Aisaia 3:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ gumazamizir kuraba, mevzika! Me bar ikuvigham! Me uan dafaribar amizir arazir kuraba, gumazir igharaziba me ikarvagh arazir kurar me amizir kabara, me danɨngam.

Aisaia 3:11 ပူးပေါင်းရင်းမြစ်များ

Fofozir Gumazim 8:13

Egh arazir kurabagh amir gumazim, a deragh ikian kogham. A Godɨn atiatia an apengan itir puvatɨ, kamaghɨn a bar dughiar otevimɨn nguazir kamɨn ikiam.”

Jems 2:13

E fo, gumazamiziba igharaz darazir apangkuvan koghtɨ, God kotiamɨn me tuisɨghamin dughiamɨn, God uaghan men apangkuvighan kogham. Ezɨ gumazim o amizim igharaz darazir apangkufi, God kotiamɨn a tuisɨghamin dughiamɨn a Godɨn apangkuvimɨn ganam.

Onger Akaba 62:12

Kɨ zurara gumazamizibar apangkufi. Ekiam, nɨ gumazamiziba amir ingangariba baghvɨra ivezim isɨ me danɨngam.”

Onger Akaba 28:4

Gumazamizir kamagh amiba, nɨ me amir arazir kaba ikarvagh ivezir kuram me danɨng. Bizir kurar manam me a gami, nɨ anarɨra ikaragh uam a isɨ ivezimɨn mɨn me danɨng.

Aisaia 65:20

Eghtɨ borir muziariba uaghan igiabara ikɨ ovengan kogham. Eghtɨ gumazamiziba dughiar bar ruarimɨn ikɨ mangɨ bar ghurigham. Tarazi 100plan azeniba ikɨtɨ, gumazir igharaziba men ganɨva mɨkɨm suam, me ti bar gumazamizir igiabara iti. Eghtɨ men tarazi 100plan azeniba agɨvaghan kogh aremeghtɨ, igharaz darazi suam, Ekiam ti uabɨ me gamizɨ me ariaghire.

Aisaia 48:22

Ikiavɨra Itir God kamaghɨn mɨgɨa ghaze, “Gumazamizir arazir kurabagh amiba, me dabirabir aghuim batoghan kogham.”

Aghuzir Akaba 1:31

Kamaghɨn amizɨ, ia datɨrɨghɨn uan arazir kurar ia amiba bagh ivezir bar kuram iniam, mati gumazim dagher kuram amegha puvɨram arei.

2 Korin 5:10

Guizbangɨra, e bar moghɨra Kraisɨn kotɨn otivightɨ, an en araziba tuisɨgham. Dughiar e nguazimɨn inivafɨzimɨn aven itim, e arazir aghuibagh ami, o arazir kurabagh ami, eghtɨ kotiamɨn dughiam e bar vaghvagh uan arazir amizibar ivezim iniam.

Jenesis 18:25

Nɨ gumazir aghuiba ko kuraba sarama asɨghasɨgham, kar arazir aghuim puvatɨ. Nɨ gumazir aghuiba ko kuraba, arazir vamɨran me damuan markɨ. Nɨ nguaziba bar dar garir Jas, egh nɨ arazir aghuibara damuam.”

2 Eghaghaniba 6:23

O Ikiavɨra Itir God, nɨ uan nguibamɨn ikɨ, uan ingangarir gumazamizibar akaba baragh, egh deraghvɨra men kotiam akɨrigh. Egh nɨ mɨzazim isɨ gumazir osɨmtɨzim gamizim gasɨ, egh osɨmtɨzir kuramɨn uam a ikaragh. Egh nɨ osɨmtɨziba puvatɨzir gumazim deraghvɨra a damightɨ, gumaziba bizir kamɨn ganigh fogh suam an arazir kuram gamizir puvatɨ.

