Aisaia 27:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Eghtɨ dughiar kamɨn, Ikiavɨra Itir God uan gavgavir bar ekiam akakagham. A izɨ ongarimɨn itir kuruzir aser dafar kam Leviatan, ivezir kuram isɨ a danɨngɨva a gasɨghasɨgham. A uan mɨdorozir sabar ekiar gavgavir bar ghumizim inigh, kuruzir bar puvɨra daghdagha tintinibar aragharuir kam atughtɨ an aremegham.

Aisaia 27:1 ပူးပေါင်းရင်းမြစ်များ

Esekiel 29:3

Nɨ kamaghɨn a mɨkɨm suam: “Kɨ Ikiavɨra Itir Godɨn Ekiam, kɨ kamaghɨn Isipɨn atrivimɨn mɨgɨa ghaze, Kɨ nɨn apanim gami. Nɨ mati, goar bar dafar Isipɨn dɨpabar itim. Nɨ ghaze, Nailɨn Fanem, nɨ ua bagha an ingarizɨ a nɨn bizimra.

Aisaia 51:9

O Ikiavɨra Itir God, nɨ osegh dɨkafigh! Nɨ fomɨram amizɨ moghɨn, dɨkavigh uan gavgavir ekiam sara izɨ en akuragh. Nɨrara, nɨ Rahap a bɨra, ongarimɨn itir kuruzir aser dafar kam, egha nɨ bar aneghoragharɨghizɨ, a bar mɨzumzuiaribar ire.

Akar Mogomem 12:3

Ezɨ overiamɨn bizir igharagha garir igharazim oto, maburan kuruzir aghevir mam, a dapanir 7pla ikia, egha 10plan komba ikia, egha 7plan atrivimɨn dapanir asuaba vaghavagha an dapanibar iti.

Aisaia 66:16

Guizbangɨra, Ikiavɨra Itir God, avim isɨ, ivezir kuram gumazamizibar anɨngam. Eghtɨ an mɨdorozir sabam, gumazamizir bar avɨrimɨn arazir kuraba ikarvagh me mɨsoghtɨ, me arɨmɨghiregham.

Onger Akaba 104:26

E gari, kuriba ongarim gisɨn ivemara zui, ezɨ maburan osirir ekiar nɨ faragha ingariziba ongarimɨn ikarara uari akura uanaga izaghiri.

Jopɨn Akɨnafarim 26:13

God uabɨ amɨnir ekiam amadazɨ a iza ghuariabagh ivarazɨ, overiam uam angazangari. Egha a uan dafarimɨn kuruzir aser ekiar kam bɨrazɨma, an areme.

Akar Mogomem 20:2

Egha a kuruzir ekiar kamɨn suiragha anebɨra, kar kuruzir bar fomɨra itim, a Satan, gumazir akam isa bar gumazamizibagh asim. Satan 1,000plan azenibar kalabusɨn ikiasa, ensel a inigha senɨn a ike.

Akar Mogomem 19:21

Ezɨ aningɨn mɨdorozir gumaziba, gumazir hoziam gaperazim, uan mɨdorozir sabar an akamɨn itimɨn me mɨsoghezɨ me ariaghire. Ezɨ kuaraziba bar men kuabar tuziba amegha naviba bar izefe.

Jeremaia 51:34

Ezɨ Jerusalemɨn nguibar ekiam kamaghɨn mɨgei: “Babilonɨn Atrivim Nebukatnesar puvɨra na mɨsoke, mati a na apava bar na agɨfa. A mati aser mam bar na tuavareme. Egha nan bizir aghuibar uan navim gazuima a izɨfa. Ezɨ kɨ mati itarir mam, an amegha gɨvazɨ, dagher nataba an itir puvatɨ. Egha gɨn a bar na dɨsi. Babilonia bar nan mɨkarzim gasɨghasɨki, ezɨ nan ghuzim ire. Kamaghɨn amizɨ, me osɨmtɨzim iti, ezɨ Ikiavɨra Itir God men osɨmtɨzir kam ikarvagham.”

Jopɨn Akɨnafarim 40:19

Kɨ God, kɨ ingarizir asɨzibar tongɨn, hipopotamusba bar me gafira. Kɨ dar ingari, egh kɨrara dar gavgaviba abɨnam.

Akar Mogomem 17:15

Ezɨ ensel kamaghɨn na mɨgei, “Dɨpar nɨ ganizir kabanang, amizir arazir kurabagh amim dagh isɨn aperaghav iti, dar mɨngarimra kara: da mɨkarzir igharagha gariba ko, dakoziba bar dar gumazamiziba ko, kantriba bar dar gumazamiziba ko, vaghvagha akabav geir gumazamiziba.

Akar Mogomem 17:1

Ezɨ 7plan enselɨn itarir 7plan suighizir kabanangɨn mav iza kamaghɨn na mɨgei, “Nɨ kagh izɨ. Eghtɨ kɨ amizir ivezir kuram iniamim, nɨn akaghasa. Amizir kam, arazir kurabagh amir amizim, a dɨpar ekiar avɨribagh isɨn apiav itir amizim.

