Aisaia 27:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Kɨ datɨrɨghɨn uan wainɨn azenir kamɨn atarir puvatɨ. Egh kɨ gantɨ, ogher ataghatariba itiba ko, ogher kurataba a bativightɨ, kɨ, mati mɨdorozir gumazim uan apanibav sozi moghɨn, kɨ dagh asɨghasɨgham. Kɨ avim daborogh, ogher kaba bar dar aboroghtɨ da isigham.

Aisaia 27:4 ပူးပေါင်းရင်းမြစ်များ

Hibru 6:8

Eghtɨ benir ataghatariba ko benir kuraba an ikɨtɨ, kamaghɨn nguazim ikuvigham. A dughiar ruarim ikeghan kogham, eghtɨ God suam, nɨ ikufi, nɨ bar isigham.

Aisaia 10:17

Ekiam, a Israelian Godɨn Bar Zuezim, a Israelian gumazamizibar angazangarimɨn mɨn iti. Egh Asiriaba, an avir bar dafamɨn mɨn otogh, men kantri daboroghtɨ, a isigham. Egh dughiar vamɨran, a Asirian oghevsevir kurabar apueghtɨ, da bar isigham.

Matyu 3:12

A witba mɨsevir savol an agharimɨn iti, eghtɨ a uan witba mɨsɨva dar daghebar arɨghɨva, witba mɨsevir dɨpenimɨn witɨn mɨseviba aviva, egh dar mɨseviba avir munger puvatɨzimɨn da akuntɨma, da isiam.”

Onger Akaba 85:3

Nɨ faragha men atara men anɨngazi. Nɨ arazir kam, datɨrɨghɨn uam a gamir puvatɨ.

2 Samuel 23:6

Gumazir arazir kurabagh amiba, me mati benir dɨkonir ataghatariba, gumaziba da makuri. Eghtɨ gumazamiziba uan dafaribar dar suighan kogham.

2 Pita 2:9

Ekiam amizir biziba, e dagh nɨghnɨgha kamaghɨn fo, osɨmtɨzitam gumazamizir Godɨn Arazibar gɨn zui taba batogham, God osɨmtɨzir kam uam me da a iniamin tuavim gɨfo. Ezɨ God arazir kurabagh amir gumazamizibagh fo, egha men arazir kuraba ikarvaghamin tuavim gɨfo, mamaghɨra ikɨ mangɨva Godɨn Kotɨn Ekiamɨn Dughiam otogham.

Malakai 4:3

Kɨ Ikiavɨra Itir Godɨn Gavgaviba Bar itim ghaze, bizir kabar amuamin dughiamɨn, ia gumazir kurar kaba ia tuzir siribar mɨn me dɨkabɨn me abɨnigham.

Esekiel 16:63

Nɨ amizir arazir kuraba, kɨ bar ada gɨn amadagham, eghtɨ nɨ dagh nɨghnɨgh bar aghumsigh mɨkɨman akabagh asagham. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Aisaia 9:18

Gumazamizibar arazir kurabara me gasɨghasɨsi. Mati avim benir ataghatariba ko ogher kurabar isia ghua, temer dafaribagh irɨgha ghua, ruarir ekiam girɨzɨ a isi. Ezɨ maburan mɨgharim dɨkavigha ghuavanadi.

Onger Akaba 103:9

An atara ghuavɨra itir puvatɨ. An atara egha adarimɨn suirazɨ, a dughiar ruarimɨn itir puvatɨ.

Aisaia 33:12

Egh ia mati me gumazibar aghariba tuezɨ, da arinimɨn otozɨ moghɨn, ia otivigham. Egha mati me benir ataghatarim tuazɨma an averenimɨn otozɨ moghɨn, ia otivigham.

2 Samuel 23:7

Gumazitam benir dɨkonir kaba batueghsɨ, an ainɨn otevitam o afuziv siatamɨn da itir danganimra da akuvagh dar apongtɨ, da isi bar gɨfagh.

Jeremaia 29:11

Kɨ Ikiavɨra Itir God, kɨ bizir ian akurvaghsɨ damuamiba, kɨ adagh nɨghnigha dagh fogha gɨfa. Kɨ deraghvɨra ia damutɨ ia navir amɨrizim ko, dabirabir aghuim ikiasa kɨ ifonge. Kɨ pazɨ ia damuan aghua. Ia bizir kɨ damuamin kabagh nɨghnɨgh, dughiar kam mɨzuam ikɨtɨ, an otogham.