Aisaia 38:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Gumazamizir Oveaghuezibar Nguibamɨn itiba, me nɨn ziam fan kogham. Egh nɨ uan gumazamiziba bagha zurara amir bizir aghuiba, me dar ganan kogham.

Aisaia 38:18 ပူးပေါင်းရင်းမြစ်များ

Fofozir Gumazim 9:10

Egh nɨ ingangaritam damusɨ, bar uan gavgavim sara a damu. Nɨ fo, Oveaghuezibar Nguibar nɨ mangamim, nɨ ingangarir tam ko nɨghnɨzitam damuan kogham. Danganir kamɨn, nɨ nɨghnɨzir aghuitam ko fofozir aghuitam inian kogham.

Onger Akaba 6:5

Gumazamizir oveaghueziba, me ua nɨ gɨnɨghnɨzir puvatɨ. Gumazamizir Oveaghuezibar Nguibamɨn, tina ua nɨn ziam fam?

Onger Akaba 30:9

Kɨ oveghtɨ bizir aghuir tizitam otogham? Kɨ ti dagɨar torimɨn magɨrɨghtɨ, bizir kam tinan akuragham? Gumazamizir oveaghueziba me ti ua nɨn ziam fam? Me ti ua dɨkavigh mɨkɨm suam, nɨ me mɨkemezɨ moghɨra zurara nɨ me bagha deragha bizibagh ami? Bar puvatɨgham.

Matyu 25:46

Eghtɨ gumazamizir kamaghɨn amiziba mangɨ, ivezir kuram iniam, kar mɨzazir gɨvan koghamim. Eghtɨ gumazamizir aghuiba mangɨ, ikɨrɨmɨrir aghuir zurara itim iniam.”

Matyu 8:12

Eghtɨ God faragh uan Nguibamɨn ikiasa mɨsevezir darasi, God me batuegh me isɨva danganir mɨtatem me akunigham. Eghtɨ me tuangɨva arangɨva atariba kuskugh danganir kamɨn ikiam.”

Aghuzir Akaba 14:32

Gumazamizir kuraba uan arazir kurabar uari, uari gasɨghasɨsi. Ezɨ gumazamizir aghuiba me bizitam bagh nɨghnɨghan kogham. Men ovevemɨn dughiam otoghtɨ, men nɨghnɨzir gavgavim men akuraghtɨ me suam ovevem a pura bizim.

Dɨboboniba 16:33

Me angamɨra ikia, uan biziba sara Gumazamizir Oveaghuezibar Nguibamɨn iraghue, ezɨ nguazim uabɨ dukuazɨ, me ua men garir puvatɨ.

Onger Akaba 28:1

O Ikiavɨra Itir God, nɨrara dagɨar gavgavimɨn mɨn na modozɨ, kɨ nɨn apazangɨn itima nɨ na geghufi. Kɨ uabɨn akurvaghsɨ nɨn dɨmamin dughiamɨn, nɨ gumazir kuarir onganimɨn mɨn na baraghan koghan markɨ. Kɨ nɨ ko mɨgeir mɨgɨrɨgɨaba, nɨ da baraghan koghtɨ, kɨ ti ovegh mangɨ Oveaghuezibar Nguibamɨn mangɨgham.

Onger Akaba 6:6

Kɨ dia ghuavti, nan gavgaviba bar gɨfa. Nan temeriba zurara dɨmagaribar nan mɨsiam giri, kɨ ara ghuav itima, nan dapanir aghoghonim bar kumkumi.