Aisaia 41:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ ia Israelia, ia Jekopɨn anabamɨn adarasi, kɨ ia amɨsevezɨ, ia nan ingangarir gumazamizibar iti. Ia nan roroam Abrahamɨn ovavir boriba.

Aisaia 41:8 ပူးပေါင်းရင်းမြစ်များ

Jems 2:23

Godɨn Akɨnafarim kamaghɨn mɨgei, “Abraham nɨghnɨzir gavgavim Godɨn itima, God an nɨghnɨzir gavgavim bagha a dɨbora ghaze, nɨ nan damazimɨn dera.” Egha God kamaghɨn a dɨbori, “Nan roroam.” Ezɨ akar kamɨn mɨngarim, God a gamizɨma me Akɨnafarimɨn an osiri, Abraham uan otarim Aisak gamizir dughiamɨn arazir kam, a bar azenan oto.

2 Eghaghaniba 20:7

O en God, nɨ fo, e Israelia nɨn roroam Abrahamɨn ovavir boriba, e nɨn gumazamizibara. Nɨ gumazamizir fomɨra nguazir kamɨn apiaziba, nɨ me batoghezɨ me are, eghtɨ nguazir kam, a en nguazimra ikɨ mamaghɨra ikiasa nɨ e ganɨngi.

Godɨn Araziba 14:2

Ikiavɨra Itir God, ian God nguazir kamɨn ikɨzibar tongɨn ia inigha ua baghavɨra ia amɨsefe. Kamaghɨn amizɨ, ia an gumazamizibara.”

Aisaia 44:21

Egha Ikiavɨra Itir God kamaghɨn mɨgei, “Ia Israelia, ia Jekopɨn anabamɨn adarasi, ia nan ingangarir gumazamizibar mɨn iti, egh ia bizir kabagh inɨrɨgh. Kɨ ian ingara ia gamizɨ, ia gumazamizir ikɨzir vamɨran otogha, nan ingangarir gumazamizibar mɨn iti. Eghtɨ kɨ ia gɨn amangan kogham.

Aisaia 29:22

Kamaghɨn amizɨ, Ikiavɨra Itir God, kar Godɨn fomɨra Abrahamɨn akurazim, a datɨrɨghɨn kamaghɨn Israelian gumazamizibav gei: “Ia Jekopɨn ovavir boriba ia uam aghumsɨghan kogh, egh ian guaba uam pɨghatomegh ganan kogham.

Onger Akaba 33:12

Kantrin tam God baghavɨra ikɨtɨ, Ikiavɨra Itir God deravɨra a damutɨ a bar akongegham. Kantrin kamɨn gumazamiziba God ua baghavɨra me ginaba.

Aisaia 43:1

Ia Israelia, ia Jekopɨn anabamɨn adarasi, Ikiavɨra Itir God ian ingarigha ia gamizɨ, ia gumazamizir ikɨzir vamɨran otozɨ, a kamaghɨn ia mɨgei: “Kɨ ian akuragha gɨvagha, ian ziaba ia garɨki, kɨ ua baghavɨra ia amɨsefe. Kamaghɨn amizɨ, ia atiatingan markɨ.

Onger Akaba 135:4

Ikiavɨra Itir God ua baghvɨra Jekop ginaba, kamaghɨn Israelia kar bar Godɨn adarazira.

Jeremaia 33:24

“Gumazamiziba ghaze: ‘Fomɨra Ikiavɨra Itir God Israelia ko Judaba me amɨsevezɨ, me a baghavɨra ikɨzir pumuningɨn iti. Ezɨ datɨrɨghɨn an akɨrim ragha me gasaragha gɨfa.’ Gumazamizir kaba akar kamagh garibav gɨa, egha me nan gumazamizibagh ifongezir puvatɨgha, ghaze, men ganganimɨn, nan gumazamizibar kantri ovegha gɨfa.

Aisaia 48:12

Ezɨ Ikiavɨra Itir God kamaghɨn mɨgei, “Ia Israelia, ia gumazamizir kɨ diaziba, ia Jekopɨn anabamɨn adarasi, ia nan akam baragh! Kɨ uabɨra kɨ God. Kɨrara, kɨ bar faraghavɨra iti, egh kɨ ikɨvɨra ikɨ mangɨ bar gɨn dughiar abuananamɨn uaghan ikiam.

Matyu 3:9

Egh ia pura uarigh nɨghnɨgh suam ‘E Abrahamɨn ovaviba.’ Kɨ ia mɨgei, God dagɨar kabara amightɨ da Abrahamɨn ovavibar mɨn otivighamin gavgavim iti.

Aisaia 63:16

O Ikiavɨra Itir God, nɨ bar guizbangɨra en Afeziam. En inazir afeziamning, Abraham ko Jekop, aning ua e ko itir puvatɨ, egha e gɨfozir puvatɨ. Ezɨ nɨrara, nɨ fomɨram en Akurvazir Gumazimɨn ikia, e geghuva deragha en gara iza datɨrɨghɨn tu.

Aisaia 49:3

Egha a kamaghɨn na mɨgei, “Israel, nɨ nan ingangarir gumazim, nɨ bangɨn, kɨ uan gavgavim ko ziar ekiam isɨ gumazamiziba bar men akagham.”

