Aisaia 40:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ gumazir tiarir mam kamaghɨn dɨa ghaze, “Ia gumazamiziba puvatɨzir danganimɨn, Ikiavɨra Itir God baghɨva tuaviba azenɨva dar kɨr.

Aisaia 40:3 ပူးပေါင်းရင်းမြစ်များ

Malakai 3:1

Ezɨ Ikiavɨra Itir Godɨn Gavgaviba Bar Itim, a kamaghɨn akam ikaragha ghaze, “Ia oragh! Kɨ uan abuir gumazim amadaghtɨma, a faragh mangɨva na bagh tuavim akɨram. Ia ghaze, ia datɨrɨghɨn Ekiam bagha gara iti. Eghtɨ a zuamɨra izɨ uan Dɨpenimɨn ikiam. Abuir gumazir ia bar ifongezim izɨ, Akar Dɨkɨrɨzir Gavgavir kamɨn gun ia mɨkɨmam. Kɨ Ikiavɨra Itir Godɨn Gavgaviba Bar Itim, kɨ ghaze, An darorim izi.”

Jon Osirizir Akar Aghuim 1:23

Ezɨ Jon kamaghɨn mɨgei: “Kɨ gumazir kamɨn tiarim, kɨ gumazamiziba puvatɨzir danganimɨn ikia egha kamaghɨn dɨa mɨgei, ‘Ia Ekiam baghɨva tuaviba azenɨva, dar kɨr.’ ” (Kar akar Godɨn akam inigha izir gumazim Aisaia fomɨra osirizim.)

Aisaia 57:14

Ikiavɨra Itir God kamaghɨn mɨgɨa ghaze, “Nan gumazamiziba ua na bagh izɨ. Kamaghɨn amizɨ, ia me bagh deraghvɨra tuaviba akɨr, egh tuavim apɨrizɨ biziba isɨ da makun. Puvatɨghtɨ, bizir katam men suetam mɨtɨghtɨma me daghiregham.

Aisaia 43:19

Ia gan! Kɨ bizir igiam damuasava ami. Ezɨ bizir kam a datɨrɨghɨn otifi, ezɨ ia ti an ganiz, o puvatɨ? Kɨ danganir mɨsɨngizibar tuavibar ingarɨva, egh kɨ dɨpabar amutɨ, da gumazamiziba puvatɨzir danganir kamɨn ivemaram.

Aisaia 35:8

Eghtɨ tuavir ekiam kagh ikɨtɨ, me kamaghɨn a dɨpon suam, kar “God Ua Baghavɨra Inabazir Tuavim.” Eghtɨ Godɨn damazimɨn arazir kurabagh amir gumazitam an daruan kogham, kar Godɨn gumazamizibar tuavimra. Eghtɨ gumazamizir nɨghnɨzir aghuiba itiba ko gumazamizir nɨghnɨzir aghuiba oteveziba, me an atam akuighan kogham, me a gɨfogh an mangam.

Aisaia 49:11

Kɨ ingarizir mɨghsɨaba akɨrmɨgh, tuaviba aghortɨ da mɨghsɨabagh isɨn mangɨ vongɨn otivam. Kɨ uan tuavir ekiam damightɨ, a deraghvɨra otogham.

Onger Akaba 68:4

God ghuariabagh aperagha overiamɨn zui. Ia an tuavim akɨr. An ziam kara, Ikiavɨra Itir God. E an damazimɨn bar akuegh, ighiaba bangɨ ziar ekiam a danɨngam.

Aisaia 40:4

Egh danganir zariba apemɨva, mɨghsɨaba ko akɨribagh kutɨ da magɨrɨ. Egh tuavir ikɨzɨrɨziba, ia dar ingarightɨ, da voroghɨra mɨneghirɨgh. Egh tuavir kuraba, ia deraghvɨra da akɨr.