Aisaia 3:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Eghtɨ a kamaghɨn men akam ikaragham, “Kɨ ian akurvaghamin tuaviba puvatɨ. Kɨ uaghan dagheba ko iniba nan dɨpenimɨn puvatɨ. Ia na mɨseveghtɨ, kɨ ian gumazir dapanimɨn otivan markɨ.”

Aisaia 3:7 ပူးပေါင်းရင်းမြစ်များ

Hosea 5:13

“Efraimia uarir gara fo, me puv arei. Ezɨ Judaba uari uan duar ekiabar gari. Egha me dɨkavigha kantri Asirian ghua uarir akurvaghasa atrivir ekiam gakaghora an azangsɨsi. Ezɨ Asirian atrivim men arɨmariabagh amima, me ghuamazir puvatɨ. A men duabagh amima, da ua aguir puvatɨ.

Hosea 6:1

Ezɨ gumazamiziba kamaghɨn mɨgei: “Aria, e uamategh Ikiavɨra Itir God bagh mangam. An e abɨagharigha gɨfa, egh a ti e damutɨ, e ua deravɨram otogham. An e mɨsoghezɨ duaba e batifi, egh a duar kaba ua da ikegham.

Esekiel 34:4

Ia sipsipɨn gavgaviba puvatɨziba, deragha men garir puvatɨ. Egha arɨmariaba itiba, ia men arɨmariaba agevima, me ua ghuamazir puvatɨ. Egha duaba itiba, ia men duaba nozir puvatɨ. Egha tintinibar zuiba, ia ua me isa izir puvatɨ. Egha ovengeziba, ia me burir pu. Puvatɨ. Ia uan gavgavimɨn dagh ativagha bar pazavɨra dagh ami.

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

Aisaia 58:12

Egh ia nguibar ikuviziba ua dar ingaram. Ia dɨpenir ghurir fomɨra ikezir danganiba, ua dar dɨpenibar ingaram. Eghtɨ me kamaghɨn ziar kamning ia darɨgham, ‘Nguibar Ekiamɨn Dɨvazir Gavgavir akuaghireziba ua Dar Ingarir Gumazamiziba’ ko, ‘Nguibamɨn Aven Itir Tuaviba ua Deravɨram da Akɨri Darasi.’ ”

Godɨn Araziba 32:40

Bar guizbangɨra, kɨrara kɨ Godɨn zurara ikiavɨra itim. Egha kɨ uan ziar gavgavim akakagha, akar dɨkɨrɨzim kamaghɨn a gamua ghaze,

Jenesis 14:22

Ezɨ Abram ghaze, “Ikiavɨra Itir God, Godɨn Bar Pɨn Itim, overiam ko nguazimɨn ingarizim, kɨ an ziamɨn pamten kamagh mɨkɨmasa,

Joel 1:16

En dagheba en damazimɨn bar ikuvigha gɨfa, e manmaghɨra damuam? E uan Godɨn Dɨpenimɨn mangɨ, bar akuegh ighiabar amuan kogham.