Aisaia 3:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Kamaghɨn amizɨ, Ekiam amizir kaba ivezir kuram me danigham. Ikiavɨra Itir God Saionɨn amizibar amutɨ, duaba men dapanibagh izɨvagham, eghtɨ me men dapanibar arɨziba bar dagh iseghtɨ, me bar aghumsɨzir dafam iniam.

Aisaia 3:17 ပူးပေါင်းရင်းမြစ်များ

Jeremaia 13:22

Egh nɨ ti uan navir averiamɨn aven uabɨ uabɨn azangsɨgham, manmaghɨn amizɨ, bizir kurar kaba na batifi? Nɨ kamaghɨn fogh, Nɨn arazir kuram bar ekefe. Kamaghɨn amizɨ, gumaziba nɨn korotiaba suegha arazir kurabar nɨ gami.

Akar Mogomem 16:2

Ezɨ enselɨn faragha zuim, uan itarir Godɨn anɨngagharim izɨvazim inigha ghua nguazimɨn a inge, ezɨ duar bar igharagha garir kurar gavgaviba, gumazamizir asɨzir atiamɨn namba itiba ko an marvir guamɨn ziam feba, men mɨkarzibar otifi.

Maika 1:11

Ia Safirɨn nguibamɨn gumazamiziba, ia bibiabara ikɨva aghumsɨgh, kalabuziar gumazamizibar mɨn kantrin igharazimɨn mangɨ. Ia Sananɨn nguibamɨn gumazamizibar atiatigh, nguibam ategh azenan izan kogham. Ia oraghtɨ, Beteselɨn nguibamɨn adarazi arangtɨ ia fogh, mongamin danganitam kagh itir puvatɨ.

Aisaia 20:4

Eghtɨ Asirian atrivim mangɨ, kantri Isip ko kantri Itiopia mɨsogham. Egh a kantrin kamningɨn gumazamizir igiaba ko, gumazamizir ghuriba inigh mangɨ kantrin igharazir tamɨn me kalabuziam darɨgham. Egh me mangamin dughiamɨn, me korotiaba ko dagarir asuataba aghuighan kogham, me pura daruam. Me pura bibiabara ikɨ, bar aghumsigham.

Nahum 3:5

Ezɨ Ikiavɨra Itir Godɨn Gavgaviba Bar Itim kamaghɨn mɨgei, “O Ninive, kɨ nɨ gasɨghasigham. Nɨ tuavimɨn amizimɨn mɨn itima, kɨ datɨrɨghɨn nɨn korotiaba sueghtɨ nɨ bibiamra ikiam. Nɨ korotiaba puvatɨghtɨ, Kantrin Igharazibar Gumazamiziba nɨn gantɨ, nɨ bar aghumsigham.

Godɨn Araziba 28:27

Eghtɨ Ikiavɨra Itir God, Isipia gamizɨ moghɨn, okabar amutɨ, da ian mɨkarzibar otivam. Eghtɨ a duar gavgavibar amutɨ, da tintinibar ian mɨkarzibar otivam. Eghtɨ duar muziarir avɨriba ian mɨkarzibagh izɨvagh puvɨra ia gɨzɨghzɨghtɨ, ia uarir anɨngɨvɨra ikiam. Eghtɨ arɨmariar kaba akɨrightɨ, ia ua deraghamin tuaviba puvatɨgham.

Ofa Gami 21:20

o gumazir akɨrir fɨghtɨziba, o gumazir bar oteviba, o gumazir damazir kuraba, o gumazir mɨkarzir kuraba, o gumazir turiaba ikuviziba.

Solomon 3:11

O Jerusalemɨn amiziba, ia azenan izɨ Atrivim Solomonɨn ganigh. Atrivimɨn dapanir asuam an dapanimɨn iti. Atrivim Solomon amuimɨn itir dughiamɨn, an amebam dapanir asuar kam isa an dapanim garu. Ezɨ dughiar kamɨn a bar akonge.

Aisaia 3:16

Egha Ikiavɨra Itir God kamaghɨn mɨgei, “Ia Saionɨn itir amizibar gan. Me ghaze, me bar pɨn mar iti. Me aruir dughiabar, gumazamiziba men ganasa me uan suer kurkazibar amutɨ da tɨngaghasa, me pura darorir afangtɨzir kabagh ami. Me arua uan dapaniba fezɨ, men fɨriba bar ruara, ezɨ men damaziba pura tintinibar gumazibar gari.”

Aisaia 3:18

Eghtɨ dughiar kamɨn, Ekiam Saionɨn amizibar kurkaziba, bar me da ada adegham. Kar men kurkaziba: suer averiaba ko, segiaba ko, boavtariba ko, kuarir kurkaziba ko, dafarivteba ko, dapaniba aver nir avɨziba ko,