Aisaia 26:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Dɨmagaribar mɨtiriam nan azi moghɨn, nan nɨghnɨzim nɨrara iti. Egha mɨzarazibar, kɨ uan navir averiamɨn aven nɨ ko ikiasa bar ifonge. Kɨ fo, nɨ nguazir kamɨn itir gumazamizibar araziba tuisɨsi, eghtɨ me ganɨva guizɨn nɨn araziba deraghvɨra dagh fogham.

Aisaia 26:9 ပူးပေါင်းရင်းမြစ်များ

Matyu 6:33

Ezɨ bizir ia bar faragh damuamimra kara: Ia God Bizibagh Ativamin Dughiam baghvɨra nɨghnɨgh, egh God ifongezir arazir aghuibar amutɨ, a bizir kaba ko maba sara bar ia danɨngam.

Onger Akaba 119:62

Kɨ dɨmagarir arɨzibar dɨkava apiav ikia, bizir nɨ damuasa e mɨkemeziba bagha nɨn ziam fe.

Onger Akaba 63:1

O God, nɨ nan God, kɨ nɨn ganasa nɨ baghavɨra mɨzua iti. Kɨ mati, dɨpaba puvatɨzir danganimɨn ikia dɨpam bagha ariaghiri moghɨn, nan duam nɨ ko ikiasa ifongezɨ, kɨ bar uabɨ isa nɨ ganɨngi.

Mak Osirizir Akar Aghuim 1:35

Egha amɨmzaraghan amɨnim tɨghar itima, Iesus dɨkavigha dɨpenim ategha ghuava gumazamiziba puvatɨzir danganimɨn ghugha God ko mɨgei.

Akar Mogomem 11:13

Ezɨ dughiar kamra mɨkɨmkɨzir dafam otozɨ, God nguibar ekiamɨn dɨpeniba 10plan okoruabar da tuirazɨ dar okoruar mam bar ikufi. Ezɨ 7,000plan gumazamiziba ariaghire, ezɨ ariaghirezir puvatɨziba ikia, bar atiatigha Godɨn uan Nguibamɨn itimɨn ziam fe.

Luk Osirizir Akar Aghuim 6:12

Dughiar kamɨn Iesus God ko mɨkɨmasa mɨghsɨamɨn ghuavanabogha, God ko mɨgeima amɨnim a bangɨn tira.

Aisaia 55:6

“Ikiavɨra Itir God bar ian boroghɨra ikia ia mɨzua iti. Kamaghɨn, ia datɨrɨghɨn a buri izɨ an dɨmɨva, a baghvɨra ikɨ.

Aghuzir Akaba 8:17

Ezɨ gumazamizir manaba gavgavigha na buri, me nan ganam. Ezɨ gumazamizir manaba na gifonge, kɨ uaghan bar me gifuegham.

Onger Akaba 58:11

Gumazir igharaziba uaghan ganigh fogh suam, “Bar guizbangɨra, gumazir aghuiba me ivezir aghuim isi. Bar guizbangɨra, God ikia kotɨn aven nguazimɨn itir gumazamizibar araziba tuisɨsi.”

Hosea 5:15

“Kɨ uan gumazamiziba ategh uamategh uan nguibamɨn mangam. Eghtɨ me uarira ikɨ uan arazir kurabar ivezir kuram ini mangɨtɨ, mɨzazir kam gɨvaghamin dughiam otogham. Me uan arazir kurabar ikarvazim bagh ivezir kuram ko mɨzazim iniam, egh gɨn me uamategh na bagh izɨ na buriam. Me pazɨ uari baregh, egh gɨn me ua na baghvɨra izam.”

Aisaia 27:9

Egh Israelia guizbangɨra mɨkɨm suam, Ikiavɨra Itir God men arazir kurabar osɨmtɨziba agɨvam, eghtɨ me uan asebar ofa gamir dakoziba apɨrighɨva, dar dagɨaba amsarɨraghitɨ da nguazir mɨnemniamɨn mɨn otogham. Egh me temer guarir aser amizim Aseran nedazim itiba okɨrarɨgh. Egh paura tuema a mughuriar aghuim zuir dakoziba, bar dagh asɨghasɨkigh. Tuavir kamɨn, Ikiavɨra Itir God men arazir kuraba gɨn amadagham.

Onger Akaba 130:6

Kɨ uan navir averiamɨn aven, Ekiamɨn akurvazim bagha a mɨzua ti. Ezɨ nan arazir kam a gumazir dɨmagarimɨn bizibar gara itima amɨnim men itirazir arazim, a bar a gafira.

Onger Akaba 64:9

Gumazamiziba bar Godɨn atiatingam. Egh God amizir bizir kam mɨkɨm zurara a gɨnɨghnɨgham.

Onger Akaba 83:18

Nɨ kamagh damightɨ me guizbangɨra ganigh fogh suam, “Nɨ bar uabɨra nɨn ziam, Ikiavɨra Itir God. Nɨrara Godɨn Bar Pɨn Itim, egha nguazir oteviba bar dagh ativagha dar gari.”

Onger Akaba 78:34

God men maraziv soghezɨ me ariaghirezɨ, men marazi guizbangɨra navibagh iragha ua God bagha ize.

Onger Akaba 63:5

Nan duam bar deraghavɨra ikia mati, gumazim dagher aghuiba amegha bar ikɨri. Kamaghɨn, kɨ bar akuegha nɨn ziam fa ighiabagh ami.

Onger Akaba 105:7

Ikiavɨra Itir God, a en God. A nguazir kamɨn gumazamiziba bar me gativagha men gari.

Onger Akaba 119:55

O, Ikiavɨra Itir God, kɨ dɨmagaribar nɨn ziam gɨnɨghnɨgha, egha nɨn Arazibar gɨn zui.

Aisaia 50:10

Ia Ikiavɨra Itir Godɨn atiatia an apengan ikia, an ingangarir gumazimɨn akabar gɨntɨziba, ia atiatingan markɨ. Ia angazangarim puvatɨgha mɨtarmemɨn arui darasi, ia nɨghnɨzir gavgavim Ikiavɨra Itir Godɨn ikɨva a mɨzuam ikɨ.

Esekiel 5:15

“Kɨ Ikiavɨra Itir God, kɨ kamaghɨn mɨgɨa ghaze, nan anɨngagharim ia bagha bar nan ekefe, ezɨ kɨ bar pazavɨra ia damu ia gasɨghasigham. Eghtɨ arazir kam kantrin igharazir ian boroghɨn itibar gumazamizibar damazimɨn ikiangsɨzir arazimɨn mɨn otogham. Eghtɨ me ian ganigh atiatigh nɨghnɨzir avɨribar amuam. Egh me dɨbovir akabar ia mɨkɨmtɨ ia bar aghumsigham.

1 Eghaghaniba 16:14

Ikiavɨra Itir God, a en God. Egha nguazir kamɨn gumazamiziba bar me gativagha men gari.