Aisaia 32:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ gumazamizir aghuiba me ziar ekiaba iti, me zurara arazir zuezibagh ami. Egha me arazir aghuibar amuasavɨra iti.

Aisaia 32:8 ပူးပေါင်းရင်းမြစ်များ

2 Korin 8:2

Osɨmtɨzir ekiam me batozɨ, dughiar kamɨn me biziba bar puvatɨ. Ezɨ God me gamizɨ, me bar akuegha, Kraisɨn adarazigh nɨghnɨgha, men akurvaghasa dagɨar bar avɨriba arɨzima da bar izɨfa.

Aposel 9:39

Ezɨ Pita aning ko ghua otogha, maghɨra ghuriar pɨn itimɨn ghuavanabo. Ezɨ amizir odiarir pura itiba, an mɨriamɨn tuivighav ikia azia, Dorkas angamɨra ikia me bagha ingarizir korotiaba ko korotiar azenan azuiba an akakasi.

Onger Akaba 112:9

A bizir bar avɨriba gumazir onganarazibagh amibagh anɨdi. Ezɨ an arazir aghuir kam gɨvaghan kogham, a ikɨvɨra ikiam. Egh a nguibamɨn aven ziar ekiam ikɨtɨ, gumazamiziba an ziam fam.

2 Samuel 14:14

E fo, e bar moghɨra arɨghiregh ua angamɨra ikian kogham, mati gumazim dɨpam nguazim gingeghtɨ, gumazitam uam a iniva avegham. God pura gumazibar ikɨrɨmɨriba agevir puvatɨ. Eghtɨ gumazitam an saghon ikɨtɨma, a gumazir kam inigh uabɨn boroghɨn izɨsɨ, a bagh tuaviba buriam.