Aisaia 41:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Kɨ ian God, egha kɨ ia ko iti, kamaghɨn amizɨ, ia atiatingan markɨ. Kɨ ia damutɨ ia gavgavightɨ, kɨ ian akuragham. Kɨ bar deravɨra ian ganɨva, uan gavgavir ekiamɨn ian apaniba abɨnam.

Aisaia 41:10 ပူးပေါင်းရင်းမြစ်များ

Josua 1:9

Kɨ Ikiavɨra Itir God, nɨn God, kɨ nɨ mɨkemegha gɨfa. Kamaghɨn amizɨ, nɨ mɨtɨgh gavgavigh atiatingan markɨ. Egh nɨ managh mangam, kɨ uaghan nɨ ko mangam.”

Akɨnafarir Pol Romɨn Nguibar Ekiamɨn Itir Sios Bagha Osirizim 8:31

E bizir kabagh foghava, manmaghɨn mɨkɨmam? E fo, God e baghvɨra ikɨtɨ, tina e dɨkabɨragh e gafiragham? Bar puvatɨgham.

Filipai 4:13

Krais zurara gavgavim na ganɨdi, ezɨ an akurvazimɨn kɨ biziba bar dar amuamin gavgavim iti.

2 Korin 12:9

Ezɨ a kamaghɨn na mɨgei, “Nan apangkuvim nɨ baghavɨra iti, eghtɨ nɨ bizitamɨn oteveghan kogham. Guizbangɨra, nan gavgavim, gumazamizir gavgaviba puvatɨziba, bar me gizefi.” Ekiam kamaghɨn mɨkemezɨ, kɨ datɨrɨghɨn gumazir gavgaviba puvatɨzimɨn mɨn ikia bar akuegha iti, eghtɨ Kraisɨn gavgavim na ko ikɨ na avaragham.

Onger Akaba 27:1

Ikiavɨra Itir God, a nan angazangarim ko nan Akurvazir Gumazim. Ezɨ kɨ gumazitamɨn atiatingan kogham. Ikiavɨra Itir God, a dɨpenir gavgavimɨn mɨn na modogha na geghuva nan garima, kɨ atiatir puvatɨ.

Onger Akaba 63:8

Nan duam nɨ ko poroghav iti, ezɨ nɨn agharim deragha na avara.

2 Eghaghaniba 20:17

Ia uari mɨdorozir kamɨn mɨsoghan kogham. Puvatɨ. Ia mangɨ mɨsoghamin danganimɨn pura tuivigh ikɨ gan, eghtɨ Ikiavɨra Itir God ian akuragh mɨdorozir kam damuam. Ia Jerusalem ko Judan danganibar itir gumazamiziba, ia atiating naviba osɨman markɨ. Ia gurum mɨzaraghan mɨdorozim bagh mangɨ, eghtɨ Ikiavɨra Itir God ia ko ikiam.”

Aisaia 12:2

“Ia oragh! God nan akuragha ua na ini. Eghtɨ kɨ nɨghnɨzir gavgavim an ikɨva atiatingan kogham. Ikiavɨra Itir God, a Godra, a na gamima, kɨ gavgavigha iti. Guizbangɨra, a nan Akurvazir Gumazim, ezɨ kɨ an ziam fava onger akam gami.”

Aisaia 60:19

“Aruem ua nɨ bagh angazangarimɨn mɨn ikian kogham, eghtɨ dɨmangan, iakɨnim uam angazangarim nɨ danɨngan kogham. Kɨ Ikiavɨra Itir God, kɨ uabɨ aruem ko iakɨnimɨn mɨn, angazangarim nɨ danɨng mamaghɨra ikiam. Kɨ nɨn God, kɨ gavgavim ko angazangarir ekiamɨn mɨn nɨ gisiraghtɨ, nɨ ganganir bar aghuarim damuam.

Godɨn Araziba 20:1

Egha Moses mɨgɨa ghuavɨra ikia ghaze, “Ia uan apaniba ko mɨsogh mangɨ gantɨ men karisba ko hoziaba, ko men mɨdorozir gumaziba, ian dɨbobonim gafiraghtɨ, ia men atiatingan markɨ. Ikiavɨra Itir God, ian Godɨn Isipɨn ia inigha ian akua izezim, a ia ko iti.

Sekaraia 13:9

Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

Onger Akaba 37:24

Ikiavɨra Itir God uan dafarimɨn gumazamizir kabar suiragh men akuraghtɨ, me ua dɨkavigh tuivigham. Kamaghɨn gumazamizir kaba irɨghsɨ damuamin dughiam, me bar ireghan kogham.