Jopɨn Akɨnafarim 10:15

Kɨ arazir kuratam damightɨ, guizbangɨra nɨ pazɨ na damigham. Egh kɨ arazir aghuim damigh, kamaghɨn nɨghnɨghan kogh suam, kɨ gumazir aghuim. Puvatɨ. Osɨmtɨzir na bativiba bar na gasɨghasɨghizɨ, kɨ bar aghumsɨki.

Aghuzir Akaba 12:14

Nɨn mɨgɨrɨgɨaba ko araziba da deraghtɨ, bizir kaba nɨn akuraghtɨ nɨ ivezir aghuim iniam.

Aisaia 13:11

Ikiavɨra Itir God kamaghɨn mɨgei, “Gumazamizibar arazir kuraba nguazir kam gizɨfa, kamaghɨn amizɨ, kɨ men arazir kuraba ikarvagh, puv me damigham. Gumazamizir uarira uan ziaba feba, kɨ me dɨkabɨragham. Gumazamizir igharaz darazi paza me gamua uari feba, kɨ pazɨ me damigh men ifaghatir arazim agɨvagham.

Aisaia 65:6

“Ia oragh! Ia gumazamizir kuraba, kɨ Ikiavɨra Itir God, ian arazir kuraba uan akɨnafarimɨn da osiri. Egh nɨmɨra ikian kogham. Puvatɨ. Kɨ bar ia gasɨghasɨgh, ian arazir kurabar ivezimra ia ikarvagham.

Aisaia 65:7

Kɨ Ikiavɨra Itir God, kɨ kamaghɨn mɨgei, kɨ ia damutɨ, ia uan arazir kurabar osɨmtɨziba ko uan inazir afeziabar osɨmtɨziba saram ateram. Ian inazir afeziaba mɨghsɨabar ghuavanega, asebar ziaba fer danganibar, ofan mɨgharir mughuriar aghuiba zuibagh ami. Egha me mɨghsɨabar pɨn ikia arazir kurar avɨriba nan damazimɨn dagh amua, egha arazir kamɨn na dɨpova aghumsɨzim na ganɨdi. Kamaghɨn amizɨ, kɨ men arazir kurar me amizibar ivezimra me danɨngam.”

Jeremaia 21:14

Kɨ ian arazir kurar ia amiziba ikarvagh pazavɨra ia damigham. Kɨ avim damightɨ a Jerusalemɨn nguibar ekiamɨn otogham, mati avim ruarir arɨzimɨn dɨkavigha isi, egh avir kam atrivimɨn dɨpenimɨn isitɨ, Jerusalemɨn dɨpeniba uaghan bar moghɨra isigham. Kɨ Ikiavɨra Itir God, kɨ mɨkemegha gɨfa.”

Jeremaia 31:30

Puvatɨ. Dughiar kamɨn, gumazitam arazir kuratam damigham, a uabɨ aremegham. Mati gumazim wainɨn ovɨzir anizir puvatɨziba amezɨ, da an akam mɨsozi an atariba a giri.”

Esekiel 2:10

Ezɨ God akɨnafarir rɨghizir kam nan damazimɨn an onezɨ, kɨ garima, tuater arareba ko, azirakar ighiaba ko, gumazamiziba osɨmtɨziba itir akaba, me da osirizɨ, da vong ko vong sara iti.

Esekiel 18:20

Gumazim an arazir kuram gami, anarɨram aremegham. Otarim afeziamɨn arazir kurabar ivezir kuram inian kogham. Eghtɨ afeziam, otarimɨn arazir kurabar ivezir kuram inian kogham. Gumazir arazir aghuim gamizim, an an ivezir aghuim iniam. Eghtɨ gumazir arazir kurabagh amim, a da bangɨn ivezir kuram iniam.

