Aisaia 41:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Kɨ kamaghsua, gumazamiziba ganigh fogh suam, kɨ Ikiavɨra Itir God, Israelian Godɨn Bar Zuezim, kɨ uan gavgavir ekiamɨn bizir kabagh ami. Kɨ bizir kaba bar dar ingarizɨ, da otifi.”

Aisaia 41:20 ပူးပေါင်းရင်းမြစ်များ

Jopɨn Akɨnafarim 12:9

Ikiavɨra Itir God ingarizir bizir kaba bar, da an amir bizibagh fo.

Aisaia 44:23

Ikiavɨra Itir God uan ziar ekiam ko gavgavim akagha Israelian akuragha ua me ini. Kamaghɨn amizɨ, O overiam, nɨ ighiabar amu bar akongegh. Nguazimɨn aven itir biziba bar, ia uaghan tiariba akar. O mɨghsɨaba ko temer ruarimɨn itiba, ia uaghan tiariba akar.

Aisaia 43:21

Gumazamizir kaba, bar akuegh nan ziar ekiamɨn gun mɨkɨmasa, kɨ ua bagha men ingarigha me gamizɨ, me nan adarazir otifi.”

Ua Me Ini 9:16

Kɨ kamaghsua ifonge, kɨ uan gavgavim isɨ ian akagham, eghtɨ nguazir kamɨn danganiba bar, dar gumazamiziba nan ziar ekiam geghanam. Kamaghɨn amizɨ, kɨ ia ataghizɨ ia ikiavɨra iti.

2 Tesalonika 1:10

Ezɨ Dughiar God atɨzim, Ekiam ua izɨtɨma an gumazamizir nɨghnɨzir gavgavim an itiba, me an ziam fɨva, ziar ekiam a danɨng a bagh bar akuegham. Ia Godɨn akar e ian tongɨn kunizim, ia nɨghnɨzir gavgavim an iti. Kamaghɨn amizɨ, ia dughiar kamɨn uaghan me ko ikiam.

Onger Akaba 109:27

Nɨ nan apaniba kamagh men akaghtɨ, me fogh suam, nɨrara nan akuragha egha uam nan ini.

Aisaia 66:18

Ikiavɨra Itir God ghaze, “Kɨ gumazamizibar nɨghnɨziba ko arazibar ganigha fo, kar dughiar kɨ gumazamiziba bar me akuvamim. Kantriba bar dar itir gumazamiziba ko akar igharazibav mɨgeir gumazamiziba, me bar moghɨra izam. Me izɨ uari akuvaghamin dughiamɨn, me nan angazangarir ekiam ko gavgavimɨn ganam.

Dɨboboniba 23:23

Bar guizbangɨra, imeziba ko akuzir araziba, Israelian gumazamizibagh amuva avegham. Eghtɨ gɨn gumazamiziba Israelian ganɨva mɨkɨm suam, Ia God amizir bizir ekiabar gan!

Ua Me Ini 6:7

Egh kɨ ia damightɨ ia nan gumazamizibar ikɨtɨ, kɨ ian Godɨn mɨn ikiam. Egh kɨ gɨn ia damightɨ ia Isipian ingangarir arazimɨn fɨrighɨregh, dughiar kamɨn ia fogh suam, kɨ Ikiavɨra Itir God, ian God.

Aisaia 29:24

Eghtɨ gumazamizir nɨghnɨzir aghuiba itir puvatɨziba, datɨrɨghɨn nɨghnɨzir aghuiba iniam. Ezɨ gumazamizir imoba puv akaba batoziba, me nan akaba baraghsɨ bar ifuegham.”

Aisaia 40:5

Eghtɨ Ikiavɨra Itir Godɨn angazangarir gavgavim ko ziar ekiam azenim girɨghtɨ, nguazir kamɨn gumazamiziba bar moghɨram an ganam.” Kar Ikiavɨra Itir Godɨn, akatorimɨn otozir mɨgɨrɨgɨam.

Aisaia 43:15

Kɨ Ikiavɨra Itir God, Israelian Godɨn Bar Zuezim. Kɨ ian ingarigha ia gamizɨ, ia gumazamizir ikɨzir vamɨran iti, ezɨ kɨ ian atrivimɨn iti.”

Aisaia 49:23

Atriviba ko atrivir amiziba uan boribar gari moghɨn, nɨn boribar ganam. Me nɨn ziam fɨsɨ, nɨn suemningɨn boroghɨn uan teviba apɨrigh, dapaniba avigh nguazim ginivigham. Eghtɨ nɨ fogh suam, kɨ uabɨra, kɨ Ikiavɨra Itir God. Gumazamizir nɨghnɨzir gavgavim nan ikia, nan akurvazim bagha mɨzua itiba, me na mɨzuam ikɨ aghumsɨghan kogham.”

Aisaia 66:14

Kɨ ia gamizir bizir kam, ia an ganigh ian naviba bar akueghtɨ, ian mɨkarziba bar gavgavightɨ ia deravɨra ikiam. Eghtɨ gumazamiziba kamaghɨn fogh suam, Ikiavɨra Itir God uan gavgavimɨn uan ingangarir gumazamizibar akura. Egha apanibara, a men atarima, me an anɨngagharimɨn mɨzazim barasi.”

Aisaia 28:29

Ingangarir kabar fofozim ko nɨghnɨzir aghuim, bar Ikiavɨra Itir Godɨn Gavgaviba Bar Itimɨn ize. A uabɨra fofozir aghuir guar avɨriba ko nɨghnɨzir aghuim bar a gizɨfa.

Aisaia 41:4

Tinara bizir kabagh amizɨ da otifi? Kɨ Ikiavɨra Itir Godra, kɨ dagh ami. Kɨ nguazim gamizɨ an otozir dughiamɨn, kɨ zurara bizibagh amima, da nan ifongiamɨn nguazir kamɨn otifi. Kɨ Ikiavɨra Itir God, kɨ bar faraghavɨra iti. Egh kɨ ikɨvɨra ikɨ mangɨ bar gɨn dughiar abuananamɨn, uaghan ikiam.

Aisaia 66:2

Kɨ uabɨ, uan dafarimningɨn overiam ko nguazim ko biziba bar dar ingarizɨ, da otivigha iti. Nan navim kamaghɨn amir gumazamizibar iti: Gumazamizir uari abɨrava, uan arazir kuraba bagha osemegha, nan akam baregha nan atiatia nɨgha, nan apengan itiba, kɨ men gara bar me gifonge. Kɨ Ikiavɨra Itir God, kɨ mɨkemegha gɨfa.