Aisaia 4:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ekiam Jerusalemɨn nguibam damightɨ, a ua deragh zueghasa. A uan gavgavir ekiamɨn, avimɨn mɨn izɨ gumazamizibar araziba tuisɨgh, egh Saionɨn amizibar arazir mɨzɨrɨziba bar da ruva da gɨn amadagham. Egh uaghan Jerusalemɨn gumaziba, gumazir igharaziba mɨsozi men ghuziba irezir araziba ruegham. Dughiar kamɨn Jerusalem zuegh gɨvagham.

Aisaia 4:4 ပူးပေါင်းရင်းမြစ်များ

Esekiel 36:25

Egh dɨpar dɨkɨriam inigh, ian dapanibagh isɨn a kavamang ian arazir kuraba batueghtɨ, ia nan damazimɨn bar zuegham. Egh ian arazir kurar ia marvir guaba fem bagh, ia rueghtɨ ia zuegham.

Sekaraia 13:9

Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

Matyu 23:37

Egha Iesus ua kamaghɨn mɨgei, “Oio, ia Jerusalemɨn adarasi, kɨ ian apangkufi! Ia Godɨn akam inigha izir gumazibav sozi me ariaghiri, egha God ia bagha amadir gumaziba, ia dagɨaba isa, me ginivi, me ariaghiri. Dughiar avɨribar kɨ ian boriba akuv me mughasa, mati tuarir amebam uan avɨzimingɨn nguziba avarazɨ moghɨn, kɨ ia damuasa ifonge. Ezɨ ia na bagh izan aghua.

Esekiel 36:29

“Kɨ ian akuragh ia damutɨ, ia ua nan damazimɨn arazir mɨzɨrɨzibar amuan kogham. Kɨ ian dagher azenibar amightɨ, da dagher avɨriba ikiam. Eghtɨ dagheba otevir dughiaba ua ia bativan kogham.

Aisaia 28:6

Ikiavɨra Itir God uabɨ nɨghnɨzir aghuim isɨ kotiaba barazir gumazir aruabar anightɨ, me guizɨn arazimɨn gɨn mangɨ deraghvɨra kotiaba tuisɨgham. Eghtɨ a gavgavim isɨ nguibar ekiamɨn tiar akabar itir mɨdorozir gumazibar anɨngam, eghtɨ me apaniba ateghtɨ, me aven izɨ gumazamizibav soghan kogham.

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Sekaraia 13:1

“Dughiar kam otoghtɨ kɨ mozir dɨpam damightɨ an anang otogh iram. Devitɨn ovaviba ko, Jerusalemɨn nguibamɨn itir gumazamizir igharaziba, me godɨn ifavaribar ziaba fava, arazir mɨzɨrɨzir avɨribagh ami. Eghtɨ dɨpar kam men arazir kuraba ruam.”

Esekiel 22:15

Kɨ ian gumazamiziba inigh tintinimɨn kantrin igharazibar me aghamsigham, eghtɨ arazir kuraba dutugh mangɨ gɨvagham.

Aisaia 9:5

Guizbangɨra, mɨdorozir gumaziba mɨdorozir korotiar aghua ghua mɨsoziba, avim bar dar isigham. Men dagarir asuaba ko men korotiar gumazibar ghuziba itiba, avim bar adar isigham. Eghtɨ osɨmtɨziba bar gɨvaghtɨma, dughiar aghuim otogham.

Aisaia 1:31

E fo, ogher mɨsigha gɨvaziba zuamɨra isi, ezɨ arazir kamra gumazamizir gavgaviba ko bizir me amiziba bativam. Avir kuram, uaghara zuamɨram men sigham, eghtɨ dughiar kamɨn gumazitam men akurvaghsɨ avim amungan iburagham.

Aisaia 1:15

“Egh ia uan dafariba fegh na ko mɨkɨmtɨ, kɨ ian ganan kogham. Egh ia dughiar avɨribar na ko mɨkɨmtɨ, kɨ uan kuarimning mɨgorogham. Guizbangɨra, gumazir ia mɨsoghezir ariaghireziba, men ghuziba ian dafaribar pueghavɨra iti.

Sefanaia 3:1

O Jerusalem, nɨ ikuvigham. Nɨn gumazamizibar araziba, Ikiavɨra Itir Godɨn damazimɨn bar mɨzegha, kurigha bar ikufi. Me an akaba batogha uan adarazira, paza me gami.

Onger Akaba 51:2

Gumazamiziba rua ua zue moghɨn, nɨ na rueghtɨ nan arazir kuraba mangɨghtɨ kɨ zueka.

Solomon 3:11

O Jerusalemɨn amiziba, ia azenan izɨ Atrivim Solomonɨn ganigh. Atrivimɨn dapanir asuam an dapanimɨn iti. Atrivim Solomon amuimɨn itir dughiamɨn, an amebam dapanir asuar kam isa an dapanim garu. Ezɨ dughiar kamɨn a bar akonge.

Aisaia 9:19

Ikiavɨra Itir Godɨn Gavgaviba Bar Itim bar anɨngaghegha, nguazir kamɨn ruaghatevibar itir gumazamiziba bar me gasɨghasɨki. A mati avim ruarir ekiamɨn isia bar a gasɨghasɨghizɨ moghɨn, bar me gasɨghasɨki. Gumazamiziba uaghan vaghvagha men nɨghnɨzibar gɨn ghua, igharaz darazi dɨkabɨnasava ami.

Aisaia 1:25

O Jerusalem, kɨ ingangarir gavgavim foregha, nɨn arazir kuram akɨrmɨgham, mati gumaziba silvan itir mɨneziba amɨsɨvasa da tue moghɨn, kɨ bar avir pamtemɨn isimɨn nɨ tuam. Kamaghɨra, kɨ ian arazir mɨzɨrɨziba adangasa.

Aisaia 27:9

Egh Israelia guizbangɨra mɨkɨm suam, Ikiavɨra Itir God men arazir kurabar osɨmtɨziba agɨvam, eghtɨ me uan asebar ofa gamir dakoziba apɨrighɨva, dar dagɨaba amsarɨraghitɨ da nguazir mɨnemniamɨn mɨn otogham. Egh me temer guarir aser amizim Aseran nedazim itiba okɨrarɨgh. Egh paura tuema a mughuriar aghuim zuir dakoziba, bar dagh asɨghasɨkigh. Tuavir kamɨn, Ikiavɨra Itir God men arazir kuraba gɨn amadagham.

Jeremaia 9:6

Me uarira uari abɨrir arazim gamua ghuavɨra ikia, egha ifavarir arazibagh amuavɨra iti. Me nɨghnɨzir gavgavim nan ikɨ, nan gɨn mangan aghua. Kɨ Ikiavɨra Itir God, kɨ kamaghɨn mɨkemegha gɨfa.”