Aisaia 27:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Egh apanir kaba, kɨ men gansɨ, me na bagh izɨ na ko deragh ikɨsɨ, me akar dɨkɨrɨzir tam damigham.”

Aisaia 27:5 ပူးပေါင်းရင်းမြစ်များ

Aisaia 25:4

Gumazamizir biziba puvatɨziba, nɨ deravɨra me geghuva men gari. Gumazamizir onganarazibagh amiba, osɨmtɨzibar dughiamɨn itima, nɨ men mogomer danganir bar gavgavimɨn mɨn iti. Atrivir kurabar adariba ko anɨngaghariba, mati amɨnir gavgavim iza dɨpenir bɨrim ginifi. Ezɨ nɨ mati averpenim me avarazɨ, amɨnir gavgavim izɨva me gɨnobaghan kogham. Ezɨ gumazir kurabar adariba, mati aruemɨn fefem dɨpaba puvatɨzir danganimɨn ikegha pamtem me gisira. Ezɨ nɨ mati, me tememɨn dughuazimɨn apengan ikia, aruemɨn fefemɨn uari apasi. Ezɨ amɨnim ko amozimɨn dughiamɨn, nɨ biziba puvatɨzir gumazamiziba avarazɨ me deravɨra iti, ezɨ aruer gavgavim me gapongezir puvatɨ, mati overiamɨn ghuariaba aruemɨn fefeim avarazɨ, nguibam bar orangi. Nɨ ifaghatir apanibar akaba dukumizɨ, atrivir kurabar dɨmdiaba pura gefi.

Jopɨn Akɨnafarim 22:21

“Jop, nɨ oragh. Nɨ datɨrɨghɨn God ko akam akɨrigh, a ko navir vamɨra ikɨ. Nɨ kamaghɨn damightɨ, a deravɨra nɨ damuam, eghtɨ nɨn dabirabim ua deragham.

Hibru 6:18

Egha datɨrɨghɨn akar pumuning iti, kar Godɨn akar dɨkɨrɨzim, ko Godɨn arazir uan ziam dɨborim, aning otevkɨnighan kogham. God uabɨ ifarir puvatɨ. Kamaghɨn amizɨ, e gumazamizir ara ghua Godɨn boroghɨn mongeziba, e Godɨn akar dɨkɨrɨzim gɨnɨghnɨgh egh e uan naviba gavgavim dar anɨng, egh bizir aghuir e fogha iniamiba mɨzuamvɨra ikiam.

Aisaia 56:2

“Gumazamiziba arazir aghuibar gɨn mangasa gavgavigha, Sabatɨn araziba deravɨram dar gɨn ghua, egha arazir kurabagh amir puvatɨ, me bar akongegh. Kɨ deraghvɨra me damuam.”

Aisaia 45:24

Egh me kamagh mɨkɨm suam, Godra arazir aghuimɨn en akurvagha gavgavim e ganɨdi. Eghtɨ gumazamizir an anɨngagheziba, bar moghɨra an damazimɨn izɨ, egh aghumsɨzir ekiam inigham.

Josua 10:6

Dughiar kam, Josua Gilgalɨn danganim aghuigha itima, Gibeonia a bagha zuamɨrama akam amaga ghaze, “O gumazir ekiam, e ian ingangarir gumaziba, e nɨn apengan iti. Ezɨ nɨ e ateghan markɨ, nɨ zuamɨra izɨ en akuragh! Amorian atrivir danganir mɨghsɨabar itiba uan mɨdorozir gumaziba isafuragh, izighirɨ e mɨsoghasa.”

Luk Osirizir Akar Aghuim 19:42

Egha a kamaghɨn mɨgei, “Jerusalem, kɨ kamaghsua, nɨ amua datɨrɨghɨn navir amɨrizimɨn bizibagh foghai. Kamaghɨn amizɨ, da datɨrɨghɨn nɨn modo.

Aisaia 64:7

Gumazitam nɨn ziam dɨbora nɨ ko mɨgeir puvatɨgha, akurvazim bagha nɨn boroghɨn zuir puvatɨ. E ghaze, en arazir kuraba bangɨn, nɨ bar uan guam en modogha e ataghizɨ, en arazir kuraba e gasɨghasɨghizɨ, e bar ikuvigha iti.

Luk Osirizir Akar Aghuim 14:32

A mɨsoghan iburaghɨva, egh atrivim saghuiamra ikɨtɨma, an abuir gumaziba mangɨ suam, mɨdorozim markɨ.

Luk Osirizir Akar Aghuim 13:34

Egha Iesus ua kamaghɨn mɨgei, “Oio, ia Jerusalemɨn adarasi, kɨ ian apangkufi! Ia Godɨn akam inigha izir gumazibav sozi me ariaghiri, egha God ia bagha amadir gumaziba, ia dagɨaba isa me ginivi me ariaghiri. Dughiar avɨribar kɨ ian boriba akuv me mughasa, mati tuarir amebam uan avɨzimingɨn nguziba avarazɨ moghɨn, kɨ ia damuasa ifonge. Ezɨ ia na bagh izan aghua.

Aisaia 12:2

“Ia oragh! God nan akuragha ua na ini. Eghtɨ kɨ nɨghnɨzir gavgavim an ikɨva atiatingan kogham. Ikiavɨra Itir God, a Godra, a na gamima, kɨ gavgavigha iti. Guizbangɨra, a nan Akurvazir Gumazim, ezɨ kɨ an ziam fava onger akam gami.”

Aisaia 26:12

O Ikiavɨra Itir God, nɨ en ingangariba akɨrmigha dagh amizɨ, da deravɨram otifi. Kamaghɨn amizɨ, nɨ dabirabir aghuim ko navir amɨrizim isɨ e danɨngigh.

Aisaia 42:19

Ia nan ingangarir gumazamiziba, kɨ ua bagha ia amɨsefe, eghtɨ ia na baghvɨra ikɨ, nan abuir gumazibar mɨn ikɨ nan akam inigh mangam. Egha ia gumazir damazir okavɨrɨziba ko, kuarir onganibar mɨn iti, egha bar damazir ikuviziba ko kuarir onganiba, bar me gafira.