Aisaia 26:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ O Ikiavɨra Itir God, e nɨn Akar Gavgavibar gɨn zui, egha e nɨ baghavɨra gara, nɨrara mɨzua iti. Egha uan navir averiabar aven nɨn ziar ekiam bar a gifongegha ghaze, gumazamiziba bar nɨ gɨfogh zurara nɨ gɨnɨghnɨgham.

Aisaia 26:8 ပူးပေါင်းရင်းမြစ်များ

Aisaia 33:2

O Ikiavɨra Itir God, en nɨghnɨzim nɨrara iti. Nɨ en apangkuvigh zurara dughiabar e ekɨarugh uan gavgavimɨn deragh en gan. Egh osɨmtɨzibar dughiamɨn en akurvagh e damutɨ, e uan apaniba dɨkabɨraka.

Onger Akaba 65:6

Nɨ uan gavgavimɨn mɨghsɨabagh amizɨ, da otivigha uan danganibara iti. Nɨn gavgavir kam bar moghɨram ekefe.

Ua Me Ini 3:15

Egha God ua kamaghɨn Moses mɨgei, “Nɨ kamaghɨn Israelian gumazamizibav kɨm, ‘Ikiavɨra Itir God, a ian inazir afeziabar God, an Abraham ko Aisak ko Jekopɨn God, a na amadazɨ, kɨ ia bagha izi.’ Ziar kam, Ikiavɨra Itir God, a zurazurara nan ziam, ezɨ gɨn otivamin boriba ziar kamra na dɨpon.

2 Tesalonika 3:5

E kamaghsua, Ekiam ian faragh mangɨ, ian navibar amutɨ, ia fogh suam, God guizbangɨra ia gifonge. A ian navibar amutɨ, ia Kraisɨn arazimɨn gɨn mangɨva osɨmtɨziba aterɨva tugh gavgavigham.

Akɨnafarir Pol Romɨn Nguibar Ekiamɨn Itir Sios Bagha Osirizim 8:25

E fo, bizir e tɨghar iniamiba e guizbangɨra da iniam. Kamaghɨn amizɨ, e navibar suigha da bagha mɨzuai.

Aposel 1:4

Dughiar mamɨn a me ko ikia, apava mɨgɨrɨgɨar gavgavir kam me ganɨngi, “Ia Jerusalemɨn nguibar ekiam ategh mangan markɨ. Bizir aghuarir nan Afeziam ia danɨngasa akam akɨrizim a izam. Kɨ an gun ia mɨkemezɨ, ia a baraki. Ia a bagh ikɨ.

Aisaia 56:1

Ikiavɨra Itir God kamaghɨn mɨgɨa ghaze: “Ia nan gumazamiziba, kɨ ian akurvaghamin dughiam, a bar roghɨra ize. Gumazamiziba gantɨ, kɨ ua ia iniam. Kamaghɨn amizɨ, nan gumazamiziba, ia nan guizɨn arazibar gɨn mangɨ arazir aghuibar amu.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Aisaia 12:4

Dughiar kamɨn ia kamagh mɨkɨmam: “E Ikiavɨra Itir God, an ziam dɨpon, egh a mɨnabɨva, uarir akurvaghsɨ an dɨmam. Egh ingangarir ekiar an amizibar gun kantribar gumazamiziba bar moghɨra me mɨkɨmɨva, an ziar ekiamɨn gun mɨkɨm.

Solomon 5:8

O Jerusalemɨn amiziba, kɨ akar gavgavim ia ganɨga ghaze, Ia nan roroar gumazir kɨ bar ifongezir kam, ia a batoghɨva, a mɨkɨm suam, kɨ bar a gifonge. Bizir kam bagha nan agharapaniba nan amɨrazɨ, nan damazimning nan sɨri.

Onger Akaba 106:3

Gumazamizir an Akar Gavgavimɨn gɨn ghua arazir aghuibagh amiba, me bar akongegh.

Onger Akaba 84:2

Nan navir averiamɨn, kɨ nɨn dɨpenimɨn, dughiabar zurara gumaziba uari akuvi naghɨn aven ikiasa. Nan ifongiam kamakɨn, kɨ bar nɨn Dɨpenim gifonge. Nɨ Godɨn angamɨra itim. Kɨ uan mɨkarzim ko nɨghnɨzim sara, nɨ bagh bar akuegh, ighiabar amuam.

Onger Akaba 73:25

O God, tina ua nɨn Nguibamɨn ikɨ deragh nan ganam? Nɨ bar uabɨra, ua gumaziba puvatɨ. Kɨ bar nɨ gifonge. Kɨ nguazir kamɨn ua bizitam gifongezir puvatɨ.

Onger Akaba 18:23

A fo, kɨ an damazimɨn osɨmtɨziba puvatɨ. Kɨ guizbangɨra arazir kurabar uabɨra uabɨ geghuva ua bagha gari.

