Aisaia 32:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Eghtɨ arazir ziar ekiam isa gumazir arazir kurabagh amiba ko, gumazir onganibagh amibagh anɨdim, a bar gɨvagham.

Aisaia 32:5 ပူးပေါင်းရင်းမြစ်များ

Aisaia 5:20

Iavzika, ia bar ikuvigham. Ia ghaze, arazir kuram a dera, ezɨ arazir aghuim a ikufi. Egha ia ghaze, mɨtarmem an angazangarim, ezɨ angazangarim a mɨtarmem. Egha ia ghaze bizir akatorimɨn ikia mɨsozim a isɨngi, ezɨ bizir akatorimɨn ikia isɨngizim, a mɨsosi. Ia bar ikuvigham.

Malakai 3:18

Eghtɨ dughiar kamɨn, ia gumazamizir arazir aghuibagh amiba ko arazir kurabagh amiba, kɨ me gamir arazim, ia an ganam. Arazir aghuibagh amir gumazim, a nan akamɨn gɨn zui. Ezɨ arazir kurabagh amir gumazim, a nan akam batosi.”

Onger Akaba 15:4

Gumazir kam, akɨrim ragha God gasarazir gumazamiziba, a bar men aghua, egha gumazamizir Godɨn apengan ikia an atiatiba, a men ziaba fe, egha uan akar dɨkɨrɨzibar gɨrara ghua bizibagh ami. Bizir kam osɨmtɨzir ekiam a danɨngtɨ, a nɨghnɨgh suam, a pura bizim. A guizbangɨra uan akar dɨkɨrɨzir kamɨn gɨn mangam. Gumazir kamnang, a nɨn Dɨpenimɨn aven ikiam.

1 Samuel 25:25

Guizbangɨra, nɨ Nabalɨn akabagh nɨghnɨghan markɨ, an araziba bar ikufi. An ziamɨn mɨngarim kamakɨn, gumazir onganir nɨghnɨzir aghuiba puvatɨzim, ezɨ an arazim an ziamɨn mɨrara ghu. O nan gumazir ekiam, kɨ nɨn ingangarir amizim, nɨ e bagha amadazir gumazir igiaba, kɨ uabɨ men ganizir puvatɨ. Bar puvatɨ.

Aisaia 32:7

Ezɨ ifavarir gumazamiziba, nɨghnɨzir kurar bar avɨriba men dapanibagh izɨfa. Me gumazamizir biziba puvatɨziba, dɨkabɨnasa men kotiaba adafi. Me, onganarazibagh amir gumazir arazir kurabagh amir puvatɨziba, me kotɨn aven ifavarir arazir igharazibar mɨgɨrɨgɨabar me gami.