Aisaia 45:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Kɨ dagɨaba ko bizir aghuir nguibar kamɨn gumazamiziba danganir mogomebar atɨziba, inigh nɨ danɨngam. Eghtɨ nɨ kamaghɨn fogham, kɨ Ikiavɨra Itir God, Israelian God, kɨ uabɨ nɨn ziam dɨborogha, ua bagha nɨn dia.

Aisaia 45:3 ပူးပေါင်းရင်းမြစ်များ

Aisaia 48:15

Gumazir kam izasa, kɨ uabɨ ia mɨkeme. Kɨ uabɨ izasa an dia. Ezɨ kɨ uabɨ a inigha iza a gamima, a deravɨra ingara an ingarimɨn daghem oto.

Aisaia 43:1

Ia Israelia, ia Jekopɨn anabamɨn adarasi, Ikiavɨra Itir God ian ingarigha ia gamizɨ, ia gumazamizir ikɨzir vamɨran otozɨ, a kamaghɨn ia mɨgei: “Kɨ ian akuragha gɨvagha, ian ziaba ia garɨki, kɨ ua baghavɨra ia amɨsefe. Kamaghɨn amizɨ, ia atiatingan markɨ.

Esra 1:2

Kar Persian Atrivim Sairusɨn mɨgɨrɨgɨam, “Ikiavɨra Itir God, a Godɨn uan Nguibamɨn itim, a nguazimɨn itir kantriba bar na ganɨngizɨ, kɨ dagh atifa. Egha Judan Distrighɨn aven Jerusalemɨn nguibar ekiamɨn, uan Dɨpenimɨn ingarasa na amɨsefe.

Ua Me Ini 33:12

Moses kamaghɨn Ikiavɨra Itir God mɨgei, “Guizbangɨra, nɨ gumazamizir kaba inigh nguazir kamɨn mangasa na mɨkeme. Egha nɨ gumazir nan gɨn mangɨ nan akurvaghamin tamɨn gun na mɨkemezir puvatɨ. Nɨ ghaze, ‘Kɨ bar deragha nɨ gɨfogha, bar nɨ gifonge.’

Ua Me Ini 33:17

Ezɨ Ikiavɨra Itir God kamaghɨn Moses mɨgei, “Kɨ deragha nɨ gɨfogha bar nɨ gifonge. Kamaghɨn, kɨ nɨ mɨkemezɨ moghɨra damuam.”

Jeremaia 50:37

Babilonɨn hoziaba ko karisba bar ikuvigham. Eghtɨ kantrin igharazibar mɨdorozir gumazir Babilonɨn akurvaziba, me bar ikuvigham. Me amizibar mɨn otivigh gavgaviba puvatɨgham. Babilonian bizir bar aghuiba ikuvigham. Apaniba izɨ bizir kaba inigh, ada ater mangegham.

Jeremaia 51:53

Eghtɨ Babilon ti overiamɨn ghuanabogh, egh mɨsoghamin danganir gavgavimɨn ingarightɨ, kɨ gumaziba ameghtɨ, me izɨ a gasɨghasɨgham. Kɨ Ikiavɨra Itir God, kɨ mɨkemegha gɨfa.”

Aisaia 49:1

Ia saghon itir arighatɨzibar gumazamiziba ko, saghon itir kantriba, ia nan akam baragh. Nan amebam tɨghar na batamin dughiamɨn, Ikiavɨra Itir God, na amɨsevegha gɨvagha ziam na gatɨ.

Jeremaia 41:8

Ezɨ gumazir kabar tongɨn itir 10plan gumaziba kamaghɨn mɨgei, “Nɨ en mɨsueghtɨ e aremeghan markɨ. E tuzimɨn dagher bar avɨriba mongezɨ da iti, witba ko, baliba ko, olivɨn boreba ko, haniba. E da nɨ danɨngam.” Ezɨ Ismael men akam baregha, 10plan gumazir kabav soghezɨ me ariaghirezir puvatɨ.

Aisaia 41:23

Egh ia gɨn izamin arazibar gun e mɨkɨm, eghtɨ bizir kaba otivamin dughiamɨn, e kamaghɨn fogh suam, ia guizɨn godba, o puvatɨ. Ia bizir aghuitam, o bizir kuratam damutɨ, e ian gavgaviba deraghvɨra dar ganam.

Jeremaia 50:26

Ia apanir saghon danganiba bar adar itiba, ia bar izɨ Babilonia mɨsogh. Ia dagheba arɨzir dɨpeniba bar adagh asɨghasɨkigh. Egh Babilonɨn biziba bar ada inigh, tintinibar dar pozibav kɨnigh, mati gumaziba raiziaba aghora dar pozibav kɨni. Ia bizitam ko gumazitam ateghtɨ a ikian markɨ.

Jeremaia 51:13

O Babilon, nɨ dɨpar avɨriba ko bizir aghuir bar avɨriba nɨn nguibamɨn iti. Ezɨ nɨ ikuvamin dughiam a roghɨra izegha gɨfa. Nɨn ikɨrɨmɨrim mati tretɨn mam, me datɨrɨghɨn aneghorasava ami.

2 Eghaghaniba 6:17

O Israelian God, kɨ kamaghsua, nan afeziam Devit, a nɨn ingangarir gumazim, nɨ a ko dɨkɨrɨzir akar kam damightɨ an daghem guizɨn otogh.