Esekiel 24:14

Kɨ Ikiavɨra Itir God kamaghɨn mɨkeme, kɨ ia gasɨghasɨghamin dughiam izi. Kɨ a damu, egh ian arazir kuraba ateghan kogham. Egh ian apangkuvighan kogham. Kɨ ia amizir arazir kuraba tuisɨgh, da bagh ivezir kuram ia danɨngam. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”

Esekiel 33:8

Kɨ gumazitamɨn gantɨ an arazir kuratam damutɨ, kɨ suam, an aremegham. Eghtɨ nɨ ikiangsɨzim a danɨng a mɨkɨm suam, a uan navim giragh arazir kurar kaba atakigh. Nɨ a mɨkɨman aghuaghtɨ, an arazir kuraba kamaghɨra ikɨtɨ an aremegham. Eghtɨ nan damazimɨn, an osɨmtɨzimɨn ghuzim nɨn dafarimɨn ikiam.

Maika 3:4

Eghtɨ dughiatam gɨn izɨtɨ, ia akurvazim bagh Ikiavɨra Itir Godɨn arangtɨ, a ia bareghan kogham. Ia arazir kurabagh ami, kamaghɨn amizɨ, a ian azangsɨziba bareghan kogham, mati a uan guam ian modo.”

Maika 7:13

Ezɨ kantrin kabar gumazamiziba bar arazir kurabagh ami. Kamaghɨn amizɨ, da danganir bar kurabar mɨn ikiam.

Dɨboboniba 32:23

Kɨ akar gavgavimɨn kamaghɨn ia mɨgei, ia uan akar dɨkɨrɨzimɨn gɨn mangan koghɨva, ia guizbangɨra Ikiavɨra Itir Godɨn damazimɨn arazir kuram gami. Ia kamaghɨn deravɨra fogh, Ikiavɨra Itir God ian arazir kurar kam bagh pazavɨra ia damigham.

Gumazir Dapaniba 9:57

Ezɨ Sekemɨn gumazamiziba amizir arazir kuram, God uaghan a ikara. Jerubalɨn otarim Jotam, a faragha ghaze, Sekemɨn gumazamiziba ikuvigham, ezɨ datɨrɨghɨn arazir kam, a mɨkemezɨ moghɨn oto.

2 Samuel 3:39

Guizbangɨra, Ikiavɨra Itir God na mɨsevezɨ, kɨ atrivimɨn oto. Ezɨ kɨ uabɨ gavgaviba puvatɨ. Kɨ Seruian otarimningɨn arazir kuram ikarvaghan ibura. Aning bar gavgafi. Ezɨ Ikiavɨra Itir God uabɨ aning amizir arazir kurar kam ikarvaghsɨ, ivezir kuram aning danɨngam.”

1 Atriviba 21:21

Kamaghɨn amizɨ, Ikiavɨra Itir God kamaghɨn nɨ mɨgei, ‘Kɨ Ikiavɨra Itir God, kɨ nɨ gasɨghasigham. Egh nɨn adarazir gumazir igiaba ko aruaba sara bar me agɨvagham.

Aghuzir Akaba 11:31

E fo, gumazir aghuiba me nguazir kamɨn ikia uan araziba bagha ivezir aghuim isi. Ezɨ e bar fo, gumazir arazir kurabagh amiba me uan ivezir kuram gitaghan kogham. Ikiavɨra Itir God guizbangɨra me danɨngam.

Aghuzir Akaba 26:27

Gumazim igharazitav magɨrasa a bagha mozim gɨkuigha, a uabɨ mozir kam giraghu. Egha mati gumazim dagɨam popoegha mɨghsɨamɨn ghuavanadi, dagɨam ua puegha izaghira a gisɨn ghu.

Esekiel 16:59

Ikiavɨra Itir Godɨn Ekiam ua kamaghɨn mɨgɨa ghaze: “Nɨ fomɨra na ko Akar Dɨkɨrɨzir Gavgavim gamigha akam akɨrigha ghaze, nɨ an gɨn mangam. Egha nɨ uan akar dɨkɨrɨzimɨn aghuagha Akar Dɨkɨrɨzir Gavgavim abɨki. Kamaghɨn amizɨ, kɨ nɨn arazir kurar kamra, a ikarvagham.