Aisaia 41:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Kɨ fanebar amutɨ, dɨpaba mɨghsɨar temeba aghuir puvatɨzibar otiv afor dar izighiram. Egh kɨ dɨpar emɨmɨribar amutɨ, da danganir zaribar otiv monmoniba anangam. Egh kɨ dɨpar akarebar amutɨ, da danganir dakɨrtɨzibar otivam. Egh kɨ dɨpaba puvatɨzir daghuribar amutɨ, dɨpaba dar otiv dagh izɨvam.

Aisaia 41:18 ပူးပေါင်းရင်းမြစ်များ

Onger Akaba 107:35

Egha gɨn Ikiavɨra Itir God, gumazamiziba puvatɨzir danganir mɨdiariba, dɨpar akareba dagh arɨsi. Egha nguazir dɨpaba puvatɨzibar, a faneba arɨghizɨma da afora ivemari.

Aisaia 58:11

“Ezɨ kɨ Ikiavɨra Itir God, kɨ zurara deravɨra ian gara ia mangamin tuavim ian akakagh, bizir ian ifongiaba agɨvamba ia danɨngam. Ia datɨrɨghɨn mati nguazir dɨpaba puvatɨzim, a bar ikuvighav iti, eghtɨ kɨ ia damightɨ ia bar deragh gumazamizir bar gavgavibar otivigham. Egh ia bar deravɨra ikiam, mati azenir dɨpar avɨrim itim, egha mati mozir dɨpam datir puvatɨ.

Aisaia 30:25

Dughiar Ekiam mɨsevezimɨn, dughiar bar kuram ian apaniba batoghtɨma, me pura tintinibar arɨmɨghiregham, eghtɨ men dɨvazir gavgavir kaba bar ikuvigham. Eghtɨ dughiar kamɨn, dɨpaba mɨghsɨaba bar dar otiv ivemar izighirɨtɨ, ia dɨpatamɨn oteveghan kogham.

Akar Mogomem 7:17

Sipsipɨn Nguzim atrivir dabirabimɨn tongɨra ikia, egha me geghufi. Egh a me inigh nguazimɨn aven ivemarir dɨpar atuir danganimɨn mangam, kar dɨpar ikɨrɨmɨrir zurara itim anɨdim. Egh God bar men damazibar temeriba adizightɨ da mɨsigham, eghtɨ me uam azian kogham.”

Aisaia 44:3

Kɨ mati gumazim dɨpam isɨ nguazir dɨpaba puvatɨzibagh ingɨva, egh dɨpam damightɨ, a nguazir mɨdiaribar ivemaram. Kamaghɨra, kɨ uan Duam isɨ ian boribagh ingɨva, ian ovavir boriba deragh me damuam.

Akar Mogomem 22:1

Ezɨ ensel faner mam nan aka, faner kamɨn dɨpam ikɨrɨmɨrir zurara itim anɨdima, an angazangarim glasɨn mɨn taghtasi. Faner dɨpar kam God ko Sipsipɨn Nguzimɨn atrivir dabirabimɨn apengan ikegha ivemara ghua,

Sekaraia 14:8

Dughiar kamɨn, dɨpar aghuir ikɨrɨmɨrir aghuim anɨdim Jerusalemɨn ikegh ivemar mangam, eghtɨ an tam Amangsɨzim Itir Dɨpar Akaremɨn mangɨtɨma, an tam Mediterenianɨn Ongarir Ekiamɨn mangam. Dɨpar kam dughiabar ivemar mamaghɨra ikiam, an amoziba ko, aruebar dughiamɨn ivemar mamaghɨra ikiam. A bar dakeghan kogham.

Joel 3:18

Dughiar kamɨn, wainɨn azenir avɨriba otivigh mɨghsɨaba avegham, eghtɨ mɨghsɨar muziariba bar, bulmakaun avɨriba dar ikiam. Eghtɨ gɨn Judan nguazimɨn itir daghurir dakeziba, dɨpar avɨriba zurara dagh izɨvagh ivemaram. Eghtɨ dɨpatam Ikiavɨra Itir Godɨn Dɨpenimɨn ikegh azenan izɨ, emɨr ivemar Akasɨn Temeba Itir Danganir Zarimɨn mangam.

