Aisaia 38:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Nan angamɨra itir ikɨrɨmɨrir kam, mati averpenim, gumaziba anepɨrigha a inigha ghu. Kɨ ghaze, nan ikɨrɨmɨrim, mɨtarir ruarimɨn mɨn ruaragham, egha kɨ mɨtarimɨn mɨn a gɨrɨghavɨra iti. Ezɨ puvatɨ. Nan ikɨrɨmɨrir kɨ datɨrɨghɨn itir kam, mati amizim mɨtarim gɨrɨzi moghɨn, me zuamɨram anetughtɨ, an otevegham. God, nan ikɨrɨmɨrir angamɨra itim nɨ zuamɨra anegɨfagh.

Aisaia 38:12 ပူးပေါင်းရင်းမြစ်များ

Hibru 1:12

Nɨ aning righam, mati gumazim atuim rɨki. Nɨ aning damightɨ aning igharagh otogham, mati gumazim korotiar ghuriba suagharɨsi. Ezɨ nɨ, kamaghɨra iti, nɨ igharagha garir puvatɨ. Nɨn dughiam gɨvaghan kogham.”

2 Korin 5:1

E kamaghɨn fo, nguazimɨn purirpenir e datɨrɨghɨn aven itir kaba, da gɨn dɨpɨrighirɨgh ikuvigham, kar en inivafɨzimɨn ovevem. Eghtɨ dughiar kam God dɨpenir igharazir aghuim e danɨngam, kar en inivafɨzir igiam. Dɨpenir kam, gumazitam an ingarizir puvatɨ, God uabɨ an ingari. A Godɨn Nguibamɨn ikɨ zurazurara ikɨvɨra ikiam.

Onger Akaba 73:14

O God, nɨ arueba ko dɨmagaribar mɨzaziba na ganɨgavɨra iti. Ezɨ osɨmtɨzir kaba, mɨzarazibar fofoziba na ganɨdi.

Jems 4:14

Ia zurara kamaghɨn mɨgɨa, egha ia fozir puvatɨ, bizir manam gurumzaraghan otivam. Ian ikɨrɨmɨrim mati mɨgharim, a dughiar otevimra ikeghɨva bar gɨvagham.

2 Korin 5:4

E nguazimɨn purirpenimɨn aven ikiavɨra ikia, osɨmtɨziba atera navim bigha ara iti. Ezɨ da e gamima e uan inivafɨzir ghurir kam ataghɨraghasava amir puvatɨ. E inivafɨzir igiar aghuim a gisɨn aneghuasa ifonge, mati e korotiar igiam ghurim gisɨn anerughtɨma, anagapazagh ganganir bar aghuim damuam. Tuavir kamɨn en inivafɨzir ovengamim, a ua raghɨrɨgh, inivafɨzir angamɨra ikɨvɨra ikiamimɨn otogham.

Aisaia 13:20

Gumazitam ua nguibar kamɨn ikian kogham. Eghtɨ uaghan Arebian gumaziba izɨ uan averpenitam danganir kamɨn anesaraghan kogham. Eghtɨ sipsipbar garir gumaziba uan sipsipba inigh izɨtɨ, da danganir kamɨn irɨv ikɨ avughsan kogham.

Aisaia 1:8

Saionɨn nguibam, me gumagh ataki. A uabɨra iti, egha gavgaviba puvatɨ. A mati, averpenim gumaziba wainɨn azenibar tongɨn an ingari. A mati, averpenir muziarir kurar mam, me melonɨn azenir ekiamɨn tongɨn an ingarizɨ a uabɨra mɨtɨghav iti. A mati, nguibam an apaniba, anerugha gɨfa.

Onger Akaba 119:23

Gumazir dapaniba uari akuvagha, na mɨsoghasa akam mɨsosi. Ezɨ kɨ nɨn ingangarir gumazim, kɨ zurara nɨn akabar suiragh dagh nɨghnɨgham.

Onger Akaba 102:11

Nan ikɨrɨmɨrimɨn dughiam mati nedazim zuamɨra ghua guaratɨzimɨn gɨfa. Ezɨ kɨ angamɨra itir ikɨrɨmɨrimɨn dughiam bar otefe. Kɨ mati dadam aghua ghua mɨsigha gɨfa.

Onger Akaba 31:22

Kɨ faragha bar atiatigha kamagh nɨghnɨsi, Ikiavɨra Itir God, nɨ na batoghezɨ kɨ ua nɨn boroghɨn itir pu Puvatɨ, nɨ nan ararem baregha nan akura.

Jopɨn Akɨnafarim 17:1

“Nan ikɨrɨmɨrim ikuvigha gɨfa, ezɨ dughiar kɨ ovengamim, a bar roghɨra ize. Ezɨ matmatiamra na mɨzua iti.

Jopɨn Akɨnafarim 14:2

E mati, akɨmarim mɨzarazimɨn otogha, guaratɨzimɨn mɨsɨngi. Egha uaghan e mati nedaziba, ghuariam aruem apazazɨ da zuamɨra puvarɨsi.

Jopɨn Akɨnafarim 6:9

Kɨ kamaghsua, God na dɨkabɨragh pamten na mɨsoghtɨ kɨ aremeka.

Jopɨn Akɨnafarim 4:20

Gumazim mɨzarazimɨn deravɨra ikegh egh guaratɨzimɨn oveghtɨ, gumazamizir igharaziba uam a gɨnɨghnɨghan kogham.

Onger Akaba 90:5

Nɨ aperiamɨn mɨn otogha gumaziba inigha zuima, me bar ariaghiregha ireghav iti. Me irebamɨn mɨn bar dughiar otevimɨn iti. Me mati dadar moniba, aruem anadi me aghua ruari. Ezɨ aruem uaghirima me mɨdɨa uaghiri.