2 Samuel 23:5

God na ko akar dɨkɨrɨzir gavgavir mam akɨra ghaze, A nan ikɨzim damightɨ me ikɨ gavgavigham, eghtɨ a na ko dɨkɨrɨzir akar kam otevkɨnighan kogham. Eghtɨ akar dɨkɨrɨzir gavgavir kam, a zurara kamaghɨra ikiam. Bizir kɨ ifongeziba, God nan akuraghtɨ da deraghvɨram otivam.

Dɨboboniba 36:13

Dughiar Israelia Moapɨn danganir zarimɨn itimɨn, Ikiavɨra Itir God, Akar Gavgavir kaba, ko bizir a damuasa mɨkemeziba isa, Israelia bagha Moses ganɨngi. Danganir kam, Jordanɨn Fanemɨn boroghɨn aruem anadi naghɨn itima, Jerikon nguibar ekiam Jordanɨn Fanemɨn vongɨn iti.

Luk Osirizir Akar Aghuim 1:6

Aning bar deraghavɨra Godɨn Akar Gavgaviba ko bizir a damuasa e mɨkemeziba, aning dar gɨn zui. Ezɨ God aningɨn garima, aning an damazimɨn bar dera.

Malakai 4:4

“Kɨ Sainain Mɨghsɨamɨn, uan ingarir gumazim Moses ganɨngizir arazir kɨ ifongeziba ko, bizir kɨ damuasa ia mɨkemeziba, ia da bakɨnɨghnɨghan markɨ. Israelian gumazamiziba bar akar kabar gɨn mangasa, kɨ da isa ia ganɨngi.

Maika 7:7

Ezɨ kɨ uabɨ, nɨghnɨzir gavgavim Ikiavɨra Itir Godɨn ikɨ a mɨzuamam. Eghtɨ a kɨ a ko mɨgeir azir akaba baregh, izɨ nan akuragh na inightɨ, kɨ deraghvɨra ikiam.

Aisaia 30:18

Guizbangɨra, Ikiavɨra Itir God, a Godɨn guizɨn arazibagh amim. Kamaghɨn amizɨ, a ian apangkuvighasa ifongiar bar ekiam iti. A uan apangkuvim ian akakaghasa ia mɨzua iti. Gumazamizir nɨghnɨzir gavgavim an ikiava, uarir akurvaghasa a mɨzua itiba, me bar akuegham.

Onger Akaba 130:5

Kɨ uabɨn akurvaghasa ifongegha, Ikiavɨra Itir God, a mɨzua iti. Egha nɨghnɨzir gavgavim an akamɨn iti.

Aisaia 24:15

Kamaghɨn amizɨ, ia aruem anadi naghɨn itir gumazamiziba, Ikiavɨra Itir Godɨn ziam fɨ. Ia ongarimɨn arighatɨzibar itir gumazamiziba, ia bar moghɨra ziar ekiam a danɨng, a Israelian God, Ikiavɨra Itir God.

Aisaia 25:1

O Ikiavɨra Itir God, nɨ nan God, ezɨ kɨ nɨn ziam fasa. Nɨ nan akurvaghasa bizir aghuir igharagha garibagh ami. Nɨ fomɨra damuasa mɨkemezir biziba, nɨ guizbangɨra dagh amigha gɨfa. Kamaghɨn amizɨ, kɨ ziar ekiam nɨ ganɨdi.

Aisaia 26:13

O Ikiavɨra Itir God, en God, gumazir ekiar igharaziba fomɨra e gativaghava en gari. Ezɨ e ziar ekiam nɨraram anɨdi.

Aisaia 49:23

Atriviba ko atrivir amiziba uan boribar gari moghɨn, nɨn boribar ganam. Me nɨn ziam fɨsɨ, nɨn suemningɨn boroghɨn uan teviba apɨrigh, dapaniba avigh nguazim ginivigham. Eghtɨ nɨ fogh suam, kɨ uabɨra, kɨ Ikiavɨra Itir God. Gumazamizir nɨghnɨzir gavgavim nan ikia, nan akurvazim bagha mɨzua itiba, me na mɨzuam ikɨ aghumsɨghan kogham.”

Aisaia 51:4

“Ia nan gumazamiziba, ia deraghvɨra nan akam baragh. Kɨ dabirabir aghuimɨn arazim bagh gumazamiziba bar men sure damuam, eghtɨ nan guizɨn arazim, angazangarimɨn mɨn kantriba bar dar ikiam.

Maika 4:5

Kantrin Igharazibar Gumazamiziba uan asebar ziaba fɨ, men akabar gɨn mangam. Eghtɨ e Israelia, Ikiavɨra Itir God, en God, e zuraram an ziam fɨ mamaghɨra ikiam.

Onger Akaba 42:2

O God, nɨ Godɨn Angamɨra Itim, kɨ nɨ bagha kuarim bar puvɨra nan pɨri, mati gumazim kuarim an pɨrizɨ a dɨpatam amasa. God, dughiar manamra kɨ bar nɨn boroghɨra mangɨ egh nɨn ziam fam?