Aisaia 32:2

Gumazamiziba akurvazim bagh izɨtɨ, gumazir dapanir kaba deravɨra vaghvagh bar deravɨra men akurvagham. Gumazir dapanir kaba, gumazamizibar danganir mogomemɨn mɨn ikiam, eghtɨ dughiar amozir ekiaba ko amɨnir ekiaba izɨtɨ, me mangɨ men uari mongam. Eghtɨ me mati dɨpaba puvatɨzir danganimɨn, dɨpam ivemara an zui moghɨn ikɨ, egh mati dagɨar ekiam aruem apazagha, danganir orangtɨzimɨn mɨn iti. Aruem bar gavgavightɨ, gumazamiziba mangɨ an apazangɨn dapiagh ikɨ avughsam.

Aisaia 12:3

Mozir dɨpam, gumazir kuariba pɨriba, anepa bar akonge. Ezɨ kamaghɨra, God uan gumazamizibar akuragh ua me inightɨ, me bar akuegham.

Aisaia 48:21

Fomɨra Ikiavɨra Itir God uan gumazamizibar akua, me inigha danganir dɨpaba puvatɨzimɨn ize, ezɨ me dɨpam bangɨn ariaghirezir puvatɨ. A dɨpam gamizɨma, a dagɨamɨn oto. A dagɨam kuizɨ, dɨpam iri me anepi.

Onger Akaba 105:41

A dagɨam gamizɨ, a kuiaghirɨzɨma, dɨpam otogha ivemara ghua dɨpaba puvatɨzir danganimɨn Faner ekiamɨn mɨn oto.

Onger Akaba 46:4

Godɨn Nguibam, a Godɨn Bar Pɨn Itim ua bagh a ginaba, egha an aven iti. Ezɨ faner bar ekiar mam an torimɨn ivemarima, gumazamiziba dɨpar kam bagha bar akonge.

Onger Akaba 104:10

Nɨ nguazimɨn aven ivemarir dɨpabagh amima, da nguazir averiamɨn otivigha danganir zaribar afora, egha mɨghsɨabar tongɨn ivemara uaghiri.

Aisaia 33:21

Ikiavɨra Itir God uan gavgavim ko ziar ekiam Jerusalemɨn aven e bagh anekagham. Egh a Jerusalem damightɨ, a bar kantrin dirimɨn mɨn ikiam, an aven faner ekiaba ko daghurir dɨpar muziarir avɨravɨriba ikiam. Eghtɨ mɨdorozimɨn kurir me pul gamua zuiba ko kurir ekiaba, dɨpar kabar izan kogham.

Aisaia 35:1

Gumazamiziba puvatɨzir danganiba, ko nguazir mɨsɨngiziba, da bar akuegham. Akɨmarir aghuiba otivigh gumazamiziba puvatɨzir danganiba avaraghtɨ, da bar akongegham.

Aisaia 65:13

Kamaghɨn kɨ, Ikiavɨra Itir God, ian Ekiam, kɨ kamaghɨn mɨgei, Bar guizbangɨra, nan ingangarir gumazamiziba guizbangɨra dɨpaba ko dagher avɨriba ikiam, eghtɨ akɨrim ragha na gasi darasi, ia mɨtiriamra ikɨ, damamin dɨpaba ko dagheba puvatɨgham. Bar guizbangɨra, nan ingangarir gumazamiziba, me bar akuegh ikiam, eghtɨ ia bar aghumsigham.

Gumazir Dapaniba 15:19

Ezɨ God Lehin emɨmɨrir dɨpar mam gamizɨ, dɨpavsɨzim an anagav oto. Ezɨ a dɨpar kam amegha ua gavgavim ini. Ezɨ bizir kam bangɨn me emɨmɨrir kam kamaghɨn a dɨbori, “Gumazim Dɨpam Bagha Deir Emɨmɨrir Dɨpam.” Ezɨ Lehin emɨmɨrir dɨpar kam datɨrɨghɨn ikiavɨra iti.

Onger Akaba 126:4

O Ikiavɨra Itir God, nɨ ua deraghvɨra e damuam. E mati dɨpaba puvatɨzir danganimɨn itir faneba dɨpaba dake, nɨ amozim damightɨ a ua izɨtɨ da izevegham. Kamaghɨra, nɨ e damutɨ e izɨvagham.