Aisaia 37:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Me ghuava otivigha kamaghɨn Aisaia mɨgei, “Atrivim Hesekia ghaze, Kar osɨmtɨzir ekiaba ko aghumsɨziba otivir dughiam. Asiriaba dɨbovir mɨgɨrɨgɨar avɨribar e gami. E amizir navim asangizɨmɨn mɨn ami, a borim batamin dughiam otozɨ, an a batamin gavgaviba puvatɨ.

Aisaia 37:3 ပူးပေါင်းရင်းမြစ်များ

Hosea 13:13

Israelia deravɨra ikian fɨrɨn, me onganigha egha aghua. Men arazir kam, mati borim amebamɨn navimɨn itima, amebam a batasava amima, an azenan otivan aghua.

Aisaia 66:9

Kɨ Ikiavɨra Itir God, ian God, kɨ ian azai, Kɨ ti amizim gamima a borim batasa mɨzazim isi, egh manmaghsua, kɨ an navim apɨrightɨ, an borim otoghan kogham? Bar puvatɨgham.

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

2 Atriviba 19:3

Me ghuava otivigha kamaghɨn Aisaia mɨgei, “Atrivim Hesekia ghaze, Kar osɨmtɨzir ekiaba ko aghumsɨziba otivir dughiam. Asiriaba dɨbovir mɨgɨrɨgɨar avɨribar e gami. E amizir navim asangizɨmɨn mɨn ami, a borim batamin dughiam otozɨ, an a batamin gavgaviba puvatɨ.

Aisaia 33:2

O Ikiavɨra Itir God, en nɨghnɨzim nɨrara iti. Nɨ en apangkuvigh zurara dughiabar e ekɨarugh uan gavgavimɨn deragh en gan. Egh osɨmtɨzibar dughiamɨn en akurvagh e damutɨ, e uan apaniba dɨkabɨraka.

Onger Akaba 95:8

God kamagh ia mɨgɨa ghaze, “Ian inazir afeziaba fomɨra gumazamiziba puvatɨzir danganimɨn ikia, Meriban danganimɨn otogha, nan akam batoke. Me gɨn Masan danganimɨn ikia, uam akam batoke. Ia me amizir arazir kamɨn gɨn mangɨ uan navibar kuman markɨ.

Onger Akaba 91:15

Eghtɨ me na ko mɨkɨmtɨ, kɨ me baragham. Egh osɨmtɨzim me batoghtɨ kɨ me ko ikɨva, ua me inigh ziar ekiam me danɨngam.

2 Eghaghaniba 15:4

Ezɨ osɨmtɨzir ekiaba Israelia bativir dughiabar, me uamategha Ikiavɨra Itir God bagha izi. Egha me a baghavɨra ikia a burima, a me ataghizɨ, me an boroghɨn izi.

Akar Mogomem 3:19

“Gumazamizir kɨ ifongeziba, kɨ men atar men arazibar kɨram. Kamagh amizɨ, ia uan araziba akɨrsɨ gavgavigh uan navibagh iragh.

Aisaia 22:5

Ikiavɨra Itir Godɨn Gavgaviba Bar Itim, nan Ekiam, an osɨmtɨzir guar avɨriba ia bativamin dughiam amɨsevegha gɨfa. Osɨmtɨzir kaba, Irebamɨn mɨn Garir Bizibar Garir Danganir Zarimɨn ia bativam. Dughiar kamɨn, apanir bar avɨrim izɨva pamtemɨn dɨmɨva ivemar mangɨ izegh damutɨ, ia dɨgavir kuram damigh onganigham. Egh me nguibar ekiamɨn dɨvazir gavgavim akartɨ, ia atiatingtɨ, ian dɨmdiam bar saghon mangɨ mɨghsɨabar tugham.

Hosea 5:15

“Kɨ uan gumazamiziba ategh uamategh uan nguibamɨn mangam. Eghtɨ me uarira ikɨ uan arazir kurabar ivezir kuram ini mangɨtɨ, mɨzazir kam gɨvaghamin dughiam otogham. Me uan arazir kurabar ikarvazim bagh ivezir kuram ko mɨzazim iniam, egh gɨn me uamategh na bagh izɨ na buriam. Me pazɨ uari baregh, egh gɨn me ua na baghvɨra izam.”

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Aisaia 25:8

Egh God ovevem dɨkabɨragh, a gasɨghasɨgh, bar a gafiragham. Ikiavɨra Itir God, en Ekiam, men ararem agɨvagham, egh bar gumazamizibar damazibar teriba bar da adizam. Egh a uan gumazamizir aghumsɨgha itiba, a men aghumsɨziba bar da gɨvagham. Kar, Ikiavɨra Itir God kamaghɨn damuasa mɨkemezir akam.

Aisaia 26:16

O Ikiavɨra Itir God, nɨ uan gumazamiziba puv me gamima, men gavgaviba gɨfa. Egha me osɨmtɨzibar tongɨn ikia nɨ bagha iza osɨmtɨzir dafam sara sighsirir akabar nɨ ko mɨgei.

Aisaia 66:7

“Nan nguibar ekiam mati, amizim borim zuamɨram a bate. A borim batasa mɨzazim baraghizir puvatɨgha, a bate.

Hosea 5:9

Dughiar kamra ia Efraimia bar ikuvigham. Kɨ ia mɨgei, guizbangɨra, bizir kam kɨ mɨkemezɨ moghɨn, a Israelɨn anababar tongɨn otogham.

Aisaia 29:2

Kɨ osɨmtɨzim inigh izɨtɨ a nɨ bativam. Eghtɨ nɨ bar osemegh tiarim akarɨva arangam. Nɨ nan ofa gamir dakozimɨn mɨn iti, eghtɨ ghuzim bar nɨ ruegh nɨ avaragham, mati gumaziba ofa gamir dakozim gisɨn asɨzibav sozi, dar ghuziba ofa gamir dakozim avarazɨ moghɨn nɨ avaragham.