Aisaia 27:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Egh Israelia guizbangɨra mɨkɨm suam, Ikiavɨra Itir God men arazir kurabar osɨmtɨziba agɨvam, eghtɨ me uan asebar ofa gamir dakoziba apɨrighɨva, dar dagɨaba amsarɨraghitɨ da nguazir mɨnemniamɨn mɨn otogham. Egh me temer guarir aser amizim Aseran nedazim itiba okɨrarɨgh. Egh paura tuema a mughuriar aghuim zuir dakoziba, bar dagh asɨghasɨkigh. Tuavir kamɨn, Ikiavɨra Itir God men arazir kuraba gɨn amadagham.

Aisaia 27:9 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 11:27

Kɨ men arazir kuraba bar da agɨvaghɨva, egh dughiar kamɨn uan Akar Dɨkɨrɨzir Gavgavir kam me ko a damuam.”

Aisaia 48:10

Kɨ ia damightɨ ia zueghasa nɨghnɨsi, egha kɨ avimɨn ia tuezir puvatɨ, mati gumazim silvan mɨneziba adangasa avimɨn da tue. Ia uan arazir kuraba ataghɨraghasa, kɨ osɨmtɨzir guar avɨriba ataghizɨ, da ia batifi. Kɨ tuavir kamɨn ian nɨghnɨziba ko araziba tuisɨsi.

Daniel 11:35

Eghtɨ apaniba gumazir dapanir tabav soghtɨ me arɨghiram. Eghtɨ men osɨmtɨzir kam gavgavim gumazamizir mabar anɨngam. Me arazir aghuibar amuva, Godɨn damazimɨn bar zuegham. Eghtɨ arazir kam gɨvaghan kogham. A kamaghɨra ikɨ mangɨ God inabazir dughiar abuananamɨn tugham.

Aisaia 17:8

Egh me uamategh uari ingarizir ofa gamir dakoziba bagh mangan kogh, egh ua aser amizim Aseran ziam fan kogh, egh temer guarir aser amizim Aseran nedazim itiba, dar ziaba fan kogham. Egh pauran mughuriar aghuim zuim isɨ aser amizim Asera bagh me ofa gamir dakozibar uam a tuan kogham. Me uari uan dafaribar ingarigha asebar ziaba fer bizir kaba, me bar da agɨvagham.

1 Korin 11:32

Ekiam kamaghɨn ifonge, e nguazimɨn itir gumazamiziba ko ovengan kogham. Egha kamaghɨn a en arazir kuraba akɨrasa osɨmtɨziba e ganɨdi.

Sekaraia 13:2

Ikiavɨra Itir Godɨn Gavgaviba Bar Itim ua kamaghɨn mɨgei, “Kɨ dughiar kamɨn godɨn ifavarir marvir guaba nguazir kamɨn da batuegham, eghtɨ gumazitam uam a dagh nɨghnɨghan kogham. Egh uaghan akam inigha izir ifavarir gumaziba ko, duar mɨzɨrɨziba, kɨ nguazir kamɨn da batuegham.

Hosea 14:8

“O Efraimia, ia ua marvir guabar ziaba fan kogham. Kɨ uabɨra, ian azangsɨziba baragham. Egh deraghvɨra ia geghuvam. Eghtɨ ia nan apengan ikiam, mati gumazim aruemɨn dughiamɨn, temer ekiamɨn dughuazimɨn apengan aperaghav iti. Ia isir bizir aghuiba bar, kɨrara dar mɨngarim.”

Esekiel 20:38

Ian tongɨn itir akaba batogha arazir kurabagh amir gumazamiziba, kɨ me batueghtɨ, me ua ian tongɨn ikian kogham. Me datɨrɨghɨn kantrin igharazibar nguazibar ikia kalabuziamɨn iti, eghtɨ kɨ dar me inigh azenan izam. Eghtɨ me ua Israelɨn nguazimɨn aven mangan kogham. Eghtɨ ia kamagh fogh suam, kɨ Ikiavɨra Itir God.

Esekiel 11:18

Egh me uamategh Israelɨn nguazimɨn izeghɨva asebar marvir guar kɨ bar aghuaziba, bar da batokegh.

Aisaia 4:4

Ekiam Jerusalemɨn nguibam damightɨ, a ua deragh zueghasa. A uan gavgavir ekiamɨn, avimɨn mɨn izɨ gumazamizibar araziba tuisɨgh, egh Saionɨn amizibar arazir mɨzɨrɨziba bar da ruva da gɨn amadagham. Egh uaghan Jerusalemɨn gumaziba, gumazir igharaziba mɨsozi men ghuziba irezir araziba ruegham. Dughiar kamɨn Jerusalem zuegh gɨvagham.

Aisaia 1:29

Ia faragha temer okɨn ekiabar tongɨn, asebar ziaba fava temer kaba bagha bar akonge, egh gɨn ia amizir arazir kurar kaba bagh aghumsɨgham. Ia faragha aseba fasa azenibar ingarigha, dar anogoregha ghaze, da asebar ziaba famin danganiba aghegha pura iti. Egh gɨn ia navibagh iragh, egh arazir ia faragha amizibagh nɨghnɨgh bar aghumsigham.

Aghuzir Akaba 20:30

Nɨ gumazir arazir kuram gamizim mɨsueghtɨ, bizir kam a damutɨ a uan arazir kuraba akɨrim ragh dagh asaraghɨva, gumazir aghuimɨn otogham.

Onger Akaba 119:71

Nɨ bar deragha mɨzazim na gase. Nɨ mɨzazim na gasezir bizir kamɨn, nɨ arazir nɨ ifongeziba nan aka.