Onger Akaba 29:11

Ikiavɨra Itir God uan gumazamiziba gavgavim me ganɨga, deragha me gamua dabirabir aghuim ko navir amɨrizim me ganɨdi!

Efesus 3:16

Ezɨ kɨ bizir kam bagha Godɨn azangsɨgha ghaze, God bizir aghuir an Nguibamɨn otivi taba ia danɨng, eghtɨ an Duam gavgavim ia danɨngtɨ, ian navir averiaba gavgavigham.

2 Eghaghaniba 32:8

Asirian atrivim, a gumaziba da uan gavgavim ini, ezɨ en gavgavim, a Ikiavɨra Itir God, en Godra. A e ko ikɨ en akuragh, en mɨdorozibar aven, an e bagh en apaniba abɨnam.” Gumazamiziba atrivimɨn akaba barazima, akar kaba gavgavim men navibagh anɨngi.

Sekaraia 10:12

Kɨ uan gumazamizibar amightɨ me gavgavigham. Eghtɨ me nan apengan ikɨ nan ziam fɨva, nan akabar gɨn mangam. Kɨ Ikiavɨra Itir God, kɨ mɨkemegha gɨfa.”

Aisaia 43:5

Kɨ ia ko iti, kamaghɨn ia atiatingan markɨ. Ian adarazi me aruem anadi naghɨn ko aruem uaghiri naghɨn iti, eghtɨ kɨ me akuvagh uamategh men aku izam.

Onger Akaba 46:11

Ikiavɨra Itir Godɨn Gavgaviba Bar Itim, an e ko iti. A Jekopɨn God, a en danganir mogomem. (Ighiam gamua an suiam atugha avughsegha ua ighiam gami.)

Aisaia 49:8

Egha Ikiavɨra Itir God kamaghɨn uan ingangarir gumazim mɨgei, “Kɨ uabɨ ua nɨ inigh, deragh nɨ damuasa dughiam amɨsefe. Dughiar kɨ ian akurvaghasa atɨzir kam, an otozɨ, kɨ nɨn ararem baregha nɨn akura. Egha kɨ bar deravɨra nɨ geghufi. Egh nɨ bangɨn, kɨ nguazimɨn itir gumazamiziba ko Akar Dɨkɨrɨzir Gavgavim damuam. Egh kɨ Israelɨn nguazim damightɨ, a ua deragh otogham. Eghtɨ Israelian adarazi uamateghtɨ, nɨ me bagh men nguazir datɨrɨghɨn pura itim tuiragh, ua me danɨngtɨ, me a dapiam.

Onger Akaba 37:17

E fo, Ikiavɨra Itir God gumazir kurabar gavgavim agɨvagham. Egh a gumazamizir aghuiba deragh me geghuv men ganam.

Aisaia 44:2

Kɨ Ikiavɨra Itir God, kɨ fomɨra ian ingarigha ia gamizɨ, ia ikɨzir vamɨran oto. Ia uan amebabar navir averiabar ikezɨ, me tɨghar ia batamin dughiam, kɨ ian ingarigha deravɨra ian gari. O Jesurun, ia nan gumazamizibar ikiasa kɨ fomɨra ia ginabagha gɨfa. O Jekopɨn anabamɨn gumazamiziba, ia nan ingangarir gumazir aghuibar mɨn iti. Kamaghɨn amizɨ, ia atiatingan markɨ.

Onger Akaba 144:11

Nɨ nan apanir pazavɨra na gamibar dafaribar, nan akuragh ua na inigh. Nɨ Kantrin Igharazibar Gumazamizibar dafariba da uam na inigh. Gumazamizir kaba guizbangɨra mɨgeir puvatɨ, me akar ifavaribagh ami. Me ifara uari isa pɨn uari arɨgha ghaze, me guizbangɨra mɨgei.

Onger Akaba 41:12

Nɨ nan gari, nan daroriba nɨn damazimɨn dera. Kamaghɨn amizɨ, nɨ ua na inigh nan suiraghtɨ kɨ nɨn boroghɨn ikɨ mamaghɨra ikiam.

Onger Akaba 46:7

Ikiavɨra Itir Godɨn Gavgaviba Bar Itim, an e ko iti. A Jekopɨn God, a en danganir mogomem. (Ighiam gamua an suiam atugha avughsegha ua ighiam gami.)

