Aisaia 3:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ia oragh! Ekiam, a Ikiavɨra Itir Godɨn Gavgaviba Bar Itim, a kɨran oveghangɨn Jerusalem ko Judan gumazamiziba, me da, men akurvaziba ko biziba bar da batuegham, kar bizir me gamima men dabirabim deraziba. A men dagheba ko dɨpaba bar da agɨvagham.

Aisaia 3:1 ပူးပေါင်းရင်းမြစ်များ

Ofa Gami 26:26

Egh kɨ ian daghebar tɨvaghtɨ, ia daghebar oteveghtɨ ian amiziba dagher avɨriba avimɨn da tuan kogham. Eghtɨ bretba tuer danganimɨn avir vamɨra, 10plan amiziba uan dagheba tuam. Eghtɨ ia bar bretɨn muziariba ini dar amɨtɨ mɨtiriam ian aghɨvɨra ikiam.

Esekiel 14:13

“Nguazimɨn gumazim, kantrin tamɨn gumazamiziba arazir kuram damighɨva nɨghnɨzir gavgavim nan ikiam koghtɨ, kɨ uan gavgavim men akagh men daghebar amightɨ da mangɨ bar otevegham. Kɨ mɨtiriam azir dughiam me bagh anemadaghtɨ, gumazamiziba ko asɨziba vɨrara daghem bangɨn arɨghiram.

Aisaia 1:24

Kɨ Ekiam, kɨ Ikiavɨra Itir Godɨn Gavgaviba Bar Itim. Kɨ Israelian Atrivir Bar Gavgavim, egha kɨ kamaghɨn mɨgei, “O Jerusalem, nɨ datɨrɨghɨn nan akaba baragh. Kɨ uan apaniba, ivezir kuram me ikarvagham, eghtɨ me uam osɨmtɨzim na darɨghan kogham.

Jeremaia 38:9

“Ga uaning, gumazir aruam, gumazir kaba arazir bar kuramɨn, akam inigha izir gumazim Jeremaia gami. Me a isa mozir mam mɨkɨni. Eghtɨ a mozir kamɨn ikɨva, dagheba puvatɨgh aremegham. Nɨ fo, dagheba nguibar ekiar kamɨn bar puvatɨ.”

Jeremaia 37:21

Jeremaia mɨkemegha gɨvazɨma, Atrivim Sedekaia mɨgeima, me Jeremaia isa atrivimɨn dɨvazimɨn aven mɨdorozir gumazibar danganir mamɨn, Jeremaia isa kalabus gatɨ. Egha atrivim me mɨkemezɨ, me dughiaba bar bretba tuer dɨpenimɨn, bretba vaghvagha da isa iza Jeremaia ganɨdi. Me arazir kam gamuavɨra ikia, ghua nguibar ekiamɨn bretba bar gɨvazir dughiam otozɨ, me ua kamaghɨn amir puvatɨ. Dughiar kabar, Jeremaia kamaghɨra mɨdorozir gumazibar danganimɨn kalabusɨn ikiavɨra iti.

Aisaia 51:22

Ezɨ Ikiavɨra Itir God, nɨn God, a nɨn Ekiam, a gumazir kotɨn aven nɨn akurvazima nɨ uan apaniba dɨkabɨrim, a kamaghɨn mɨgei, “Nɨ ganigh! Nan anɨngagharimɨn aven itir itarir nɨn agharimɨn itir kam, kɨ anedangi, kar itarir nɨ an apava onganigha pura tintinibar ingarizim. Eghtɨ nɨ gɨn ua kavɨn kamɨn wainɨn dɨpam aman kogham.

Aisaia 36:12

Ezɨ abuir gumazir kam kamaghɨn akam ikaragha ghaze, “Nan gumazir ekiam pura akar kamɨn ia ko ian gumazir ekiam, a iarara mɨkɨmasa na amadazir pu. Puvatɨ. Gumazir dɨvazim gisɨn tuivighav itiba, me uaghan akar kam baragham. Guizbangɨra, mɨdorozim otoghtɨ, e Jerusalem ekɨarugham, eghtɨ dughiar kuram bar ia batogham. Eghtɨ ia gumazir dɨvazim gisɨn tuivighav itiba, ia bar dagheba puvatɨghɨva uan buaribar amɨva, uan mɨsɨzir pabar amam.”

Aisaia 5:13

Kamaghɨn amizɨ, Ikiavɨra Itir God ghaze, “Bar guizbangɨra nan gumazamiziba, ia na gɨfoghan aghua, kamaghɨn ian apaniba ia inigh mangɨ nguibar igharazimɨn ia isɨ kalabuziam darɨgham. Ian gumazir aruaba ko gumazamiziba, me dɨpaba ko dagheba puvatɨgham, egh me bar ikuvigham.

Aisaia 2:22

Ia gumazir kɨniba kamagh me gɨnɨghnɨghan markɨ, egh suam, me ian akurvagham. Puvatɨ. Me dughiar otevimra ikegh arɨmɨghiregham. Mati gumazim abuan duam suasa uabɨ gekuigha gɨfa.

Onger Akaba 105:16

Ikiavɨra Itir God mɨtiriar aghazir ekiam amadazɨ, a nguazimɨn oto. A men daghebagh amizɨ, da bar gɨfa.

Aisaia 3:16

Egha Ikiavɨra Itir God kamaghɨn mɨgei, “Ia Saionɨn itir amizibar gan. Me ghaze, me bar pɨn mar iti. Me aruir dughiabar, gumazamiziba men ganasa me uan suer kurkazibar amutɨ da tɨngaghasa, me pura darorir afangtɨzir kabagh ami. Me arua uan dapaniba fezɨ, men fɨriba bar ruara, ezɨ men damaziba pura tintinibar gumazibar gari.”

Aisaia 9:20

Me gumazamizir igharazibar biziba, tintinibar da okɨmasa. Eghtɨ bizir kaba men ifongiaba agɨvan kogham. Me mati gumazim dagher avɨriba apavɨra ikiava izɨvazir puvatɨ. Egha me uaghan arazir kamra, uan ikɨzibagh amua me gasɨghasɨsi.

Jeremaia 52:3

Judaba ko Jerusalemian arazir kuraba Ikiavɨra Itir God gamizɨ, a bar men anɨngaghe. Egha Ikiavɨra Itir God gumazamizir kaba bar me batoghezɨ, me an guamɨn saghon ghue. Ezɨ gɨn Sedekaia, Babilonɨn atrivim, a gativagh an ganan a bar aghua, egha a uam an apengan itir puvatɨ.

Jeremaia 52:6

ezɨ an namba 4ɨn iakɨnimɨn otogha ghua, namba 9ɨn aruem otozɨ, men dagheba bar gɨfa. Kamaghɨn amizɨ, Jerusalemɨn gumazamiziba mɨtiriam bar puv men azi.

Amos 4:6

“Kɨrara, kɨ mɨtiriar ekiam gamizɨ, a ian nguibaba bar da batozɨ, dagheba puvatɨ. Ezɨ ia tong uan navibagh irazir pu. Bar puvatɨ. Kɨ Ikiavɨra Itir God, kɨ kamaghɨn mɨkeme.”

Maika 4:9

Jerusalem, nɨ manmaghsua pamten arai? Nɨ tizim bagha amizim borim batasa mɨzazim isi moghɨn uabɨ barasi? Nɨ ti atriviba puvatɨ, a? Ezɨ nɨn fofozir gumaziba ti ariaghire, a?