Aisaia 40:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Gumazitam ongarim tuisɨghasa uan dafarimɨn bar a tuigha an suirazir puvatɨ. Gumazitam overiamɨn arozim gɨfoghasa uan dafarim onegha an suiragha an abarazir puvatɨ. Gumazitam nguazir mɨnezim tuisɨghasa uan itarim inigha bar moghɨram a tuizir puvatɨ. Gumazitam, mɨghsɨar ekiaba ko dozibar osɨmtɨzibar dɨbobonim gɨfofoghasa, uan skel inigha da medir puvatɨ.

Aisaia 40:12 ပူးပေါင်းရင်းမြစ်များ

Aghuzir Akaba 30:4

Tinara Godɨn Nguibamɨn ghuavanabogha an ganigha ua izaghira bizir a ganizibar gun mɨgei? Ezɨ tinara uan dafarimningɨn amɨnimɨn suira? Ezɨ tinara dɨpam isa overiamɨn itir ghuariabar anetɨ, mati gumazim bizim inigha inim gatɨgha, a nomke? Ezɨ tinara nguazibar mɨtaghniaba akɨra da arɨghizɨ da iti? Gumazir kamɨn ziam tina? Ezɨ an otarimɨn ziam tina? Nɨ na mɨkɨm! Nɨ ti foz, o? Puvatɨ.

Aisaia 48:13

Kɨ uan dafarimningɨn nguazim gamigha gavgavim an povim ganɨngizɨ a gavgafi, egha kɨ overiam isa an danganimɨn anetɨ. Egha kɨ overiam ko nguazimɨn diazir dughiamɨn, aning zuamɨra ivegha iza nan damazimɨn tu.

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Jopɨn Akɨnafarim 28:25

Bar fomɨra, God nɨghnigha amɨnimɨn gavgavimɨn abara, egha uaghan nɨghnigha ongarir ekiam ikiasa, a dɨpabar ababanim ati.

Jeremaia 31:37

Kɨ Ikiavɨra Itir God, kɨ ghaze, Gumazitam ti overiamɨn danganibar ababaniba bar da inigh, egh gumazir kam ti nguazimɨn dɨkɨnimɨn magɨrɨgh, nguazimɨn oteviba bar dar ganigh deraghvɨra dagh foghtɨ, eghtɨ dughiar kamra kɨ Israelian gumazamiziba akɨrim ragh bar me gasaraghɨva, men arazir kurar me amiziba ikarvagham. Kɨ Ikiavɨra Itir God, kɨ mɨkemegha gɨfa.”

Amos 4:13

Ia oragh! Godɨn mɨghsɨabar ingarizim, an amɨnibagh amima, da otiva ivai. Egha a uan nɨghnɨziba isa gumazamizibar akakazima, me dagh fo. Anarɨra amɨnirbɨrim damightɨ an angazangarim otoghamin gavgavim iti. A mɨghsɨabagh isɨn arua nguazir kamɨn danganiba bar dagh ativagha dar gari. An ziam, Ikiavɨra Itir God, a Godɨn Gavgaviba Bar Itim.