Aisaia 32:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ia Jerusalemian amiziba, ian dabirabim derazɨ ia ghaze, ia deravɨra ikiam. Egh ia deravɨra kuariba arigh nan akam baragh.

Aisaia 32:9 ပူးပေါင်းရင်းမြစ်များ

Matyu 13:9

Tina kuarimning iti, an oragh.”

Aisaia 28:23

Ia kuariba arigh, deragh nan akaba baragh.

Aisaia 3:16

Egha Ikiavɨra Itir God kamaghɨn mɨgei, “Ia Saionɨn itir amizibar gan. Me ghaze, me bar pɨn mar iti. Me aruir dughiabar, gumazamiziba men ganasa me uan suer kurkazibar amutɨ da tɨngaghasa, me pura darorir afangtɨzir kabagh ami. Me arua uan dapaniba fezɨ, men fɨriba bar ruara, ezɨ men damaziba pura tintinibar gumazibar gari.”

Sefanaia 2:15

Niniven adarazi nɨghnɨgha ghaze, me gavgavir ekiam iti, me ikuvighan kogham, kamaghɨn amizɨ, me bar akonge. Egha me ghaze, men nguibar ekiam a uabɨra kantrin igharazibar nguibar ekiaba, bar dagh afira. Ezɨ bar puvatɨ. Bizir kurar kaba Ninive bato. Ezɨ nguibam ikuvigha kamaghɨra ikia, asɨzir atiabar danganim gava. Gumazir an boroghɨn zuiba me atiatiava dapaniba roava bar an aghua.

Gumazir Dapaniba 9:7

Ezɨ Jotam kamaghɨn oregha ghua Gerisimɨn Mɨghsɨamɨn orazimɨn ghuavanabogha men diagha ghaze, “Ia Sekemɨn itir gumazamiziba, ia nan akam baragh, eghtɨ God ti ian akam baragham.

Godɨn Araziba 28:56

Apaniba nguibam bar anekɨarughtɨ, amizir aghuir ziaba ikia ian tongɨn dagɨaba ikia dabirabir aghuibagh apiaghiri gumaziba me aneteragharuiba, me dughiar kamɨn, damamin dagheba bar puvatɨgham. Kamaghɨn, a uan borir otibav sogh, dar mɨtariba sara dar amam. Egh a uan par a bar ifongeziba ko, borir igharazir ikiavɨra itiba, me gitagh ramegham. A kamaghɨn nɨghnɨgham, a dagheba bar puvatɨ, ezɨ ua tuaviba puvatɨ. Kamaghɨn amizɨ, a modogh uan borir iririvim amegham.

Onger Akaba 123:4

Dughiar bar ruarimɨn dagɨaba itir gumazamiziba dɨbovir akabar e mɨgɨa, uari fa pazava e gami. Ezɨ e bar amɨra.

Jeremaia 9:20

Ezɨ kɨ ghaze: Ia Jerusalemɨn amiziba, ia kuariba arigh Ikiavɨra Itir Godɨn akam baragh. Ia uan guiviba azirakar ighiabar men sure damu. Egh vaghvagh namakaba azirakar kamɨn men sure damu,

Jeremaia 9:19

Guizbangɨra, Saionɨn nguibar ekiamɨn aven, gumazamiziba kamaghɨn ara egha azirakar ighiabagh amua ghaze, ‘Aio! E bar ikufi! Apaniba en dɨpenibagh asɨghasigha gɨfa. Ezɨ e uan nguazim ategham. Kamaghɨn e bar aghumsɨki.’ ”