Onger Akaba 119:67

Kɨ fomɨra tɨghar mɨzaziba iniamin dughiam, kɨ nɨn gɨn zuir tuavim ataki. Kɨ datɨrɨghɨn nɨn akaba baragha dar gɨn zui.

2 Eghaghaniba 36:19

Ezɨ Babilonia Godɨn Dɨpenim gaborogha Jerusalem avɨnizir dɨvaziba bar ada akaragharɨki. Egha nguibamɨn aven atrivir dɨpenim ko, dɨpenir aghuir igharaziba bar dagh apongezɨ da isi. Egha bizir iveziba bar pɨn kozibagh asɨghasɨki.

2 Eghaghaniba 34:4

A ghua garima, ingangarir gumaziba asem Balɨn ofa gamir dakozibagh asɨghasɨgha, dar boroghɨn itir paura mughuriar aghuimɨn ofabagh amir dakozibagh asɨghasɨki. Egha me temer guarir aser amizim Aseran nedazim itiba ko, temeba ko, ainɨn ingarizir aser mabar nedaziba sara asɨghasɨgha, dav sozima da mɨsaraghira averenimɨn mɨn oto. Egha me averenir kaba inigha ghua gumazamizir fomɨra aser kabar ofa gamizibar mozibagh isɨn da kavamangi.

2 Eghaghaniba 14:5

Egha uaghan, Judan nguibar ekiaba itir aseba fer danganiba ko pauran mughuriar aghuim zuim tuer ofa gamir dakoziba, a bar da batoke. Egha a deragha kantrin garima, mɨdoroziba puvatɨzɨ, gumazamiziba deraghavɨra iti.

2 Atriviba 25:9

Egha a Ikiavɨra Itir Godɨn Dɨpenim ko Judan atrivimɨn dɨpenim ko, Jerusalemɨn gumazir aruabar dɨpeniba sara, a bar dagh aponge. Babilonian dɨpeniba bar, a vaghvagha dagh aponge.

Ua Me Ini 34:13

“Ia men asebar ziaba fer bizir kabagh asɨghasɨkigh. Ia ofa gamir dakoziba ko, dagɨar guarir dɨghoriba itiba akunightɨ, da bar bɨghirɨ akuabagh iregh. Egh temer guarir aser amizim Aseran nedazim itiba bar da okeghtɨ da iregh.

Ofa Gami 26:30

Eghtɨ kɨ uan navir averiamɨn aven ian anɨngaghegh, ia mɨghsɨamɨn pɨn ingarizir danganir asebar ziaba febagh asɨghasɨgh, ian ofan mɨgharir mughuriar aghuim zuibagh amir ofa gamir dakoziba apɨrigham. Egh kɨ ia mɨsuegh ian kuaba isɨ marvir guar kɨ asɨghasɨghizir kabagh isɨn da kunigham.

Godɨn Araziba 12:3

Egh men ofa gamir dakoziba apɨrarigh, men dagɨar guarir dɨghoriba itiba mɨsararɨkigh, egh temer guarir aser amizim Aseran nedazim itiba avimɨn da tueghtɨ da isigh, egh sobiamɨn men marvir guaba okɨva, bar dagh asɨghasɨkigh. Eghtɨ me ua nguazir kamɨn dar ziaba fan kogham.

2 Atriviba 10:26

Me Balɨn ziam fer dɨpenimɨn aven ghuegha, guarir akɨnir asebar nedaziba itir gumaziba dar ziaba feba, inigha azenan iza avimɨn dagh aboro.

Esekiel 6:4

Egh apaniba, ian ofa gamir dakoziba, ko ian ofan mɨgharir mughuriar aghuim zuim gamibar dakoziba bar da apɨrarigham. Egh kɨ apanibar amutɨ, me Israelian gumazamiziba bar me mɨsoghɨrarigh, men kuaba ian marvir guabar damazibar da akunightɨ, da ireghɨv ikiam. Eghtɨ kɨ apanibar amamangatɨghtɨ, me men aghariba ian ofa gamir dakozir kabar mɨriabar tintinibar da aghamsightɨ da ireghɨv ikiam.

2 Atriviba 23:14

Atrivim Josaia dagɨar guarir dɨghoriba itiba apɨragharɨgha, temer guarir aser amizim Aseran nedazim itiba okagharɨki. Egha a gumazir aremegha gɨvazibar aghariba inigha, tintinibar asebar ziaba fer danganibar da kuni, egha kamaghɨra danganir kabagh amizɨ, da gumazamizibar damazibar mɨze.

Aisaia 30:22

Egh ia uan asebar marvir guaba, ia fomɨra dar ingarigha silva ko golɨn da noke. Egh ia marvir guar kaba batogh dar gantɨ da mati bizir kuriba, egh ia kamaghɨn me mɨkɨmam, “Ia kamatɨgh. E ua ia gifongezir puvatɨ.”

Aisaia 40:2

Ia apangkuvim itir akar aghuir kam isɨ, Jerusalemɨn nguibamɨn gumazamiziba me mɨkɨm gavgavim me danɨng. Egh kamaghɨn nan gun me mɨkɨm suam, kɨ Ikiavɨra Itir God, kɨ uan dafarimɨn men arazir kuraba ikaragha bar dughiar ruarimɨn me ataghizɨ me kalabusɨn ike. Ezɨ datɨrɨghɨn kɨ men mɨzaziba ko ingangarir ekiam agɨvagha men arazir kuraba gɨn amadazɨ, me fɨriaghɨre.”

Maika 5:11

Egh kɨ ian nguibar ekiaba ko dar dɨvazir gavgaviba bar ada akarightɨ, ia uam adar mongɨva avegham.