Aisaia 52:7

Godɨn akar aghuim inigha izir gumazamizibar darorim, a bar dera. Me mɨghsɨabar pɨn ikegha akar aghuim inigha iza Saionɨn aven iza kamaghɨn mɨgei, “Ia dabirabir aghuim ko navir amɨrizimɨn ikɨ! Bizir bar aghuiba ia bativam, God ian akurvaghtɨ ia deravɨra ikiam. Eghtɨ ia Saionɨn gumazamiziba, ian God, an atrivimɨn ikiam.” Eghtɨ gumazamiziba akam inigha izir gumazamizibar gansɨ bar akuegham.

Jenesis 15:1

Ezɨ bizir kabar gɨn, Ikiavɨra Itir God irebamɨn mɨn bizimɨn aven akam isa Abram ganɨga egha ghaze: “Abram nɨ atiatingan markɨ. Kɨ nɨn oramɨn mɨn ikiam, eghtɨ nɨ nan apazangɨn deravɨra ikiam. Eghtɨ kɨ nɨ damightɨ nɨn ziam bar pɨn ikiam.”

Onger Akaba 65:5

O God, nɨ en akurvasi. Nɨ en azangsɨziba baragha ingangarir bar ekiar aghuibagh ami. Gumazamizir nguazir kamɨn saghuiamɨn itiba, me nɨghnɨzir gavgavim nɨn iti. Men marazi uaghan ongarir bar ekiamɨn vongɨn saghon ikia, nɨghnɨzir gavgavim nɨn iti.

Luk Osirizir Akar Aghuim 1:30

Ezɨ ensel kamaghɨn a mɨgɨa ghaze, “Maria, nɨ atiatingan markɨ, God bar nɨ gifuegha nɨ ko iti.

Onger Akaba 147:12

O Jerusalemia, ia Ikiavɨra Itir Godɨn ziam fɨ! O Saionia, ia uan Godɨn ziam fɨ!

1 Eghaghaniba 12:18

Ezɨ men mav, Amasai, Godɨn Duam a gapazazɨma, a kamaghɨn Devit mɨgei, “O Jesin otarim Devit, e nɨ ko ikiasa. E nɨn adarazir ikiasa. Bar guizbangɨra, nɨn God nɨn akurvasi. Kamaghɨn amizɨ, nɨ ko nɨn akurvazir gumaziba, deravɨra ikɨ navir amɨrizim ko dabirabir aghuim ikiam.” Ezɨ, Devit me inigha uan mɨdorozir gumazibar garir gumazir dapanibar me arɨki. Ezɨ Amasai gɨn Devitɨn 30plan mɨdorozir gumazir gavgavibar gumazir dapanimɨn oto.

Luk Osirizir Akar Aghuim 1:13

Ezɨ ensel kamaghɨn a mɨgei, “Sekaraia, nɨ atiatingan markɨ, nɨ God ko mɨkemezir mɨgɨrɨgɨam, God a baraki. Ezɨ nɨn amuim Elisabet nɨ bagh otarim bategham. Eghtɨ nɨ ziar kam, Jon a datɨgh.

Onger Akaba 99:4

Atrivir gavgavim, nɨ arazir aghuiba bagha ifonge. Nɨ arazir aghuimra Israelia e gamizɨ e an gɨn zui. Nɨ e gamizɨ, e kotɨn aven deragha gumazamizibar araziba tuisɨsi.

Onger Akaba 144:8

Gumazamizir kaba guizbangɨra mɨgeir puvatɨ, me akar ifavaribagh ami. Me ifara uari isa pɨn uari arɨgha ghaze, me guizbangɨra mɨgei.

Hosea 1:9

Ezɨ Ikiavɨra Itir God Hosea mɨgɨa ghaze, “Nɨ ziar kam a datɨgh, ‘Loami.’ Ziar kamɨn mɨngarimra kara, Ia Israelia, ia nan gumazamiziba puvatɨ. Eghtɨ kɨ ian Godɨn ikian kogham.”

Jenesis 31:5

Ezɨ aning izezɨ Jekop kamagh aning mɨgei, “Kɨ gari guan afeziam fomɨra na gifongezir moghɨn ua na gami puvatɨ. Ezɨ nan afeziamɨn God a na ko iti.

Jenesis 49:24

Ezɨ Josep uan pimɨn benim fɨrizir puvatɨ. Godɨn Bar Gavgavim Itim, a Jekopɨn God, a gavgavim isa Josep ganɨngi, ezɨ Josepɨn agharim amɨrazir puvatɨ. Ezɨ Godɨn kam, a Israelian Garir gumazim, egha a mati Israelia Modir Dagɨar Gavgavim.

Ua Me Ini 14:13

Moses kamaghɨn me ikaragha ghaze, “Ia atiatingan markɨ, ia tuivigh gavgafigh. Ia datɨrɨghɨn, Ikiavɨra Itir Godɨn gavgavimɨn ganightɨ, a ian akuragh ua ia inian. Ia datɨrɨkɨn Isipian gari, ia ua men ganan kogham.

