Aisaia 3:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ Ikiavɨra Itir God gumazamiziba bar men kotiaba baragha, me tuisɨghasav ami.

Aisaia 3:13 ပူးပေါင်းရင်းမြစ်များ

Maika 6:2

Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.

Onger Akaba 12:5

Ezɨ Ikiavɨra Itir God ghaze, “Gumazamizir onganarazibagh amiba, gumazamizir igharaziba paza me gamizɨ me mɨzaziba isa ara iti. Me nan akurvazim iniasa bar ifonge. Kɨ datɨrɨghɨn dɨkavigh izɨ men akurvagham.”

Onger Akaba 74:22

O God, nɨ dɨkavigh izɨ pamten apanibav kɨm suam, iarara osɨmtɨzim gami, kɨ puvatɨ. Egh gumazir akaba batogha dɨbovir akabar nɨ mɨgeiba, nɨ me gɨnɨghnɨgh bizitam damu.

Onger Akaba 82:1

Dughiar mamɨn aseba Godɨn Nguibamɨn uari akuvazɨ, God uan dabirabir danganim gaperagha men faragha ghua, akam me gasa kamaghɨn me mɨgei.

Aisaia 51:22

Ezɨ Ikiavɨra Itir God, nɨn God, a nɨn Ekiam, a gumazir kotɨn aven nɨn akurvazima nɨ uan apaniba dɨkabɨrim, a kamaghɨn mɨgei, “Nɨ ganigh! Nan anɨngagharimɨn aven itir itarir nɨn agharimɨn itir kam, kɨ anedangi, kar itarir nɨ an apava onganigha pura tintinibar ingarizim. Eghtɨ nɨ gɨn ua kavɨn kamɨn wainɨn dɨpam aman kogham.

Aisaia 66:16

Guizbangɨra, Ikiavɨra Itir God, avim isɨ, ivezir kuram gumazamizibar anɨngam. Eghtɨ an mɨdorozir sabam, gumazamizir bar avɨrimɨn arazir kuraba ikarvagh me mɨsoghtɨ, me arɨmɨghiregham.

Joel 3:12

Ezɨ God kamaghɨn mɨgei: “Kantribar gumazamiziba bar, dɨkavigh danganir zarir kamɨn izɨ. Me danganir zarir kam kamaghɨn a dɨbori, God Gumazamiziba Tuisɨsi. Kɨ danganir kam daperagh, Israelɨn boroghɨn itir kantribar gumazamiziba bar men arazir kuraba tuisɨgham.

Aisaia 1:18

“Ia oragh. Kɨ Ikiavɨra Itir God, kɨ ia mɨgɨa ghaze, Ia izɨ, e uari akuvagh deraghvɨra nɨghnɨgh akam akɨrigham. Kɨ garima, ia arazir kurar avɨriba iti, egha ia mati nir ghurghurim, me nguazir aghevim a gasɨghasigha gɨvazɨ moghɨn iti. Eghtɨ kɨ ia zuegh ia damutɨ, ia ua buruvir ovɨzimɨn mɨn bar ghurghurigham. Guizbangɨra, ian arazir kuraba, mati ter ovɨzir aghevir ighiabagh amimɨn mɨn gari. Eghtɨ kɨ ian arazir kuraba gɨn amadaghtɨ, ia arinir ghurghurimɨn mɨn bar ghurghurigham.

Maika 6:1

Ia oragh! Ikiavɨra Itir God Israelia isa kot gatɨ. O Israelia, ia dɨkavigh izɨ kotiamɨn, ia uan osɨmtɨzimɨn gun mɨkɨm. Eghtɨ mɨghsɨaba jasɨn mɨn ikɨ, ia baragh ian akaba tuisɨgham.