Aisaia 41:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ia mɨsogha ia gasɨghasɨghava amir gumazir kaba, ia me buri men apighan kogham. Me pura nguazir kam ategh bar puvarigham.

Aisaia 41:12 ပူးပေါင်းရင်းမြစ်များ

Aisaia 17:14

Guaratɨzibar, apaniba iza nguibam korima, gumazamiziba bar atiatingi. Egha mɨzarazibar me itir puvatɨ. God, arazir kamɨn, en apanibar tuaviba apɨrima, me iza pazav e gamua, en biziba okeir puvatɨ.

Aisaia 34:12

Men gumazir aruaba ko gumazir dapaniba ua ikian kogham. Eghtɨ atrivitam ua kantrin kamɨn ganan kogham.

Aisaia 29:8

Ezɨ kantrin avɨribar mɨdorozir gumazir avɨrir kaba, Saionɨn Mɨghsɨam ko mɨsoghasa ize, egh me bar a dɨkabɨraghan kogham. Bar puvatɨgham. Mati mɨtiriam azir gumazim irebamɨn garava, an aven api, egha an osezir dughiamɨn, a uabɨ barazi, mɨtiriam an aghavɨra iti. Egha mati gumazim dɨpam amasa kuarim bar a mɨsɨngi, egha a irebamɨn aven gari, a dɨpam api. Egha, a dɨkavizir dughiamɨn, a uabɨ barazi, kuarim an pɨravɨra iti.

Aisaia 49:25

Ezɨ Ikiavɨra Itir God kamaghɨn Jerusalem mɨgei, “Kɨ guizbangɨra nɨn adarazi ko nɨn bizir aghuiba, apanir gavgaviba ko atrivir kuraba dam ada iniam. Nɨ mɨsozir gumaziba, kɨ nɨ bagh men mɨdoroziba ikarvagham, egh nɨn boribar akuragh ua me inigham.

Sefanaia 3:19

Dughiar kamra, apanir ia abɨragha paza ia gamiziba, kɨ me gasɨghasigham. Ia Israelian tintinibar kantrin igharazibar itiba, ia mati sipsipba tintinibar ghuezɨ, ian sueba ikufi. Kɨ ia inigh ua ian nguibamɨn izam. Ia datɨrɨghɨn igharaz darazir damazimɨn bar aghumsɨki, ezɨ kɨ ian aghumsɨzim agɨvagh ziar ekiam ia danɨngam. Eghtɨ nguazimɨn danganiba bar, dar gumazamiziba ian ziaba fam.