Aisaia 40:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ezɨ tiarir mam kamaghɨn mɨgɨa ghaze, “Nɨ akam akun.” Ezɨ kɨ ghaze, “Kɨ akar manam akunam.” Ezɨ tiarir kam na ikaragha ghaze, “Nɨ kamaghɨn mɨkɨm suam, Gumazamiziba nguazir kamɨn ikɨvɨra ikian kogham, me oghevseviba mɨdɨi moghɨra mɨsigham. Me ruarimɨn itir akɨmariba suaghiri moghɨn, dughiar ruaribar itir puvatɨ.

Aisaia 40:6 ပူးပေါင်းရင်းမြစ်များ

Onger Akaba 102:11

Nan ikɨrɨmɨrimɨn dughiam mati nedazim zuamɨra ghua guaratɨzimɨn gɨfa. Ezɨ kɨ angamɨra itir ikɨrɨmɨrimɨn dughiam bar otefe. Kɨ mati dadam aghua ghua mɨsigha gɨfa.

Jopɨn Akɨnafarim 14:2

E mati, akɨmarim mɨzarazimɨn otogha, guaratɨzimɨn mɨsɨngi. Egha uaghan e mati nedaziba, ghuariam aruem apazazɨ da zuamɨra puvarɨsi.

Aisaia 58:1

Ikiavɨra Itir God kamaghɨn Aisaia mɨgei, “Nɨ bar pamtemɨn dɨm! Egh aghumra dɨman markɨ! Nɨ tiarir arozim akar, mati sɨgham arang kamaghɨn nan gumazamiziba mɨkɨm, me nan Akar Gavgavibar gɨntɨzir puvatɨ. Nɨ Jekopɨn ovavir boribar arazir kurabar gun me mɨkɨm.

Onger Akaba 92:7

Gumazir kuraba dadabar mɨn zuamɨram otivam. Eghtɨ gumazir arazir kurabagh amiba, me bizir avɨriba inigh deraghvɨra ikɨtɨ, nɨ bar me gasɨghasigham.

Jeremaia 31:6

Eghtɨ dughiar kamɨn, Efraimɨn anabamɨn adarazir gumazir eghuvir mɨghsɨabar itiba, me kamaghɨn dɨmam, ‘Ia bar moghɨra dɨkavigh izɨ, e Saionɨn Mɨghsɨamɨn mavanangam. E Ikiavɨra Itir God bagh mangam, en God.’ ”

Jeremaia 2:2

“Nɨ Jerusalemia bagh mangɨ nan akamɨn gun kamagh me mɨkɨm: Ikiavɨra Itir God ghaze, ia bar faraghavɨra nan gumazamizibar otivizir dughiamɨn, ia mati amizim igiamra pamɨn ikia uan pam gifongezɨ moghɨn, ia uari isa na ganigha na gifueghavɨra iti. Egha ia na baghavɨra ikia gumazamiziba puvatɨzir danganimɨn nan gɨn zui, kar nguazir gumazitam dagheba oparizir puvatɨzim.

Aisaia 40:3

Ezɨ gumazir tiarir mam kamaghɨn dɨa ghaze, “Ia gumazamiziba puvatɨzir danganimɨn, Ikiavɨra Itir God baghɨva tuaviba azenɨva dar kɨr.

Aisaia 37:27

Ezɨ gumazamizir nguibar kabar itiba bar atiatingi. Me okam nɨghnɨgha men gavgaviba bar moghɨra gefe. Me mati, aruer dughiamɨn, amɨnir fefem iza grazibar isi da mɨdɨi moghɨn mɨsigha iti. Amɨnir fefer kam aruem anadir naghɨn ikegha iza, grazir dɨpenir siriabar aghuiba ko grazir tintinimɨn aghuibar isizɨ, da deragha aghuir puvatɨ.

Aisaia 12:6

O Saionɨn Mɨghsɨamɨn itir gumazamiziba, ia fo, Israelian Godɨn Bar Zuezim, a ian tongɨn ikia ingangarir ekiabagh amua, ziar bar ekiam iti. Kamaghɨn amizɨ, ia pamten dɨmɨva arang bar akuegh onger akabar amu.

Hosea 5:8

Ia Gibean gumaziba, ko Raman gumaziba, ko Betelɨn gumaziba ko Benjaminɨn anabamɨn gumaziba, ia bar sɨghabagh ivi. Ia pamten dɨmɨva ivemar mangɨ mɨdorozim damu.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.

Sekaraia 1:14

Ezɨ enselɨn kam, Ikiavɨra Itir Godɨn Gavgaviba Bar Itimɨn akam akunasa na mɨgei: Kɨ ifongiar bar ekiam ko, apangkuvir nɨghnɨzim Jerusalem bagha iti, an ziar mam Saion, a nan nguibar ekiam.