Godɨn Araziba 10:15

Ezɨ Ikiavɨra Itir God, ian inazir afeziaba, uan navir averiamɨn aven bar me gifongegha, ua bagha ikɨzir igharazibar tongɨn ia amɨsevegha, uaghan ian ovavir boriba amɨsefe. A ua baghavɨra ia ginabazɨ, ia datɨrɨghɨn an gumazamizibara.

Ofa Gami 25:42

Bizir kamɨn mɨngarim kamakɨn. Fomɨra ia Israelia, kantri Isipɨn ingangarir gumazamizir kɨnibar itima, kɨ ia inigha azenan izezɨ ia bar Isip ataki. Kamaghɨn amizɨ, ia nan ingangarir gumazamizibar mɨn otifi. Kamaghɨn, ia uan namakabagh ivezeghtɨ, me dughiabar zurara ingangarir gumazamizir kɨnibar mɨn ikian kogham. Bar markɨ.

Galesia 3:19

Ezɨ kamaghɨn manmaghsua God uan osirizir araziba Moses ganɨngi? God gumazamizibar amutɨ, me arazir kurabar mɨngarim gɨfoghasa, uan osirizir araziba anɨngi. God faragha akar dɨkɨrɨzim Abraham ganigha ghaze, nɨn ovavim gumazamiziba bar men akurvagham. Ezɨ gumazir kam zuamɨra izezir puvatɨ. Ezɨ arazir kurar kaba bagha, God gɨn uan osirizir araziba anɨngi. A kamaghɨn ifonge, an osirizir araziba ikɨ mangɨ, ovavim otoghamin dughiamɨn tugham. God uan osirizir arazir kaba isa enselbar dafarim gatɨzɨ, me da isa abuir gumazim Moses ganɨngizɨ, abuir gumazim e ganɨngi.

Onger Akaba 136:22

A nguazir kam isa uan ingangarir gumazim Israel ganɨngizɨ, nguazir kam men nguazimra mɨn iti. A zurara en apangkuvigha mamaghɨra iti.

Aisaia 14:1

Eghtɨ Ikiavɨra Itir God uamategh Jekopɨn ovavir boribar apangkuvigham. A ua bagh Israelia mɨsevegham. Egh a men aku uamategh men nguazimra mangam. Eghtɨ Kantrin Igharazibar Gumazamiziba izɨ me ko ikɨ, men gumazamizibagh avagham.

Aisaia 42:1

Ikiavɨra Itir God ghaze: Ia gan! Kar nan ingangarir gumazim, kɨ uabɨ anemɨsefe, egha kɨ bar a gifuegha, a bagha bar akonge. Egha uan Duam isa a gatɨ. Eghtɨ a nguazir kamɨn kantribar gumazamiziba guizɨn arazimɨn gɨn mangɨsɨ me tuisɨgham.

Aisaia 42:19

Ia nan ingangarir gumazamiziba, kɨ ua bagha ia amɨsefe, eghtɨ ia na baghvɨra ikɨ, nan abuir gumazibar mɨn ikɨ nan akam inigh mangam. Egha ia gumazir damazir okavɨrɨziba ko, kuarir onganibar mɨn iti, egha bar damazir ikuviziba ko kuarir onganiba, bar me gafira.

Aisaia 43:5

Kɨ ia ko iti, kamaghɨn ia atiatingan markɨ. Ian adarazi me aruem anadi naghɨn ko aruem uaghiri naghɨn iti, eghtɨ kɨ me akuvagh uamategh men aku izam.

Aisaia 43:10

Ikiavɨra Itir God ghaze, “Israelia, ia na ko ikia uan damazibar nan gara na gɨfo, egh ia kotɨn aven nan gun mɨkɨm. Ia nan ingangarir gumazamizibar otivasa, kɨ ua baghavɨra ia amɨsefe. Kɨ ghaze, ia na gɨfogh nɨghnɨzir gavgavim nan ikɨ, deragh na gɨfogh suam, kɨ bar uabɨra kɨ guizbangɨra God. Fomɨra godɨn tam nan faragha ikezir puvatɨ, egh godɨn tam uam otogh nan danganim inighan kogham.

Aisaia 45:4

“Nan ingangarir gumazim Jekop, an adarazi Israelia, me gumazamizir kɨ ua baghavɨra mɨseveziba, kɨ men akurvaghasa nɨn diazɨ nɨ ize. Nɨ guizbangɨra na gɨfozir puvatɨ, ezɨ kɨ nɨn ziam dɨborogha nɨn diagha ziar ekiam nɨ ganɨngi.

Malakai 1:2

Ikiavɨra Itir God kamaghɨn mɨgei, “Kɨ bar fomɨra ia gifueghavɨra iti.” Ezɨ ia ghaze, “Nɨ manmaghɨram e gifonge?” Ezɨ Ikiavɨra Itir God ghaze, “Ia oragh, fomɨra Jekop ko Iso, aning aveghbuamning, ezɨ kɨ Jekop gifuegha, Ison aghua.

Onger Akaba 136:21

An atrivir kabar nguazim isa uan gumazamizibagh anɨngi. A zurara en apangkuvigha mamaghɨra iti.