian avɨrimɨn tongɨn itir God mɨsevezir varazira, merara a ini. Israelɨn igharaz darasi, naviba gavgavigha Godɨn dɨmdiamɨn aghua.

Aposel 17:23

Kɨ arua bar deravɨra bizir ia ziaba febar gani, egha kɨ uaghan ofa gamir dakozir mamɨn gari ziar kam an iti: E fozir puvatɨzir godɨn ofa gamir dakozim. Ezɨ datɨrɨghɨn kɨ, godɨn ia fozir puvatɨgha gɨn zuim, kɨ an akam ia mɨkɨmasa.

Aisaia 44:1

Ikiavɨra Itir God ghaze, “Ia Israelia, ia Jekopɨn anabamɨn adarasi, ia oragh! Kɨ uabɨ ia amɨsevezɨ, ia nan ingangarir gumazamizibar iti.

Akɨnafarir Pol Romɨn Nguibar Ekiamɨn Itir Sios Bagha Osirizim 9:6

Kɨ kamaghɨn mɨgeir puvatɨ, Godɨn akar dɨkɨrɨzim pura ghua otozir pu. Puvatɨ. E fo, gumazamizir maba Israelɨn anabamɨn aven ikia, guizɨn Israelia puvatɨ.

Mak Osirizir Akar Aghuim 13:20

Ekiam uan gumazamizir mɨsevezibagh nɨghnigha, dughiar kurar kamɨn dughiar maba aghorezɨ da mong otefe. A ti da aghorezir puvatɨzɨ gumazamiziba bar ariaghireghai.

Matyu 24:22

Ekiam uan gumazamizir mɨsevezibagh nɨghnigha, dughiar kurar kamɨn dughiar maba aghorezɨ, da mong otefe. A ti dar aghorezir puvatɨzɨ, gumazamiziba bar ariaghireghai.

Aisaia 44:28

Kɨ ghaze, kɨrara atrivimɨn ikiasa Sairus amɨsefe. Eghtɨ a nan gumazamiziba deraghvɨra men ganam, mati sipsipbagh eghuvir gumazim uan sipsipba deravɨra me geghufi. Eghtɨ a ingangarir kɨ ifongezibar amuam. A mɨkɨmtɨ, me Jerusalem uam an ingarɨva, nan Dɨpenim uam anesam.”

Aisaia 43:14

Ikiavɨra Itir God, a Israelian Godɨn Bar Zuezim, ian Akurvazir Gumazim, a ghaze, “Kɨ ian akurvaghsɨ mɨdorozir gumaziba amadaghtɨ, me izɨ Babilonia ko mɨsogham. Eghtɨ Babilonia arɨ mangɨ, uan kurir me bar akongezibar mavanegh, uan nguibam ategh bar arɨ mangegham.

1 Tesalonika 4:5

Ia uan mɨkarzimɨn ifongiabara, gɨn mangan markɨ, mati God gɨfozir puvatɨzir gumazamiziba amir araziba.

Efesus 2:12

Egha dughiar kam ia Kraisɨn saghon iti. Ia Israelɨn gumazamizibar azenan iti, kamaghɨn ia nguibar igharazibar gumazamizibar mɨn iti. God uan adarazi ko akam akɨrigha, uan gumazamiziba Akar Dɨkɨrɨzir Gavgavim me ganɨngi. Ezɨ ia Akar Dɨkɨrɨzir Gavgavir kamɨn aven itir puvatɨ. Ia nguazir kamɨn ikiava God gɨfozir puvatɨ, egha bizir aghuir mɨzuai iti tam itir puvatɨ.

Onger Akaba 136:22

A nguazir kam isa uan ingangarir gumazim Israel ganɨngizɨ, nguazir kam men nguazimra mɨn iti. A zurara en apangkuvigha mamaghɨra iti.

Aisaia 43:1

Ia Israelia, ia Jekopɨn anabamɨn adarasi, Ikiavɨra Itir God ian ingarigha ia gamizɨ, ia gumazamizir ikɨzir vamɨran otozɨ, a kamaghɨn ia mɨgei: “Kɨ ian akuragha gɨvagha, ian ziaba ia garɨki, kɨ ua baghavɨra ia amɨsefe. Kamaghɨn amizɨ, ia atiatingan markɨ.