Aisaia 40:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ikiavɨra Itir God amɨnir fefeim amadima, oghevseviba mɨdɨima, akɨmariba mɨdɨa suaghiri. Bar guizbangɨra, gumazamiziba oghevsevibar mɨn, bar moghɨra gevegham.

Aisaia 40:7 ပူးပေါင်းရင်းမြစ်များ

Jopɨn Akɨnafarim 41:21

A uan akatorim akarir dughiamɨn, an amɨnim avim gamima, an otifi. Ezɨ avim an akatorimɨn ikiava otivaghiri.

Jems 1:10

Ezɨ nɨghnɨzir gavgavim itir gumazamiziba, bizir avɨriba iti, me fo, God gɨn me dɨkabɨraghtɨ me akɨmarir atiabar mɨn aremegham. Kamaghɨn, me uaghan bar akuegh ikɨ.

Jems 1:11

E fo, aruem anaga pamtem gara temem gisirazɨma a mɨdɨi. Ezɨ tememɨn akɨmarir aghuiba suaghira, egha dar ganganim bar ikufi. Ezɨ kamaghɨra gumazamizir bizir avɨriba itiba, me uan ingangarim damuvɨra ikɨva an tongɨn aremegham.

Jopɨn Akɨnafarim 4:9

Gumazir arazir kurabagh amiba, God men anɨngagha me gasɨghasɨgha bar me a gefi, mati amɨnir gavgavim ivaima, avim ruarimɨn itir temebar isia bar da gɨfa.

Jopɨn Akɨnafarim 14:2

E mati, akɨmarim mɨzarazimɨn otogha, guaratɨzimɨn mɨsɨngi. Egha uaghan e mati nedaziba, ghuariam aruem apazazɨ da zuamɨra puvarɨsi.

Onger Akaba 90:5

Nɨ aperiamɨn mɨn otogha gumaziba inigha zuima, me bar ariaghiregha ireghav iti. Me irebamɨn mɨn bar dughiar otevimɨn iti. Me mati dadar moniba, aruem anadi me aghua ruari. Ezɨ aruem uaghirima me mɨdɨa uaghiri.

Onger Akaba 102:4

Ezɨ nan navir averiam mati, me dadar mɨdiaribar mɨn, na dɨkaragha na abɨrazɨ, kɨ iraghu. Ezɨ kɨ bar osemegha daghebar aghuagha damasa nɨghnɨzir puvatɨ.

Onger Akaba 103:16

Ezɨ amɨnim akɨmarir kam giverazɨ a irɨzɨ, gumazamiziba uam an garir puvatɨ.

Aisaia 11:4

A kotɨn aven guizɨn arazir aghuimɨn gɨn mangɨ, onganarazibar mɨgɨrɨgɨaba baragh, deraghvɨra me tuisɨgham. A nguazir kamɨn itir gumazir uari abɨra aghumra itiba, a men osɨmtɨziba baragh, me tuisɨgh men akurvagham. An akam me danɨngtɨ, nguazir kamɨn gumazir kuraba, ivezir kuram iniam. A mɨkɨmtɨ, gumazir kurar akaba batoziba arɨmɨghiram.

Aisaia 37:27

Ezɨ gumazamizir nguibar kabar itiba bar atiatingi. Me okam nɨghnɨgha men gavgaviba bar moghɨra gefe. Me mati, aruer dughiamɨn, amɨnir fefem iza grazibar isi da mɨdɨi moghɨn mɨsigha iti. Amɨnir fefer kam aruem anadir naghɨn ikegha iza, grazir dɨpenir siriabar aghuiba ko grazir tintinimɨn aghuibar isizɨ, da deragha aghuir puvatɨ.

Aisaia 40:24

Atriviba mati, akɨmarir igiaba gumazamiziba datɨrɨghɨra da opari, ezɨ dar biba tɨghar nguazimɨn magɨram. Eghtɨ Ekiam amɨnir fefem amadaghtɨ, a izamin dughiamɨn, me zuamɨra mɨsɨngam. Eghtɨ amɨnim mɨnezir muziarimɨn mɨn, me giveragh mangɨgham.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.

Hagai 1:9

“Ikiavɨra Itir Godɨn Gavgaviba Bar Itim ghaze, Ia nan Dɨpenim ataghizɨ a ikuvigha itima, ia uari uan dɨpenibar ingarigha arui. Kamaghɨn amizɨ, ia uan azenibar dagher ekiataba inisɨ damuva avegham. Ia dagher muziarir kaba inigh agheghtɨ, kɨ dagh iveraghtɨ da zuamɨra gevegham.

Onger Akaba 103:15

E gumazamiziba, en angamɨra itir ikɨrɨmɨrim grazibar mɨn, dughiar ruarimɨn itir puvatɨ. E dughiar bar otevimra ruarimɨn akɨmarimɨn mɨn ikegha ariaghiri.