Gumazamizir biziba puvatɨziba, nɨ deravɨra me geghuva men gari. Gumazamizir onganarazibagh amiba, osɨmtɨzibar dughiamɨn itima, nɨ men mogomer danganir bar gavgavimɨn mɨn iti. Atrivir kurabar adariba ko anɨngaghariba, mati amɨnir gavgavim iza dɨpenir bɨrim ginifi. Ezɨ nɨ mati averpenim me avarazɨ, amɨnir gavgavim izɨva me gɨnobaghan kogham. Ezɨ gumazir kurabar adariba, mati aruemɨn fefem dɨpaba puvatɨzir danganimɨn ikegha pamtem me gisira. Ezɨ nɨ mati, me tememɨn dughuazimɨn apengan ikia, aruemɨn fefemɨn uari apasi. Ezɨ amɨnim ko amozimɨn dughiamɨn, nɨ biziba puvatɨzir gumazamiziba avarazɨ me deravɨra iti, ezɨ aruer gavgavim me gapongezir puvatɨ, mati overiamɨn ghuariaba aruemɨn fefeim avarazɨ, nguibam bar orangi. Nɨ ifaghatir apanibar akaba dukumizɨ, atrivir kurabar dɨmdiaba pura gefi.
Aisaia 4:6 - Godɨn Eghaghanim: Akar Gavgavir Dɨkɨrɨzir Ghurim ko Igiam6 Averpenir kam mati, Godɨn gavgavim ko angazangarimɨn ababanim, a Jerusalem avɨva, aruer bar gavgavim apazagham, egh uaghan amozir ekiabar dughiamɨn, a Jerusalem damutɨ, a deravɨra ikiam. အခန်းကိုကြည့်ပါ။ |
Aisaia 4:6
17 ပူးပေါင်းရင်းမြစ်များ
Gumazamiziba akurvazim bagh izɨtɨ, gumazir dapanir kaba deravɨra vaghvagh bar deravɨra men akurvagham. Gumazir dapanir kaba, gumazamizibar danganir mogomemɨn mɨn ikiam, eghtɨ dughiar amozir ekiaba ko amɨnir ekiaba izɨtɨ, me mangɨ men uari mongam. Eghtɨ me mati dɨpaba puvatɨzir danganimɨn, dɨpam ivemara an zui moghɨn ikɨ, egh mati dagɨar ekiam aruem apazagha, danganir orangtɨzimɨn mɨn iti. Aruem bar gavgavightɨ, gumazamiziba mangɨ an apazangɨn dapiagh ikɨ avughsam.
A gumazamizibar mogomer danganir bar gavgavimɨn mɨn iti. Egha a dagɨamɨn mɨn Israelia ko Judan gumazamiziba aruir tuavimɨn iti. Eghtɨ men avɨriba uan dagariba asɨ daghirɨ ikuvigham. Ezɨ Jerusalemɨn gumazamiziba, an azuazimɨn mɨn men suighasa iti. Eghtɨ men avɨriba azuazir kamɨn guam. Jerusalemɨn gumazamiziba, kɨ guizbangɨra azuazimɨn mɨn men suighasa iti.”
Ezɨ Noa uaghan kamaghɨra nɨghnɨzir gavgavim Godɨn iti. Ezɨ God bizir gɨn otivamibar gun a mɨkeme. Kar bizir Noa tɨghar ganamiba. Egha a nɨghnɨzir gavgavim Godɨn akamɨn ikia, egha bizir kam bagha a kurir mamɨn ingari. Egha uan amuiroghboriba ko, me kurimɨn aven ghuezɨ, bizitam me gasɨghasɨzir puvatɨzɨ, me deravɨra iti. Ezɨ Noan nɨghnɨzir gavgavir kam, a nguazimɨn itir gumazamizir igharaziba bar, men arazir kuraba da aghurigha azenim gatɨ. Noa nɨghnɨzir gavgavim Godɨn itima, God bizir kamɨn a mɨgɨa ghaze, a nan damazimɨn bar gumazir aghuim. Ezɨ God bar gumazir nɨghnɨzir gavgavim an itiba, a bar kamaghɨra me gami.
Egha datɨrɨghɨn akar pumuning iti, kar Godɨn akar dɨkɨrɨzim, ko Godɨn arazir uan ziam dɨborim, aning otevkɨnighan kogham. God uabɨ ifarir puvatɨ. Kamaghɨn amizɨ, e gumazamizir ara ghua Godɨn boroghɨn mongeziba, e Godɨn akar dɨkɨrɨzim gɨnɨghnɨgh egh e uan naviba gavgavim dar anɨng, egh bizir aghuir e fogha iniamiba mɨzuamvɨra ikiam.
Eghtɨ nɨ uan namakar Babilonɨn kalabusɨn itiba kamaghɨn me mɨkɨm suam, ‘Kɨ Ikiavɨra Itir Godɨn Ekiam, kɨrara kɨ ia aghamsigha ia amangizɨ, ia tintinibar kantrin saghon itibar ghue. Ia datɨrɨghɨn ikɨ nan ziam famin dɨpeniba puvatɨ. Eghtɨ kɨ dughiar ovezimɨn danganir ia ghua itir manaba kɨ uabɨ ia ko ikɨtɨ, ia nan ziam fɨvɨra ikiam.’
E Israelia, e gantɨ, Filistian abuir gumaziba izɨ uarir akurvaghsɨ en azangsɨghtɨ, e manmaghɨn men akam ikarvagham? E kamaghɨn men akam ikarvagham, “Ikiavɨra Itir God, Saionɨn nguibamɨn ingarigha a gamizɨ a tugha gavgafi. Ezɨ an gumazamiziba osɨmtɨzir ekiaba me bativir dughiabar, me a bagh mangɨ an aven modogh deravɨra ikiam.”
Ikiavɨra Itir God gumazamizibar amutɨ, me an dɨmdɨar gavgavim baragham, egh me an anɨngagharimɨn mɨzazim baragham. An avir gavgavir biziba bar da isiamim sara izam, egh uaghan amɨnir gavgavim ko amozim ko maburan amozir ofɨzir dagɨabar mɨn gariba, sara izam. Eghtɨ arariba dagarvaghtɨ, gumazamiziba an anɨngagharimɨn ganam.