Ua Me Ini 20:20

Ezɨ Moses me mɨgei, “Ia atiatingan markɨ. God kamaghsua ifonge, ia bar an atiatigh an apengan ikɨ, egh arazir kurabar amuan kogham. Kamaghɨn a iza ian navir averiabagh foghasa, da guizbangɨra a baghavɨra iti, o puvatɨ.”

Aisaia 50:9

Ia gan! Ikiavɨra Itir God, nan Ekiam, a uabɨra nan akurvasi. Ezɨ ua tina na mɨkɨm suam, kɨ arazir kuram iti? Puvatɨ. Akaba na gasi darasi, me mati korotiaba barareba da api, da okozokoregha bar ikuvizɨ moghɨn, me bar moghɨra ikuvigham.

Daniel 6:16

Ezɨ atrivim gumazibav geima, me Daniel inigha laionbar mozimɨn anekunizɨ a iraghu. Ezɨ a kamaghɨn Daniel mɨgei, “Nɨn Godɨn nɨ nɨghnɨzir gavgavim an ikia egha zurara teviba apɨra an ziam fer kam, a nɨn akuragh.”

Daniel 10:12

Ezɨ a ua kamaghɨn mɨgei, “Daniel, nɨ atiatingan markɨ. Dughiar farazimra nɨ uabɨ dɨkabɨragha egha an fofozim iniasava ami. Ezɨ dughiar kamra, God nɨn dɨmdiam baraki. Egha datɨrɨghɨn na amadazɨ, kɨ nɨn azangsɨzim bangɨn ize.

Hagai 1:13

Ezɨ Hagai, an akam inigha izir gumazim, a kamaghɨn Ikiavɨra Itir Godɨn akamɨn gun gumazamizibav gei, “Ikiavɨra Itir God ghaze, ‘Kɨ ia koma akam akɨra ghaze, kɨ zurara ia ko ikiam.’ ”

Hagai 2:5

Ia fomɨra Isip ategha azenan izasava amima, kɨ ia ko Akar Gavgavim akɨra ghaze, kɨ ia ko zurara ikiam. Guizbangɨra nan Duam ian tongɨn ikiavɨra iti. Kamaghɨn amizɨ, ia atiatingan markɨ.

Jenesis 26:24

Ezɨ dɨmagarir kamɨn Ikiavɨra Itir God a batogha ghaze, “Kɨ nɨn afeziam Abrahamɨn God. Kɨ nɨ ko iti, kamaghɨn nɨ atiatingan markɨ. Kɨ uan ingangarir gumazim Abraham, bar a gifonge, kamaghɨn kɨ deragh nɨ damu, egh nɨn ovavir boribar amutɨ me bar avɨrasemegham.”

Gumazir Dapaniba 6:16

Ezɨ Ikiavɨra Itir God, kamaghɨn a mɨgei, “Kɨ nɨ ko ikɨtɨ, nɨ Midiania mɨsoghtɨ me bar arɨmɨghiregham.”

2 Samuel 22:19

Kɨ dughiar kuramɨn itima, nan apaniba iza na ko mɨsosi. Ezɨ Ikiavɨra Itir God, na geghuva nan gari.

Onger Akaba 18:36

Nɨ bar tuavir aghuim na ganɨngizɨ kɨ an ghua, apɨghsigha irɨzir puvatɨ.

Onger Akaba 33:12

Kantrin tam God baghavɨra ikɨtɨ, Ikiavɨra Itir God deravɨra a damutɨ a bar akongegham. Kantrin kamɨn gumazamiziba God ua baghavɨra me ginaba.

Aisaia 35:4

Ia gumazamizir atiatiba me mɨkɨm suam, “Ia tuivigh gavgavigh, egh atiatingan markɨ. Ian God izɨ ian akuragh, egh ivezir kuram isɨ ian apanibar anɨngɨva bar me gasɨghasigham.”

Sekaraia 10:6

“Kɨ Judan gumazamizibar amightɨ, me bar gavgavigham. Egh kɨ Israelian gumazamiziba ua me iniam. Kɨ men apangkufi, kamaghɨn amizɨ, kɨ bar me inigh uamategh men nguazimra izam. Eghtɨ me deravɨra ikiam, mati kɨ me batoghezir puvatɨ. Kɨ Ikiavɨra Itir God, kɨ men God, kamaghɨn amizɨ, kɨ men mɨgɨrɨgɨar me na mɨgeiba kɨ da baragham.