Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aisaia 4:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

5 Gumazamiziba Saionɨn Mɨghsɨamɨn pɨn Godɨn ziam fɨsɨ uari akuvaghtɨ, Ikiavɨra Itir God ghuariatam damightɨ, an otogh Saionɨn Mɨghsɨam avaragham. Aruebar, ghuariam a gisɨn ikiam, egh dɨmagaribar, a mɨgharim ko avir mɨzariar angazangarimɨn mɨn isi ikiam. Ghuariar kam, averpenimɨn mɨn an mɨghsɨam gisɨn guraghɨv ikɨ, an ziar ekiam ko angazangarir ekiamɨn aven itir bizir aghuiba, an a da avaragham.

အခန်းကိုကြည့်ပါ။ ကော်ပီ




Aisaia 4:5
25 ပူးပေါင်းရင်းမြစ်များ  

Ezɨ aruebar nɨ ghuariar ruarir ekiamɨn ikia zuima, me nɨn gɨn zui. Ezɨ dɨmagaribar nɨ avimɨn aven ikia zuima, nɨn angazangarim tuavim men akakazima me zui.


An aruebar ghuariamɨn tongɨn ikia men faragha zui. Egha dɨmagaribar avimɨn angazangarimɨn aven ikia men faragha zui.


Ikiavɨra Itir God kamaghɨn mɨgɨa ghaze, “O Jerusalem, kɨ Ikiavɨra Itir God, nan gavgavir ekiam otogha angazangarimɨn mɨn nɨ gisira. Nan ziar ekiam otogha, mati amɨnim tirazɨ aruem anadi. Kamaghɨn amizɨ, nɨ dɨkavigh aruemɨn mɨn isiragh.


Bar puvatɨ. Nan akurvazim, a bar roghɨra izegha gɨfa. Eghtɨ kɨ ua mɨzuaman kogham. Israelia, kɨ zuamɨra izɨ ian akurvagh apanir ia abɨriba, kɨ bar puv me damightɨ, ia ua deravɨra ikiam. Egh kɨ uaghan Saionɨn nguibar ekiamɨn akurvaghtɨ, a deravɨra ikiam. Kɨ uan ziar ekiam ko gavgavim damightɨ, aning Israelia ian tongɨn azenim girɨgham.”


Ia Saionɨn gan, an ziar mam Jerusalem, a nguibar ekiar e zurara Ekiamɨn ziam fer dughiar ekiabar uari akuva itim. Danganir e avughsa deravɨra itim. A purirpenir gavgavimɨn mɨn mɨtɨgh gavgavigham, eghtɨ gumaziba an afughafuziba asigh, an beniba aghoregh, a inigh mangan kogham.


Bar guizbangɨra, an akurvazim, an gumazamizir an ziam fava an atiatia an apengan itiba, bar men boroghɨra iti. An angazangarim e gisiragha en akura, a uabɨ e ko en nguazir kamɨn ikɨ mamaghɨra ikiam.


Egh kɨ ia mɨkemezir mɨgɨrɨgɨaba, ia bar da isɨva men sure damu, eghtɨ me dar gɨn mangɨ. Ia deravɨra fogh, kɨ ia ko ikɨvɨra ikɨ mangɨtɨ, nguazir kamɨn dughiam gɨvagham.”


Nɨn Nguibamɨn enselbar gumazir dapaniba, me uari akuva bizibav gɨa nɨn atiatia nɨn apengan iti. Enselɨn igharazir nɨ okarigha itiba, me uaghan atiatia nɨrarama apengan iti.


Ezɨ Ikiavɨra Itir God, aviv zariamɨn mɨn ghuariar ruarir kamɨn aven iti. Ezɨ amɨnim tiasa amima, a Isipian mɨdorozir gumaziba, men nɨghnɨzibagh irazɨma, me tintinibar nɨghnɨgha atiatia arasava ami.


Kɨ uan ingangarir gumazim Devit, a ko dɨkɨrɨzir akam ko, uan ziar ekiam gɨnɨghnɨgh, egh bizir kamning bangɨn, kɨ nguibar ekiar kamɨn ganɨva an akurvagham.’ ”


Ezɨ Ikiavɨra Itir God ghaze, Nan gumazamiziba, me dabirabir aghuim ikiam, egh me deravɨra ikɨ avughsɨ, uan nguibabar aven navir amɨrizimɨn ikɨ, egh bizitamɨn atiatingan kogham.


E Ikiavɨra Itir Godɨn ziam fam. Gumazamizir God baghavɨra itiba, me uari akuvamin dughiam, kɨ men tongɨn ikɨva, uan navir averiamɨn aven nɨghnɨzir vamɨra ikɨva Ikiavɨra Itir God mɨnamam.


“Egh gɨn ia memen arɨzibar inir 11plan ingarightɨ, da Purirpenim avamin inir ekiar vamɨran otogh.


Egha Ikiavɨra Itir God ua kamaghɨn mɨgei, “Ia na bagh Purirpenir tam 10plan inir ghurghurir aghuibar an ingarigh. Nir kaba ia tretɨn bluplaba ko, pɨghagheviba ko, agheviba inigh enselɨn bar gavgavibar nedaziba isamigh.


Egh gumazir pumuning, o pumuning ko mɨkezim nan ziamɨn uari akuvagh ikɨtɨ, kɨ uabɨ men tongɨn ikiam.”


Ezɨ Ikiavɨra Itir Godɨn angazangarim mɨghsɨamɨn izaghiri. Ezɨ Israelia Ikiavɨra Itir Godɨn angazangarir kamɨn garima, men damazimɨn avir ekiam mɨghsɨam gisɨn isia iti. Ezɨ ghuariam 6plan dughiabar mɨghsɨam avara. Ezɨ namba 7ɨn dughiam, Ikiavɨra Itir God ghuariamɨn tongɨn ikia Mosesɨn dia.


God ghuariar ekiar mam isa overiamɨn pɨn anetɨzɨ, a me avara. Ezɨ a dɨmagaribar ghuariam gamizɨ an avimɨn mɨn isia isiragha angazangarim me ganɨdi.


Nɨ gan, ghuariar pɨziba nguazir kamɨn danganiba bar da avara. Mɨtater kuram, kantriba bar da modi. Eghtɨ Ikiavɨra Itir God otoghtɨ, an angazangarir gavgavim nɨ bagh izɨ, nɨ gisiraghtɨ gumazamiziba an ganam.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