Akar Mogomem 16:13

Ezɨ kɨ gari, duar kurar 3plan mɨtivibar mɨn gariba, da asɨzir atiam ko, kuruzir ekiam ko akar ifavariba akurir gumazim, da vaghvagha men akatoribar otifi.

Akar Mogomem 13:11

Egha kɨ asɨzir atiar igharazir mamɨn garima, a nguazimɨn anagav oto. Egha an dapanimɨn komɨn pumuning sipsipɨn nguzimɨn komɨn mɨn gari. Egha a kuruzir ekiam mɨgei moghɨra mɨgei.

Akar Mogomem 13:4

Gumazamiziba fo, kuruzim uan gavgavim isa asɨzir atiam ganɨngi, kamaghɨn amizɨ me kuruzimɨn ziam fe. Egha uaghan asɨzir atiar kamɨn ziam fa ghaze, “Gumazitam asɨzir atiar kamɨn mɨn gavgavim itir puvatɨ! Gumazitam a ko mɨsoghan kogham!”

Akar Mogomem 2:16

Kamaghɨn amizɨ, ia uan navibagh iragh. Puvatɨghtɨma, kɨ kɨran oveghangɨn ia bagh izɨ, egh gumazamizir kaba uan akamɨn itir mɨdorozir sabamɨn me mɨsogham.

Jeremaia 51:13

O Babilon, nɨ dɨpar avɨriba ko bizir aghuir bar avɨriba nɨn nguibamɨn iti. Ezɨ nɨ ikuvamin dughiam a roghɨra izegha gɨfa. Nɨn ikɨrɨmɨrim mati tretɨn mam, me datɨrɨghɨn aneghorasava ami.

Jeremaia 47:6

Ia kamaghɨn dɨa ghaze, ‘O Ikiavɨra Itir Godɨn mɨdorozir sabam, nɨ manadɨzoghɨn e gasɨghasɨzir ingangarir kam ategham? O mɨdorozir sabam, nɨ uamategh uan asuamɨn aven magɨrɨ. Nɨ ingangarir kam ategh avughsɨ.’

Aisaia 65:25

Eghtɨ afiar atiaba ko sipsipɨn nguziba uari inigh damam. Eghtɨ laionba, bulmakaubar mɨn oghebar amam. Eghtɨ kuruziba nguazimɨn mɨnezibar amam. Egh da nan mɨghsɨamɨn ikɨva, bar moghɨra bar deravɨra uari inigh ikɨva, egh pazɨ uarir amuan kogham. Kɨ Ikiavɨra Itir God, kɨ mɨkemegha gɨfa.”

Aisaia 26:21

Ia gan! Ikiavɨra Itir God uan Nguibam ategha izaghiri, egh nguazir kamɨn itir gumazamizibar arazir kurabar ikarvaghamin ivezim me danɨngam. Eghtɨ gumazir igharazir darazi me mɨsoghezɨ me ariaghireziba, nguazim uabɨ ovengezir gumazir kabar ghuziba mongan iburagham. Bar puvatɨgham. A gumazamiziba amizir arazir kurar kaba bar da azenim datɨgham.

Onger Akaba 45:3

Nɨ atrivir bar gavgavim. Nɨ adiarir bar aghuim gamizɨ nɨn ziam bar pɨn mar iti. Nɨ uan mɨdorozir sabam inigh uan oghɨriam gikegh mɨsoghsɨ gan.

Jopɨn Akɨnafarim 3:8

Kɨ ghaze, gumazamizir akavsiabar ongarimɨn itir bizibav geir gavgavim itiba, ko gumazir asem Leviatan fer gavgavim itiba, me akar kuraba dughiar kam ganɨngizɨ, ti deraghai.

Jopɨn Akɨnafarim 41:1

Ikiavɨra Itir God ua kamaghɨn mɨgɨa ghaze: “Jop, nɨ ti akezim akunigh ongarimɨn itir goar ekiar kamɨn guragham? Nɨ ti an mɨzem benir gavgavimɨn a ikegham?

Aisaia 65:12

Ezɨ kɨ ia bagha dughiar igharagha garim amɨsevegha gɨfa. Ian apaniba izɨ, uan mɨdorozir sababar ia mɨsoghtɨ, ia arɨmɨghiregham. Ia uan teviba apɨrigh, avigh dapaniba nguazimɨn gantɨ, apaniba ian fɨriba aghoram. Ia fo, kɨ ian deima, ia nan dɨmdiam ikarazir puvatɨ. Kɨ uaghan uan akam ia mɨkeme, ezɨ ia an gɨn zuir puvatɨ. Ia nan akaba batogha, arazir kurar kɨ bar aghuaziba nan damazimɨn dagh ami. Kamaghɨn amizɨ, dughiar kurar kam ia bativam.

Amos 9:3

Me Karmelɨn Mɨghsɨamɨn orazimɨn mangɨ uari mongeghtɨ, kɨ me buri men apigham. Me magɨrɨ ongarimɨn dɨkɨnimɨn mongeghtɨ, kɨ ongarimɨn itir kuruzir aser dafam mɨkemeghtɨ, a me mɨsuegh me amegham.