Aisaia 45:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Kɨ nɨn faragh mangɨ danganir fɨghtɨzibar amightɨ, da magɨrɨ voroghɨra ikiam. Egh dɨvazir gavgavimɨn tiar akar ekiar me brasɨn ingariziba akararigham. Egh ainɨn igugunir ekiar me tiar akaba gavgavim dar anɨngasa atɨziba dar ghoregham.

Aisaia 45:2 ပူးပေါင်းရင်းမြစ်များ

Aisaia 40:4

Egh danganir zariba apemɨva, mɨghsɨaba ko akɨribagh kutɨ da magɨrɨ. Egh tuavir ikɨzɨrɨziba, ia dar ingarightɨ, da voroghɨra mɨneghirɨgh. Egh tuavir kuraba, ia deraghvɨra da akɨr.

Luk Osirizir Akar Aghuim 3:5

Danganir zariba apemɨva, mɨghsɨaba ko akɨribagh kutɨ da magɨrɨ. Egh tuavir ikɨzɨrɨziba, ia dar ingarightɨ, da voroghɨra mɨneghirɨgh. Egh tuavir kuraba, ia deraghvɨra da akɨr.

Aisaia 42:16

Kɨ uan gumazamiziba inigh tuavir me fomɨrama aruizir puvatɨzimɨn me atɨghtɨ, me an mangam. Me datɨrɨghɨn mati damaziba okavigha amɨnirbɨrimɨn iti. Eghtɨ kɨ amɨnirbɨrim me dam anedegh, angazangarim me danɨngam. Tuavir fɨghtɨzir kurar me fomɨram aruiziba, kɨ da akozeghtɨ, me tuavir voroghɨra ireghav itibar aruam. Kɨ guizbangɨra, me gɨn amadaghan kogham. Bizir kɨ damuasa mɨkemezir kaba, kɨ tam ateghan kogham. Kɨ guizɨn dar amightɨ, da otivam.

Onger Akaba 107:16

Me fo, a gumaziba brasɨn gavgavimɨn ingarizir tiaba abɨagharɨgha, kalabuziar dɨpenimɨn ain baba akaragharɨsi.

Jeremaia 51:30

Babilonɨn mɨdorozir gumaziba mɨdorozim ategh, mɨdorozir dɨpenir gavgavimɨn aven ikiam. Egh me amizibar mɨn ikɨva, gavgaviba puvatɨgham. Apaniba Babilonian dɨpenibar apongɨva, egh nguibabar dɨvazibar tiar akaba akaram.

Aposel 1:15

Dughiar kabar aven Pita nɨghnɨzir gavgavim Iesusɨn itir darazir tongɨn tu. (Men avɨrimɨn dɨbobonim 120.)

Aisaia 14:31

“Ia Filistian nguibar ekiaba ko, gumazamizir men itiba, ia bar moghɨram atiatingɨva, nɨghɨva akong puv aziva, pamtemɨn dɨm gan, mɨdorozir gumazir bar bɨzir dafam, notɨn amadaghan ikegha izi. Me izima, mati avir mɨturim men gɨrakɨrangɨn otifi. Mɨdorozir gumazir kaba, me mɨdorozir gumazir bar gavgaviba, ezɨ, men tav uabɨra gɨn izir puvatɨ, me bar moghɨra uari inigha izi.”

Aisaia 24:12

Nguibar ekiam bar ikufi, ezɨ an dɨvazir gavgavimɨn itir tiar akar ekiam irɨgha bar akaraghire.

Aisaia 45:13

Kɨrara Atrivim Sairus gamizɨ, a nan ingangarir aghuibagh ami. Tuavir a mangamiba, kɨ dar kɨrightɨ, a nan nguibam Jerusalem uam an ingaram. Egh a nan gumazamiziba kalabusɨn ua me fɨrigh, me ateghtɨ me mangam. Gumazir a givezamiba puvatɨgham, a pura ingaram. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Aisaia 48:15

Gumazir kam izasa, kɨ uabɨ ia mɨkeme. Kɨ uabɨ izasa an dia. Ezɨ kɨ uabɨ a inigha iza a gamima, a deravɨra ingara an ingarimɨn daghem oto.

Jeremaia 28:13

“Nɨ mangɨ akar kamɨn gun Hanania mɨkemegh. Me tememɨn ingarizir ter ararir kam nɨ anepɨrigha gɨfa. Ezɨ nɨ ainɨn igiatamɨn ingarigh, egh ter ararir nɨ dɨpɨrizir kamɨn danganim datɨgh.

Jeremaia 51:58

Kɨ Ikiavɨra Itir Godɨn Gavgaviba Bar Itim, kɨ ghaze: Apaniba Babilonɨn kantrin ekiam avɨnizir dɨvazir gavgavim tintinibar an akararightɨ, an dɨvazir otevitam ikian markɨ. Egh an tiar akar ekiabar apongegham. Bizir kam kamakɨn. Kantriba bar dar gumazamiziba pura ingari. Eghtɨ bizir me ingariziba, da bar isigham.”

Daniel 5:28

Ezɨ akar kamɨn mɨngarim, ‘Abɨkigh,’ a kamakɨn, God nɨn kantri abɨghizɨ, an vuer mam Midian kantrin ghu, ezɨ an vuer mam Persian kantrin ghu.”

Nahum 3:13

Ian mɨdorozir gumaziba mati amiziba, kamaghɨn amizɨ, me apanibav sogh, me batueghan kogham. Ian nguibar ekiamɨn tiar akar ekiar, gavgaviba apazir igugunir gavgaviba, avim dar isigham. Eghtɨ nguibar ekiamɨn tiar akam bar kuighirɨghtɨ, apaniba puram an aven izegham.

Aisaia 13:2

A kamaghɨn mɨgei: “Nɨ nan nir avɨzir pɨn itim isɨ ababanimɨn mɨn temeba puvatɨzir mɨghsɨar mamɨn a kuasagh, eghtɨ mɨdorozir gumaziba an ganigh izɨ uari akuvagh ikiam. Nɨ pamtemɨn men dɨmtɨ, me zuamɨra izɨ. Eghtɨ nɨ uan dafarim ghufegh, Babilonɨn itir gumazir aruar uan ziaba feba, tiar akar ekiabar amadaghan men akagh, egh me amadaghtɨ, me mangɨ me ko mɨsogh.

Daniel 8:4

Ezɨ kɨ sipsipɨn apurir kamɨn garima, ana aviragha ivegha ghua aruem uaghiri naghɨn, ko not ko sautɨn ghu. Eghtɨ asɨzitam an tɨvaghan kogham. Eghtɨ tav an gavgavimɨn arɨmangɨghan kogham. A biziba uan ifongiamɨn dagh amua egha bar gavgavigha uan ziam fe.